आज दिनभर : गाैरिकाकाे चमत्कार, हरायाे गैँडा, प्रदेश खाेज्न कता ?

A+ A A-

यसरी नै आजका मिडियामा प्रधामनमन्त्री केपी शर्मा ओलीको स्वास्थ्यबारेको चासो, विभिन्न स्थानमा भएका दुर्घटना र आगलागीबाट भएका क्षतिलगायतका विषय प्रमुख रूपमा आए ।

...

नेपालले सन् २०२० लाई भ्रमण वर्षका रूपमा मनाउँदै छ । सरकारको यो अभियानलाई सागले पनि टेवा पुर्‍याउने विश्वास गरिएको छ । किनकि, दक्षिण एसियाली मुलुकका खेलाडी, उनीहरूको आफन्त र अफिसियलले नेपालका बारेमा कुनै न कुनै प्रचार गरिदिनेछन् ।

तर, साग आयोजक नेपालले पर्यटकलाई थप आकर्षित गर्ने गरी सागमा आफ्नो सूत्र प्रयोग गर्न सकेको देखिँदैन । नेपालमा पाइने जनावरका चित्रसँगै अफ्रिकामा पाइने दुई सिङे गैंडाको चित्र छ । जबकि, नेपालमा दुर्लभ एक सिङे गैंडा पाइन्छ, यसको भने तस्वीर छैन ।

...

१३औं दक्षिण एसियाली खेलकुद प्रतियोगिता (साग) अन्तर्गत पौडीमा गौरिका सिंहले तेस्रो स्वर्ण पदक जित्दै ह्याट्रिक गरेकी छन् । सातदोबाटोस्थित पौडी पोखरीमा आइतबार गौरिकाले ४ सय मिटर फ्रिस्टाइलमा तेस्रो स्वर्ण जितेकी हुन् ।

यससँगै गौरिकाले एकै सागमा तीन स्वर्ण जित्ने कीर्तिमान बनाएकी छन् । यसअघि उनले २ सय मिटर ब्याकस्ट्रोक र २०० मिटर फ्रिस्टाइलमा स्वर्ण जितेकी थिइन् ।

...

१३औँ दक्षिण एसियाली खेलकुद (साग)अन्तर्गत जुडोमा नेपालले स्वर्ण पदक जितेको छ । ५२ केजीमुनि महिला जुडोमा देविका खड्काले नेपाललाई स्वर्ण दिलाएकी हुन् ।

श्रीलंका, भारत र बंगलादेशका खेलाडीलाई राउन्ड रोबिन लिगमा पछि पार्दै देवीका स्वर्ण पदक जित्न सफल भइन् । १३औं सागमा नेपालले जुडोमा पहिलो स्वर्ण जितेको हो ।

...

१३औँ दक्षिण एसियाली खेलकुद (साग)अन्तर्गत क्रिकेट प्रतियोगिताको उपाधि पुरुषतर्फ श्रीलंका र महिलातर्फ बंगलादेशले जितेका छन् । त्रिवि क्रिकेट मैदान कीर्तिपुरमा भएको पुरुष क्रिकेटमा श्रीलंकाले बंगलादेशलाई ९ विकेटले हराउँदै स्वर्ण पदक जितकाे हाे ।

...

नेपाली राष्ट्रिय बास्केटबल टोली १३औँ दक्षिण एसियाली खेलकुद (साग)अन्तर्गत पुरुष बास्केटबलको सेमिफाइनलमा प्रवेश गरेको छ ।आइतबार दशरथ रंगशालास्थित कभर्ड हलमा नेपालले माल्दिभ्सलाई ७६-६२ ले पराजित गर्दै अन्तिम चारमा स्थान पक्का गरेको हो ।

...

१३औँ दक्षिण एसियाली खेलकुद (साग)अन्तर्गत ईन्द्रबहादुर श्रेष्ठ र सञ्जित डंगोल जुडोको फाइनलमा पुगेका छन् । ६६ केजी तौल समूहको आइतबार भएको सेमिफाइनलमा पाकिस्तानका हसनलाई वाजरीमा १–० ले हराउँदै ईन्द्रले रतज पदक पक्का गरे ।

त्यसअघि ईन्द्रले श्रीलंकाका खेलाडीलाई २ मिनेट १८ मिनेट बाँकी रहँदा इप्पोनमा पराजित गर्दै सेमिफाइनलमा स्थान बनाएका थिए । नेपाली सेनाको लगनखेलस्थित कभर्ड हलमा जुडो आइतबार सुरु भएको हो ।

...

बलात्कार प्रयासको आरोप लागेर कृष्णबहादुर महराले राजीनामा दिएपछि प्रतिनिधिसभामा सभामुख पद करिब ३ महिनादेखि रिक्त छ । १४ असोजमा महराले राजीनामा दिएपछि रिक्त पदमा कसलाई ल्याउने भन्नेमा नेकपाभित्र छलफल चलिरहेको छ ।

पूर्वमाओवादीबाट पम्फा भुसाल, ओनसरी घर्ती मगर र अग्नि सापकोटाले सभामुख पदमा दाबी गर्दै आएका छन् । तर, भुसालप्रति नेकपा अध्यक्ष पुष्पकमल दाहाल सकारात्मक नभएको, सापकोटामाथि फौजदारी अभियोगको मुद्दा उल्टन सक्ने र घर्तीलाई दोहोर्‍याएर अवसर दिँदा ऊर्जामन्त्री वर्षमान पुनको जिम्मेवारी खोसिन सक्ने भएकाले तीनै जनाको सम्भावना न्यून देखिएको छ ।

...

विद्यार्थीको प्रदर्शन नियन्त्रणबाहिर गएपछि कोहलपुरमा कर्फ्यू लागेको छ । आइतबार बिहान ट्रकको ठक्करबाट कोलपुर–१० कि १२ वर्षीया बालिका प्रकृति चन्दको दुवै खुट्टा चुँडिएका छन् । ट्रकले जानीजानी बालिकाको खुट्टा चुँडाएकाे भन्दै विद्यार्थीले बिहानैदेखि आन्दोलन थालेका छन् ।

...

मिर्गौलाले काम गर्न छाडेपछि बिरामी परेका प्रधानमन्त्री केपी शर्मा ओलीको मिर्गौला ट्रान्सप्लान्ट गर्ने तयारी छ । १२ वर्षअघि भाइबुहारीको मिर्गौला ट्रान्सप्लान्ट गरेका ओलीलाई पुनः ट्रान्सप्लान्ट गर्नुपर्ने भएपछि उनका नातेदार मिर्गौला दिन तयार छन् । तर, शनिबार एकाएक एक कैदीबन्दीले आफ्ना दुवै मिर्गौला दिन तयार भएको खबर सार्वजनिक भयो ।

प्रधानमन्त्री कार्यालयलाई पत्र लेख्दै कैदीबन्दीले प्रधानमन्त्री ओली देशका लागि बाँच्न आवश्यक रहेको भन्दै आवश्यक परे आफ्ना दुवै मिर्गौला दिन तयार भएको पत्र सार्वजनिक भएको छ ।

...

प्रदेश ५ को राजधानी बुटवल वा दाङ कहाँ हुने विवाद कायमै छ । बुटवल वा दाङ राजधानी तोक्दा हुन सक्ने विरोधलाई ध्यान दिदै कपिलबस्तु पनि राजधानी बन्न सक्ने मध्यमार्गी विकल्प अघि सारिएको छ । समिति ७ लाख रुपैया बजेट बोकेर भारत भ्रमणमा गएको हो ।

...

माघ २०६५ बाट ३ जिल्ले विकास बैंकको रूपमा सञ्चालनमा आएको साइन डेभलपमेन्ट बैंक अहिले विभिन्न मर्जर र प्राप्तिको चरणसँगै राष्ट्रियस्तरको विकास बैंक बनेको छ । साइन र रेसुंगा डेभलपमेन्ट बैंक एकआपसमा मर्जर भएर बनेको साइन रेसुंगा डेभलपमेन्ट बैंकले हालै पूर्णिमा विकास बैंक र भार्गव विकास बैंकलाई समेत प्राप्ति गरेको थियो ।

चालू आवको पहिलो त्रैमासमा बैंकले ३२ प्रतिशतले नाफा वृद्धि गरेर १२ करोड ७४ लाख रूपैयाँ नाफा कमाएको छ । नाफा रकमका आधारमा यो बैंक सबै विकास बैंकमध्ये चौथो स्थानमा छ ।

...

लमजुङमा बस बस दुर्घटना हुँदा एक जनाको मृत्यु भएको छ । सात जना घाइते भएका छन् । सदरमुकाम बेंसीशहरबाट गोरखातर्फ जाँदै गरेको ग१ख ५७९९ नम्बरको यात्रुवाहक बस आइतबार बिहान दुर्घटना भएको हो ।

तीव्र गतिमा रहेको बस अनियन्त्रित भई पाउँदी खोलामा खसेको जिल्ला प्रहरी कार्यालय लमजुङले जनाएको छ । दुर्घटनामा अन्दाजी ३५ वर्षीया महिलाको मृत्यु भएको हो । गम्भीर बनेकी उनलाई उपचारका लागि अस्पताल लगिएको छ ।

...

भारतको राजधानी नयाँ दिल्लीको रानी झाँसीरोडस्थित अन्न भण्डारमा भीषण आगलागी हुँदा ४३ जनाको मृत्यु भएको छ । सो आगलागीमा घाइते भएकाहरूलाई लोक नायक अस्पतालमा भर्ना गरिएको छ । अस्पतालकी डाक्टर रितु सक्सेनाले मृतकको संख्या ४३ पुगेको जानकारी दिएकी छन् ।

प्रकाशित मिति: आइतबार, मंसिर २२, २०७६ १९:३६