सर्वोच्चद्वारा प्रस्तावित न्यायाधीश नहकुल सुवेदीको योग्यतासम्बन्धी रिट खारेज

सर्वोच्चद्वारा प्रस्तावित न्यायाधीश नहकुल सुवेदीको योग्यतासम्बन्धी रिट खारेज

A+ A A-

सर्वोच्च अदालतले न्यायाधीशमा सिफारिस नहकुल सुवेदीको योग्यतमाथि प्रश्न उब्जाउँदै परेको रिट खारेज गरेको छ ।

सोमबार न्यायाधीश तेजबहादुर केसीको एकल इजलासले सुवेदीको योग्यतामाथि परेको रिट खारेजको फैसला सुनाएको हो ।

सर्वोच्चको न्यायाधीशमा सुवेदीको योग्यता नपुग्ने भन्दै वरिष्ठ अधिवक्ता सुरेन्द्र भण्डारीले १३ चैतमा रिट दायर गरेका थिए । सुवेदीको संविधानमा निर्धारित कुनै पनि योग्यता नपुग्ने भन्दै निर्णय खारेजीको माग गर्दै रिटमा गरिएको थियो ।

संविधानको धारा १२९ को उपधारा ५ मा सर्वोच्च अदालतको न्यायाधीश बन्ने चारवटा मापदण्डसहितका बाटो तोकिएको छ । पहिलो- कानुनमा स्नातक उपाधि प्राप्त गरी उच्च अदालतको मुख्यन्यायाधीश वा न्यायाधीश पदमा कम्तीमा पाँच वर्ष काम गरेको, दोस्रो- कानुनमा स्नातक वरिष्ठ अधिवक्ता वा अधिवक्ताको हैसियतमा कम्तीमा १५ वर्ष निरन्तर वकालत गरेको, तेस्रो- कम्तीमा १५ वर्षसम्म न्याय वा कानुनको क्षेत्रमा निरन्तर काम गरी विशिष्ट कानुनविद्को रूपमा ख्याति प्राप्त गरेको र चौथो- न्याय सेवाको राजपत्रांकित प्रथम श्रेणी वा सोभन्दा माथिल्लो पदमा कम्तीमा १२ वर्ष काम गरेको व्यक्ति सर्वोच्चको न्यायाधीशका लागि योग्य मानिने संवैधानिक व्यवस्था छ ।

यीमध्ये कुनै पनि योग्यता नपुग्ने तथ्य राख्दै भण्डारीले रिटमा दाबी गरेका थिए । सुवेदी उच्च अदालतमा नियुक्ति भएको ५ वर्ष पुगकेो छैन भने न्याय सेवाको सहसचिवभन्दा माथिल्लो पदमा काम गरेको १२ वर्षको अविध पनि अपुग छ । न्याय सेवा र उच्च अदालतको सेवा अवधि जोडेर न्यायपरिषद्ले सुवेदीको योग्यता पुर्‍याइदिएको हो । जुन विषय विवादित छ । २८ फागुनमा प्रधानन्यायाधीश नेतृत्वको परिषद्ले सर्वोच्चमा न्यायाधीश सिफारिस गरेको हो ।