कर्णाली उज्यालो कार्यक्रमका २ आयोजनाका बोलपत्र आह्वान

A+ A A-

कर्णाली प्रदेश सरकारले ‘कर्णाली उज्यालो कार्यक्रम’ २ वटा आयोजनाको बोलपत्र आह्वान गरेको छ ।

रूकुमपश्चिमको सिम्रतु र कालिकोटको दुर्सिखोला लघुजलविद्युत् आयोजनाका लागि बोलपत्र आह्वान गरेको छ ।

कर्णाली प्रदेश सरकारको मुख्यमन्त्री तथा मन्त्रिपरिषद् कार्यालयले बोलपत्रको आह्वान गरेको छ ।

सिम्रतु लघ जलविद्युत् आयोजनाबाखट रूकुमपश्चिम त्रिवेणी गाउँपालिका–२ का १८ गाँउका ८ सय ६३ घरपरिवार र कालिकोटको दुर्सिखोलाबाट पलाँता गाउँपालिका ७ का १३ गाँउका १ हजार १ सय ५० घरधुरीलाई विद्युत्को पहुँचमा पुग्नेछ ।

रूकुमपश्चिमको सिम्रतु खोला लघु जलविद्युत् आयोजना २ सय किलोवाट क्षमताको हो भने कालिकोटको दुर्सिखोला लघु जलविद्युत आयोजना १ सय किलोवाट क्षमताको छ ।

कर्णाली उज्यालो कार्यक्रमअन्तर्गत यी २ आयोजनाको काम अगाडि बढाउनका लागि बोलपत्रको आह्वान गरिएको कर्णाली प्रदेश सरकार मुख्यमन्त्री तथा मन्त्रिपरिषद् कार्यालयका प्रवत्ता केशव उपाध्यायले बताए ।

‘कर्णाली उज्योलो कार्यक्रमका लागि बोलपत्र आह्वान गरिएको छ,’ उनले भने, ‘यी दुई आयोजना प्रारम्भिक चरणमा छनाेट गरिएका छन् ।’

कर्णाली प्रदेश सरकारले कर्णाली उज्यालो कार्यक्रमका लागि अन्य आयोजनाको कामलाई अगाडि बढाउन प्रारम्भिक अध्यायन सुरु गरेको प्रवत्ता उपाध्यायले बताए । ‘कार्यक्रमलाई द्रुत ढंगले अगाडि बढाएका छौं,’ उनले भने, ‘यसका लागि आयोजनाको अध्ययन भइरहेको छ ।’

यी २ आयोजनाको लागत रकम विषयमा भने अहिले बोलपत्र आह्वानमा गएका कारणले लागत विषयमा जानकारी दिन नमिल्ने मुख्यमन्त्री तथा मन्त्रिपरिषद्को कार्यालयले जनाएको छ ।

कर्णाली प्रदेश सरकारले आर्थिक वर्ष २०७६/०७७ को नीति कार्यक्रममा नै ५० करोड ९ लाख रुपैयाँ विनियोजन गरेको थियो ।

प्रकाशित मिति: आइतबार, फागुन ११, २०७६ १३:१०