हाजिर समेत नगरी सदरमुकाबाटै तलव बुझ्छन् हुम्लाका कर्मचारी

A+ A A-

हुम्लाका स्थानीय तहका कर्मचारीले कार्यालय नै नगइ तलव भत्ता लिइरहेको भेटिएको छ । हुम्लाका अधिकांस गाउँपालिकका कर्मचारीले कार्यालय नगइ र हाजिरसमेत नगरी नगरी तलब खाने गरेको पाईएको हो ।

सर्केगाड गाउँपालिकाका प्रमुख प्रसासकीय अधिकृत योग्य प्रसाद पाण्डे साउन महिना भर कार्यालयमा देखिएनन । न हाजिर नै गरे । तर उनले तलव भत्ता भने लिइसकेका छन् ।

उनको हाजिरी रजिष्टरमा २०७६ सालकै २ वटा हाजिरी गर्ने पाना छ । एउटामा २०७६ साल बैशाख देखि असारसम्मको हाजिर भेटिएको छ भने रजिष्टरको अर्को पानामा र बैशाख देखि अहिलेसम्म हाजिर छैन । तर तलब भत्ता भने बुझेर लगेको पाइएको छ ।

सर्केगाड गाउँपालिकाकै नायब सुब्बा कमानसि धामीले २०७६ बैशाखदेखि अहिलेसम्मको हाजिर नगरी सेवा सुविधा लगिसकेका छन् । साविक गाविस सचिब रहेका नायव सुब्बा धामीले अहिलेसम्म हाजिरी रजिष्टरमा हाजिर गरेको भेटिदैन ।

आफुले ९ पुस २०७५ मा सर्केगाड गाउँपालिकामा सहायक लेखापालको रुपमा हाजिर गरेका हिमाल रोकाया सदरमुकाम सिमकोटमै सम्पर्क कार्यालय भएकोले स्थानीय तहमा नपुगेको बताउँछन्

गाउँपालिका १ देखि ८ वडासम्म र गाउँपालिका कार्यालयमा विभिन्न पदमा कार्यरत स्थाई ४० जना कर्मचारी छन् । ४६ जना करार कर्मचारी रहेको सर्केगाड गाउँपालिका कार्यालयको तथ्याङ्ककले देखाएको छ ।

गाउँपालिका पुग्न सदरमुकाम सिमकोटबाट दुई दिनको पैदल दुरीमा छ । यहाँका अधिकांस कर्मचारी गाउँपालिका र वडामा बस्दैनन् । अधिकाँस कर्मचारी सदरमुका सिमकोटमा भेटिने गरेको स्थानीयबासी खम्पा थापाले बताए ।

कर्मचारीहरु बर्षको दुइ देखि चारपटक मात्र गाउँपालिकामा पुग्ने गरेको गुनासो स्थानीयको छ । स्थाई र करार गरी ८० जना कर्मचारीमध्ये दर्जनौ कर्मचारीहरूले अहिले पनि काम नै नगरी गाउँपालिकाबाट तलब र भत्ता बुझ्ने गरेका छन् ।

कतिय कर्मचारी गाउँमै नपुगी महिनाभरको हाजिर एकै पटक गरेर तलब भत्ता बुझिरहेको स्थानीयको आरोप छ । हुम्लाकै साविकको गाविस कालिका निवासी खरिदार मेघनाथ शाहीको पनि बैशाखदेखि हालसम्म गाउँपालिकाको कार्यालयमा राखिएको रजिष्टरमा हाजिर छैन । तर उनले तलव भने नियमित लिइरहेको पाइएको छ ।

आफुले ९ पुस २०७५ मा सर्केगाड गाउँपालिकामा सहायक लेखापालको रुपमा हाजिर गरेका हिमाल रोकाया सदरमुकाम सिमकोटमै सम्पर्क कार्यालय भएकोले स्थानीय तहमा नपुगेको बताउँछन् ।

उनले कहिले सिमकोट कहिले प्रदेश र संघमा धाउनु पर्ने भएकाले कर्मचारीको नियमित हाजिर नभएको बताए । गाउँपालिका स्वाथ्य संयोजक सन्तोष धामीको पनि आर्थिक बर्ष २०७६ बैशाख महिनामा १७ दिन सम्म हाजिर गरेको देखिन्छ । त्यसयता गाउँपालिककै विभिन्न कामको लागि भन्दै स्वाथ्य संयोजक धामी काठमाडौंमा छन् ।

स्वाथ्य संयोजक भने आफ्नो स्वाथ्य शाखाको छुटै रजिष्टर भएकोले गाउँपालिकाको संयुक्त रजिष्टारमा हाजिर नगरेको बताउँछन् । उनले भने आफनो शाखाको हाजिर सदरमुकाम सिमकोटमै रहेको सम्पर्क कार्यलयमा भएको बताए । तर सिमकोटमा हाजिरी रजिष्टर नभई गाउँपालिका कार्यलयमै सबैको एउटै हाजिरी रजिष्टर भएको लेखापाल रोकाया बताउँछन् ।

स्वाथ्य शाखाका अर्का अहेब खार्पुनाथ–१ का धन बहादुर बोहराले पनि गत बैशाख देखि १९ असारसम्म मात्र हाजिर गरेको देखिन्छ । आयुर्वेद अस्पतालका कविराज तिलक जंग जनैदारको पनि बैशाख महिनाको मात्र हाजिर छ । तर उनले पनि तलब भत्ता भने लिइरहेका छन् । महिला शाखा प्रमुख तेज कुमारी रेग्मीको पनि बैशाखयता हाजिर छैन ।

गाउँपालिका उपाध्यक्ष जोशी धामी भने कर्मचारीहरु अनियमित भए कारवाही गर्ने बताउँछिन् । उनका अनुरा अहिले सम्म कर्मचारी जे जति छन् सबै नियमित छन ।

प्रकाशित मिति: मंगलबार, भदौ १०, २०७६ २१:४७