कर्णालीमा उद्योग स्थापनाका लागि सम्भाव्यता अध्ययन

A+ A A-

कर्णाली प्रदेशमा ठूला उद्योग स्थापनाका लागि सम्भाव्यता अध्ययनका लागि काम बढेको छ । उद्योग, पर्यटन, वन तथा वातावरण मन्त्रालयले सम्भाव्यता अध्ययनको थालनी गरेको हो ।

कर्णालीमा पाँच किसिमका उद्योग खोल्नका लागि मन्त्रालयले सम्भाव्यताको काम अगाडि बढाएको छ ।

कर्णाली प्रदेशमा उद्योगका लागि पाँच किसिमका उद्योग खोल्न सकिने त्यसका लागि सम्भाव्यता अध्ययनका काम अगाडि बढाइएको उद्योग, पर्यटन, वन तथा वातावरण मन्त्रालयअन्र्तगत उद्योग शाखाका प्रमुख तुलसी आचार्यले बताए ।

‘ठूला उद्योग खोल्नका कर्णाली प्रदेशमा सम्भावना क्षेत्र धेरै छन्,’ उनले भने, ‘छाला, रेसादार, रत्न पत्थर, जडिबुटी र खानी उद्योग खोल्नेबारे सम्भाव्यता अध्यायन हुनेछ ।’

कर्णाली प्रदेशमा वन, जडिबुटी, पशुपालन, कृषि क्षेत्रमा उद्योग खोल्न सकिने तयारी अवस्था रहेको प्रमुख आचार्यले बताए ।

‘सम्भावनाका क्षेत्र धेरै भएपनि अहिले कर्णालीमा उद्योग नै छैनन्,’ उनले भने, ‘उद्योग खोल्न आउँ भनेर लगानी भन्ने कहाँ, कुन उद्योग खोल्न सकिन्छ भनेर लगानीकर्ता देखाउन पनि सम्भाव्यता अध्ययन आवश्यक रहेको छ ।’

कर्णाली प्रदेशमा उद्योगमा लगानी गर्न चाहनेका लागि यी उद्योगका सम्भावना हुन भनेर देखाउन सम्भाव्यता अध्ययन गर्न थालिएको आचार्यले जानकारी दिए ।

कर्णाली प्रदेशमा ठूला उद्योग सम्भावना धेरै भएपनि विस्तृत अध्ययन नहुँदा कहाँ कसरी कुन उद्योग खोल्न सकिन्छ भनेर लगानीकर्तालाई देखाउन नसकेको प्रमुख आचार्यले बताए ।

‘अध्ययनका काम यसै आर्थिक वर्षमा सक्छौं,’ उनले भने, ‘त्यसका लागि प्रस्ताव आह्वानसमेत गरिसकिएको छ ।’

कर्णालीमा उद्योग खोल्नका सम्भाव्यता अध्ययन नहुँदा थोरै मात्र उद्योग दर्ता भएको उद्योग, पर्यटन, वन तथा वातावरण मन्त्रालयले जनाएको छ ।

कर्णाली प्रदेश सरकारको तथ्यांक अनुसार कर्णाली प्रदेशमा ३९ वटा मात्र उद्योग दर्ता भएका छन् । कर्णाली प्रदेशमा खनिजसँग सम्बन्धित छ, सेवामूलक नौं उत्पादनमूमक छ र पर्यटनसँग सम्बन्धित छ वटा उद्योग दर्ता रहेको छन् ।

औद्योगिक ऐन बन्दै

कर्णालीमा उद्योग स्थापना र लगानीकर्तालाई आक्रर्षित गराउनका लागि उद्योग, पर्यटन, वन तथा वातावरण मन्त्रालयले औद्योगिक ऐन ल्याउने तयारी गरेको छ ।

औद्योगिक ऐन ल्याएर लगानीकर्तालाई कर्णालीमा लगानीका लागि आह्वान गर्ने तयारीका साथ औद्योगिक ऐन ल्याउन लागेको उद्योग, पर्यटन, वन तथा वातावरण मन्त्रालयका सूचना अधिकारी शेरबहादुर रोकायाले बताए ।

‘औद्योगिक ऐन बनाएर मन्त्रालयले संसदमा पेश गर्ने अन्तिम तयारीका रहेको छ,’ उनले भने, ‘त्यसले पनि कर्णालीमा उद्योग खोल्नका लागि सहज वातावरण बनाउँछ ।’

प्रकाशित मिति: शुक्रबार, फागुन ९, २०७६ ०९:४४