ज्योति विकास बैंकद्वारा एक प्राथमिक स्वास्थ्य केन्द्र र दुई अस्पताललाई बेबी वार्मर प्रदान

ज्योति विकास बैंकद्वारा एक प्राथमिक स्वास्थ्य केन्द्र र दुई अस्पताललाई बेबी वार्मर प्रदान

A+ A A-

ज्योति विकास बैंकले एक प्राथमिक स्वास्थ्य केन्द्र र दुई अस्पताललाई बेबी वार्मर प्रदान गरेकाे छ ।

बैंकले 'हाम्रो विकास प्रवर्द्धन कोष'मार्फत महोत्तरीकाे रामगोपालपुर नगरपालिका- ५ स्थित प्राथमिक स्वास्थ्य केन्द्र, झापाकाे दमक नगरपालिका- २ स्थित आम्दा अस्पताल र खाेटाङकाे जिल्ला अस्पताल दिक्त्तेललाई एक/एक थान बेबी वार्मर प्रदान गरेको हाे ।

प्राथमिक स्वास्थ्य केन्द्र, आम्दा अस्पताल र जिल्ला अस्पताल खोटाङमा आयोजित कार्यक्रममा राष्ट्रिय आविष्कार केन्द्र र ज्योति विकास बैंकद्वारा संयुक्त रूपमा ती बेबी वार्मर प्रदान गरिएको बैंकले जनाएकाे छ । बेबी वार्मरले नवजात शिशुको शारीरिक तापक्रम उचित बनाई राख्न सहयोग गर्दछ ।

प्राथमिक स्वास्थ्य केन्द्रमा आयोजित कार्यक्रममा ज्योति विकास बैंकका प्रदेश २ क्षेत्रका क्षेत्रीय कार्यालय प्रमुख मोहन राज गिरी, बैंकका रामगोपालपुर शाखाका शाखा प्रबन्धक भुवन धमला र राष्ट्रिय आविष्कार केन्द्रका सञ्जयबहादुर सिंहले संयुक्त रूपमा स्वास्थ्य केन्द्रका कार्यालय प्रमुख निहारकुमार दासलाई बेबी वार्मर हस्तान्तरण गरेका हुन् ।

त्यसैगरी, आम्दा अस्पतालमा आयोजित कार्यक्रममा ज्योति विकास बैंकका प्रदेश १ क्षेत्रका क्षेत्रीय कार्यालय प्रमुख प्रेमश्वर शाक्य, बैंकका दमक शाखाका शाखा प्रबन्धक सञ्जय आचार्य र राष्ट्रिय आविष्कार केन्द्रका तर्फबाट सञ्जयबहादुर सिंहले संयुक्त रूपमा अस्पतालका मेडिकल सुपरिन्टेन्डेन्ट डा. प्रकाश शर्मा, सिनियर कन्सल्टेन्ट डा. नवीन ढकाल, अस्पतालका प्रशासक सुमनकुमार नेपाललाई बेबी वार्मर हस्तान्तरण गरेका हुन् ।

जिल्ला अस्पताल खोटाङमा आयोजित कार्यक्रममा ज्योति विकास बैंकका दिक्त्तेल शाखाका शाखा प्रबन्धक रोहित दाहाल र राष्ट्रिय आविष्कार केन्द्रका सञ्जयबहादुर सिंहले संयुक्त रूपमा अस्पतालका प्रशासन प्रमुख रविन फुयाललाई बेबी वार्मर हस्तान्तरण गरेका हुन् ।

कार्यक्रमको अवसरमा राष्ट्रिय आविष्कार केन्द्रको तर्फबाट पीपीई र फेसशिल्डजस्ता स्वास्थ्य सामग्रीसमेत तीनै स्वास्थ्य संस्थालालाई प्रदान गरियो ।

बैंकले यसअघि पनि 'हाम्रो विकास प्रवर्द्धन कोष'मार्फत राष्ट्रिय आविष्कार केन्द्रसँगको सहकार्यमा कपिलवस्तु सामुदायिक अस्पताल- कपिलवस्तु, मध्यबिन्दु जिल्ला अस्पताल - नवलपुर, महाकाली अञ्चल अस्पताल - कञ्चनपुर र प्युठान जिल्ला अस्पताल, बिजुवार – प्युठानलाई एक-एक थान बेबी वार्मर प्रदान गरिसकेको छ । बैंकले हालसम्म जम्मा सातवटा बेबी वार्मर प्रदान गरिसकेको छ ।

नेपाली समाजमा स्थानीय तहमा सुषुप्त रूपमा रहेका सम्भावनाको पहिचान गरी त्यस्ता सम्भावनालाई उजागर गर्न सहयोगी बन्ने मूल उद्देश्यबाट निर्देशित 'हाम्रो विकास प्रवर्द्धन कोष'मार्फत ज्योति विकास बैंकले विभिन्न सामाजिक संस्था तथा नागरिकसँग प्रत्यक्ष रूपमा जोडिएर सामाजिक उत्तरदायित्व सम्बन्धी कार्यहरू गर्दै आएको छ ।

बैंकले १२औं वार्षिकोत्सवको अवसरमा डा. महावीर पुनद्वारा प्रवर्द्धित राष्ट्रिय आविष्कार केन्द्रलाई १० वटा 'न्यानो नानी' (बेबी वार्मर) बनाई देशका विभिन्न ग्रामीण तथा पहुँच नपुगेका अस्पतालहरूलाई हस्तान्तरण गर्न ८ लाख रुपैयाँ प्रदान गरेको थियो ।

ज्योति विकास बैंकले हाल १०५ शाखा कार्यालय, १ एक्सटेन्सन काउन्टर तथा ६१ वटा एटीएममार्फत बैंकिङ सेवा उपलब्ध गराउँदै आइरहेको छ । बैंकले हालसम्म ३ लाखभन्दा बढी खाताबाट करिब ४६ अर्ब निक्षेप संकलन गरी २३ हजारभन्दा बढी ऋणीलाई करिब ३७ अर्ब रुपैयाँ लगानी गर्न सफल भएको छ ।

प्रकाशित मिति: बिहीबार, माघ २९, २०७७ १७:०५