ठमेल रेमिट एनपीएस प्रणालीमा आबद्ध, अब अमेरिकाबाट पठाएको रेमिट्यान्स केही सेकेन्डमै नेपालमा पाउन सकिने

ठमेल रेमिट एनपीएस प्रणालीमा आबद्ध, अब अमेरिकाबाट पठाएको रेमिट्यान्स केही सेकेन्डमै नेपालमा पाउन सकिने

A+ A A-

ठमेल रेमिट प्रा.लि. नेपाल क्लियरिङ हाउस लिमिटेड (एनसिएचएल) को नयाँ प्राविधिक सदस्यका रूपमा जोडिएको छ ।

अब ठमेल रेमिटले ‘तु रेमिट्यान्स सेवा’को लागि आन्तरिक च्यानलका रूपमा एनसिएचएलको नेसनल पेमेन्ट स्वीच (एनपीएस) प्रयोग गर्ने भएको छ । एनसीएचएलसँगको आबद्धतापछि संयुक्त राज्य अमेरिकाबाट पठाएको पैसा अब केही सेकेन्डमै नेपालमा प्राप्त सकिनेछ ।

ठमेल रेमिटका सह-संस्थापक बाल के जोशीले नेपाल क्लियरिङ् हाउस लिमिटेडसँगको सहकार्यले ठमेल रेमिटलाई अमेरिकादेखि नेपालसम्मको मार्गमा गैर-कार्डमा आधारित, बैंक-टू-बैंक कारोबार तत्काल सेटलमेन्ट गर्ने पहिलो डिजिटल मनी ट्रान्सफर कम्पनी बनाउने बताए ।

अमेरिकाको नेसनल अटोमेटेड क्लियरिङ हाउस एसोसिएसन अप्रत्यक्ष रूपमै भए पनि नेपाल पेमेन्ट इन्टरफेस (एनपीआई) सँग जोडिएको यो पहिलो पटक हो । अब ठमेल रेमिटले आफ्नो आन्तरिक भुक्तानी प्रणालीलाई एनसीएचएलको नेसनल पेमेन्ट इन्टरफेस (एनपीआई) सँग जोडी एनपीएस अन्तर्गतको विभिन्न भुक्तानी उपकरणहरू प्रयोग गरी रेमिटले स्वचालित रूपमा भुक्तानी कारोबारहरू गर्न सक्नेछन् ।

ठमेल रेमिटले एनसीएचएल आईपीएस र कनेक्ट आईपीएस प्रणालीमार्फत आफ्ना विभिन्न प्रकारका भुक्तानी तथा सम्बन्धित कारोबार आफ्ना ग्राहकका बैंक खाताबीच सोझै गर्न सक्नेछ । यो सहकार्यले ठमेल रेमिटलाई प्रत्यक्ष बैंक खातामा आधारित रेमिट्यान्सका लागि ५९ भन्दा बढी बैंक तथा वित्तीय संस्थाहरूको फराकिलो नेटवर्कमा पनि पहुँच प्रदान गरेको छ ।

ठमेल रेमिट नेपालको अग्रणी रेमिटेन्स कम्पनीहरूमध्ये एक हो । स्थापनाको नौ वर्षको अवधिमा ठमेल रेमिट अमेरिकाबाट नेपाल पैसा पठाउन सबैभन्दा सस्तो र प्रभावकारी माध्यमका रूपमा उदाएको छ । कम्पनीले आफ्नो सेवा प्रवाहलाई थप प्रभावकारी बनाउन र ग्राहकलाई थप सुविधा प्रदान गर्न नवीनतम प्रविधिहरूको प्रयोग गर्दै आएको छ ।

हालसम्म ठमेल रेमिटमार्फत ५० हजारभन्दा बढी नेपालीहरूले नेपालमा पैसा पठाइसकेका छन्।

प्रकाशित मिति: बुधबार, असोज १२, २०७९ १७:५६