आज दिनभर : अग्निले सभामुख पाए, बच्चुरामले ५० लाख गुमाए

A+ A A-

आज १२ माघका नेपाली मिडियामा सभामुख चयनले प्राथमिकता पायो भने प्रदेश सांसद दीपक मनाङे धरौटीमा रिहा भएको खबर पनि चर्चामा रह्यो । यसरी नै आजका नेपाली मिडियामा अपराध, दुर्घटनालगायतका खबर पनि समेटिए ।

...

नेपाली कांग्रेसको केन्द्रमा देखिएको विवाद सहमतिको आधारमा टुंगिएको दाबी गरे पनि भागबण्डामा कुरा नमिल्दा बल्झिएको छ ।

पार्टी सभापति शेबरहादुर देउवाले पार्टीका असन्तुष्ट नेताको मागबमोजिम पार्टीको १४औँ महाधिवेशनको कार्यतालिका नल्याएपछि बढेको विवाद १ महिना बितिसक्दा पनि समाधान भएको छैन ।

...

कुटपिट आरोपमा पक्राउ परेका गण्डकी प्रदेशका सांसद राजीव गुरुङ (दीपक मनाङे) धरौटीमा रिहा भएका छन् । जिल्ला प्रशासन कार्यालय कास्कीले ६ हजार रुपैयाँ धरौटीमा छोडन् निर्देशन दिएको कास्की प्रहरी प्रमुख एसपी दानबहादुर कार्कीले जानकारी दिए ।

...

पोखरा विमानस्थलबाट ठूलो परिमाणकाे गोलीसहित एक जनालाई प्रहरीले पक्राउ गरेको छ । पोखरा महानगरपालिका, रिठ्ठेपानीमा बस्ने ४० वर्षीय जितु शाहीलाई पोखरा विमानस्थलबाट २९ थान गोलीसहित पक्राउ गरिएकाे जिल्ला प्रहरी कार्यालय कास्कीका प्रहरी प्रमुख एसपी दानबहादुर कार्कीले जानकारी दिए ।

...

सत्तारुढ नेपाल कम्युनिस्ट पार्टी (नेकपा)का सांसद अग्नि सापकोटा सभामुख पदमा निर्विरोध निर्वाचित भएका छन् । आइतबार बसेको प्रतिनिधिसभाको बैठकले सापकोटालाई सभामुखमा निर्विरोध चयन गरेको हो ।

...

बल्ने ढुंगाको लोभमा लाग्दा बच्चुराम गुरुङले ५० लाख रुपैयाँ गुमाए । स्वयम्भु भगवानपार्कका गुरुङले बल्ने ढुंगा किन्न जाँदा उनको ५० लाख रुपैयाँ लुटिएको हो ।

...

लामो समयपछि प्रतिनिधिसभाले नयाँ सभामुख पाएको छ । आज भएको मतदानमा सत्तारुढ दलबाट एकल उम्मेदवार अग्नि सापकोटा निर्विरोध निर्वाचित भएका छन् ।

संसदीय प्रक्रिया पूरा गरेर उनलाई निर्वाचित गरिएको छ । तर, उनको सभामुख पद पनि अन्ततः विवादास्पद र शंकास्पद बन्दै गएको छ ।

...

एमसीसीको पक्ष र विपक्षमा धेरै बहस भए, भइरहेका छन् । राजनीतिज्ञ मात्रै नभएर सम्बन्धित विषयका विद्यावारिधिवाला डाक्टरसा बहरू नै यसको पक्ष र विपक्षमा वकालत गरिरहेका छन् । अतः निष्कर्ष त पक्कै निस्किएला ।

...

सशस्त्र द्वन्द्व चलेको थियो । यसको नेतृत्व तत्कालीन माओवादीले गरेको थियो । माओवादीका नेताहरू भूमिगत थिए । भूमिगत नेताहरू अध्ययन अनुसन्धानमा थिए । नेपालमा त्यो समयमा मार्क्सवादी पुस्तकहरूमाथि प्रतिबन्ध लगाइएको थियो । माओवादी नेताहरू कोही भारतमा सेल्टर लिएर बसेका थिए, कोही उपचार गर्न जान्थे भने कोही पुस्तक किन्न पनि जान्थे ।

...

तिला गुफा नगरपालिकाकी उपप्रमुख दर्शना नेपाली चार महिनापछि सम्पर्कमा आएकी छन् । एउटा गोष्ठीमा सहभागी हुन अमेरिका गएकी नेपालीले स्वास्थ्य समस्याका कारण अमेरिकामा बसेको स्पस्टिकरण दिएकी छन् । मिडियामा उनी सम्पर्कविहीन भएको खबर आएपछि उनले आज सामाजिक सञ्जामार्फत आफू लुकेको नभई बिरामी भएका कारण उपचार गराउन अमेरिका बसेको बताएकी छन् ।

...

संखुवासभामा निर्माणधीन ९०० सय मेगावाटको अरुण तेस्रो जलविद्युत् आयोजनाको विद्युत गृहमा नेत्रविक्रम चन्द नेतृत्वको नेपाल कम्युनिस्ट पार्टीले बम विस्फोट गराएको छ । चन्द समूहको एक समूहले चिचिला र मकालु गाउँपालिकाबीचको पुवाखोला केराबारी विद्युत गृह निर्माणस्थलको बन्दै गरेको कोलोनीमा प्रेसर कुकर बम विस्फोट गराएकाे हाे ।

...

सरकारले विगत १ वर्षदेखि वैदेशिक रोजगार क्षेत्रलाई व्यवस्थित, सुरक्षित र मर्यादित बनाउन नयाँनयाँ ऐनहरू बनाएर लागू गर्न थालेको छ । वैदेशिक रोजगार विभागले रोजगारीको खोजीमा विदेशिने श्रमिकका लागि ‘श्रमिक छनोट मोडेल’ ल्याउने अन्तिम तयारीमा छ । उक्त मोडेलको सम्पूर्ण काम सकेको विभागले जनाएको छ । मोडेलका केही महत्त्वपूर्ण विषयमा हाल छलफल चलिरहेको विभागले जानकारी दिएको छ ।

...

सर्वोच्च अदालतका न्यायाधीश हरि फुयाँलले नेकपा नेता अग्नि सापकोटाविरुद्ध दायर भएको रिटमा न्यायाधीशकाे हैसियतमा आफूले आदेश जारी नगर्ने भएका छन् । अधिवक्ता दिनेश त्रिपाठीले सापकोटालाई सभामुखमा निर्वाचित गर्न रोक्न माग गर्दै दायर गरेको रिट फुयाँलको इजलासमा सुनुवाइका लागि पेस भएको थियो ।

प्रकाशित मिति: आइतबार, माघ १२, २०७६ १९:१९