टेकस्पायर कलेजका विद्यार्थी अन्तर्राष्ट्रिय एक्सपोजरका लागि मलेसिया भ्रमणमा

टेकस्पायर कलेजका विद्यार्थी अन्तर्राष्ट्रिय एक्सपोजरका लागि मलेसिया भ्रमणमा

A+ A A-

टेकस्पायर कलेजले आफ्ना बीएस्सी आईटी कोर्समा अध्ययनरत पहिलो सेमेस्टरका विद्यार्थीलाई मलेसिया भ्रमणमा लगेको छ । अन्तर्राष्ट्रिय एक्सपोजरका लागि भन्दै कलेजले अन्तर्राष्ट्रिय एक्सपोजर ट्रिप तथा अभिमुखीकरण कार्यक्रमअन्तर्गत १ सय ८० विद्यार्थीलाई मलेसियाको क्वालालम्पुर लगेको हो ।

कलेजकाअनुसार गत अप्रिल १८ तारिखदेखि २३ सम्मका लागि मलेसियाको क्वालालम्पुर लगिएको हो । यो यात्रामा कलेजले विद्यार्थीहरूलाई एसिया प्यासिफिक युनिभर्सिटी अफ टेक्नोलोजी एन्ड इनोभेसन (एपीयू) र यसको क्याम्पस भ्रमण गराएको थियो । विद्यार्थीहरूले विश्वविद्यालयका विज्ञबाट सिक्ने, मलेसियाका विविध उद्योगबारे जान्ने र मलेसियाको समृद्ध सांस्कृतिक सम्पदाबारे सिक्ने अवसर प्राप्त गरेको कलेजले जनाएको छ ।

यही भ्रमणमा विद्यार्थीहरूले विश्वविद्यालयका अध्यक्ष, उपकुलपति, निर्देशक, प्राध्यापक लगायतका अधिकारीहरूसँग अन्तर्क्रिया गर्ने अवसरसमेत प्राप्त गरे । यसले विद्यार्थीहरूलाई विज्ञहरूबाट सिक्ने तथा अन्तर्राष्ट्रिय शैक्षिक मापदण्डको अनुभव गर्ने अवसर मिलेको कलेजले बताएको छ ।

विद्यार्थीहरूले मलेसियामा सांस्कृतिक प्रस्तुति दिएर आफ्नो प्रतिभा प्रदर्शन गरेका थिए । क्वालालम्पुर शहरबारे विद्यार्थीले अझ धेरै जान्ने अवसर पाएको र यसले विद्यार्थीलाई नेपालभन्दा बाहिरको विश्व बुझ्ने अवसरसमेत प्राप्त भएको कलेजले उल्लेख गरेको छ ।

सन् २००० मा स्थापना भएको यो कलेजमा हाल आईटी र व्यवस्थापनका विषयको पढाइ हुने गर्छ । एपीयूबाट सम्बन्धन प्राप्त यो कलेजले सीपमा आधारित सिकाइलाई प्राथमिकतामा राख्दै आएको छ ।