नर्स हुनुको गर्व महशुस भयो

A+ A A-

आइतबार बेलुकी आएको हावाहुरीबाट घाइते भएका फेटा गाउँपालिकाका बिरामीहरु वीरगञ्जका अस्पतालमा भर्ना हुन आईपुगे । एक्कासी बिरामी आउन थाले पछि अस्पतालमा कार्यरत कर्मचारीदेखि चिकित्सकसम्मलाई भ्याइ नभ्याई भयो । कोहलाहल र पीडाको छटपटीकाबीच उपचारमा संलग्न चिकित्सक नर्सलाई समय बितेको पत्तै भएन । १८ घण्टा बितिसक्दा समेत उनीहरु अथकक खटिएका थिए । शिलापत्रकर्मी सागर चन्द अस्पताल पुुगेर केहि नर्स र चिकिस्तकसँग कुरा उनीहरुले आप्mनो अनुभुति यसरी सुनाए ।

गंगा गुरुङ, नर्स

अवस्था एकदमै विक्षिप्त थियो । ट्रिपर, ट्रकमा राखेर घाइतेहरुलाई खसीबाख्रा जस्तै गरी अस्पताल ल्याइएको थियो । चोटपटक लागेका घाउमा धुलो धुवाँ पसेको थियो । घाउहरु जाम भएर रगतसमेत बग्न पाएको थिएन । घाइतेहरु रुँदै छटपटाइरहेका थिए । धुलोले छोपेर अनुहार पनि नचिनिने अवस्थामा थिए ।

कपडाहरु च्यातिएका थिए । नागैं बुगैं घाइतेहरु अस्पताल ल्याइएको थियो । घाइते त्यसमाथि कच्ची सडक ट्रिपरमा खाँदेर ल्याउदा झन बिक्षिप्त अवस्थामा थिए । घाइतेहरुको अवस्था हेर्दा निकै भयावह थियो । पीडाले मान्छेहरु छटपाटाइरहेका थिए ।

अस्पतालका सबै चिकित्सक, नर्सहरु रातदिन नभनी काम गर्यौं । घटनाकौ दिन राति ८ बजेदेखि नै हामी अहिलेसम्म खटिरहेका छौं । थकानको कुनै महसुस नै भएन । घाइतेहरुको अवस्था यति भयावह थियो कि हामीलाई थकाई मान्ने छुट थिएन । उनीहरुको अवस्था देख्दा सेवाको भावले हामीलाई सक्रिय बनाइरह्यो ।

घाइतेहरुको दुःख पीडाका सामू आफ्नो थकान त केही होइन जस्तो लाग्यो । उपचार कसरी प्रभावकारी बनाउने, कसरी उनीहरुको पीडा कम गर्ने भन्नेतिर मात्र ध्यान गयो । यो घटनाले आफ्नो पेशाप्रतिको जिम्मेवारी र नर्स हुनुको गर्व महशुस गरायो ।

कसरी हुँदै छ उपचार अन्य डाक्टरकाे अनुभव

डा. प्रमोद सुदा

निर्देशक, नेशनल मेडिकल कलेज

उपचारमा आएका सबैको निःशुल्क औषधि उपचार गरिरहेका छौं । घाइते तथा अस्पतालमा आएका सबैलाई खानाको मेस पनि सञ्चालन गरेका छौं । एकजना बाँया हात चुडिएर आएको विरामीलाई आइसियुमा राखेर उपचार गरिरहेका छौं ।

बेसहारा मान्छेको मान्छेको उपचारमा कुनै कमी गरेका छैनौ । आँखा र टाउकोमा चोट लागेका एक बालकसहित ७ जनाको आइसियुमा राखेर उपचार भइरहेको छ ।

अहिलेसम्म उपचार र खाना व्यवस्थापनमा अस्पतालको एक करोड बढी खर्च भएको छ ।

राहुल

हाडजोर्नी विशेषज्ञ

घाइतेको स्थानीय स्तरमा उपचार सम्भव छ तर अधिकांश मानसिक रुपमा त्रसित भएका छन् । उनीहरुलाई काउन्सिलिङ मार्फत समाजमा पूनस्र्थापनाको काम गरिएन भने ठूलो समस्या आउछ । सामाजिक सुरक्षाको चुनौति बढ्ने देखिन्छ । घाइतेहरुलाई हेर्ने कुरुवा समेत छैनन् । परिवारका सबैजसो घाइते भएका कारण कुरुवा बस्ने मानिस पनि पाइएको छैन ।

प्रकाशित मिति: बुधबार, चैत २०, २०७५ ०५:१५