निर्मलाकी आमाको फेरिएको बयान, दिलिपसिंहमाथि नै शंका

A+ A A-

निर्मलासँग जम्काभेट भयो । मनमा पाप जाग्यो । साइकल फाल्दिएँ । उखुघारीमा लगें । सेक्स गरें । रुन थाली । घाँटी निचोरेर मारिदिएँ ।

निर्मला पन्तको हत्याको आरोप लागेका दिलिपसिंह विष्टले प्रहरीलाई दिएको बयान यस्तो थियो । बयान पछि प्रहरीले सार्वजनिक गरेको भिडियोमा विष्टले प्रहरीसामु निर्मलाको बलात्कारपछि हत्या गरेको स्वीकार गरेका छन् ।

उनले प्रहरीसँगको बयानमा जे जे भनेका थिए, घटनाका अरू दसीसँग ती भनाइ शत प्रतिशत मेल खाएको दावी प्रहरीको थियो । हत्यापछि सार्वजनिक तस्बिरमा निर्मलाको एकपट्टिको सुरुवाल मात्रै तल सरेको देखिन्छ । बयानमा विष्टले पनि त्यही भनेको प्रहरीले घटनापछि जारी गरेको भिडियोमा देखिन्छ ।

जबर्जस्ती यौनसम्पर्क गरेको भए पनि रगत नआएको र वीर्य बाहिरै फालेको उनले बताएका छन् । त्यस्तै, विष्टले निर्मलाको सुरुवालमा बीस रुपैयाँको नोट भएको र त्यसले नजिकैको पान पसलमा गएर गुट्खा किनेको बताएका थिए । उनले गुट्खा किन्दा २० रुपैयाँको नोट दिएको प्रस्ट भइसकेको छ ।

राति घरपुग्दा उनको कपडा भिजेको थियो । उनी खोलाको बाटो हुँदै उखुबारी पुगेका थिए । दिलिपको परिवारले पनि सुरुवातको बयानमा यो स्वीकार गरेको छ ।

यता बम दिदीबहिनीले निर्मलालो आप्mनो घरबाट निर्मलाले अम्बा लगेको बताएका थिए । उता दिलिपको बयानमा पनि निर्मलाको साइकलमा अम्बाको दाना भएको बताइएको छ । दिलिपसिंह विष्टले निर्मलाको बलात्कारपछि हत्या गरेको स्वीकार प्रहरीले दावी गर्यो ।

स्थानीय वासिन्दा र मानवअधिकारकर्मीले ‘वास्तविक अपराधी जोगाउन मानसिक अवस्था ठीक नभएको मानिसलाई जबर्जस्ती अपराधी बनाउन खोजेको’ आरोप प्रहरीमाथि लगाए । प्रहरीले भने दिलिपको घरमा वयान लिन जाँदा परिवारका सदस्यले ‘मानसिक स्थिति ठीक भएको तर दिलिपसिंहको मति ठीक नभएको’ भनेर दिलिपको बारेका बयान दिएको दावी गरेको छ ।

दिलिपसिंह प्रायः बिहानै घरबाट निस्केर राति मात्रै घर आउने गरेको परिवार श्रोतले बताएको प्रहरीको दावी छ । स्थानीयले पनि प्रहरीले भने जस्तै दिलिप सिंह बिहानै घरबाट निस्किएर अबेर घर जाने गरेको पुष्टि गरेका छन् । तर, स्थानीयको भनाइमा दिलिप मानसिक संतुलन गुमाएको व्यक्ति भएकोले उसको हरकत स्वभाविक हो । भोक लाग्दा उ पसल पसल चाहर्दै खाना माग्दै समेत हिँडेन गरेको स्थानीयको भनाइ छ ।
निर्मलाको बलात्कारपछि हत्या भएको दिन पनि राति मात्रै उनी घर पुगको बताउँदा, त्यो कुनै नौलो नहुने स्थानीयको भनाइ छ । स्थानीयले निर्मलाको हत्यामा उनी समेल भएको यकिन गर्न सकिने आधार नभएको दावी गर्दै आएका छन् । दिलिप सिंहलाई यातना दिएर प्रहरीले आफु अनुकुल बयान दिन लगाएको आरोप कतिपय स्थानीय र मानवअधिकारकर्मीको छ ।

प्रहरीले खोजेका प्रमाणका आधारमा दिलिपसिंह विष्टले नै निर्मलाको बलात्कारपछि हत्या गरेको दावी गरेको थियो । तर, डिएनए रिपोर्ट नमिले पछि र आम सर्वसाधारणबाट चौतर्फी दवाव परे पछि प्रहरी दिलिपसिंहलाई छाड्न बाध्य भयो । तर, पछिल्लो समय निर्मलाकी आमा दुर्गादेवी पन्तले पनि दिलिपसिंह विष्टमाथि नै शंका गर्न थालेकी छन् ।

दिलिपसिंह र उनको परिवारका सदस्यले प्रहरीसमक्ष बयान दिएको भिडियो हेरेपछि आफ्नो बुझाइ परिवर्तन भएको निर्मलाकी आमा दुर्गादेवी पन्तको भनाइ छ । उनका अनुसार विष्ट र उनका परिवारले दिएको बयान र घटनाबीच निकै तालमेल छ । जसले गर्दा दिलिपसिंहले नै उनको छोरीको हत्या गरेको पुष्टि हुन्छ । निर्मलाकी आमा भन्छिन्, ‘पहिला गलत बेहोरा लेखेर प्रहरीविरुद्ध उजुरी दिन लगाइएको रहेछ, अहिले आएर थाहा भयो ।’

जब प्रहरीले डीएनए परीक्षणका लागि आफ्नो रगत लिन खोज्यो, तब उनलाई प्रहरी पनि घटनाप्रति गम्भीर नै भएजस्तो लाग्यो । उनी भन्छिन्, ‘प्रहरीले पनि अनुसन्धानका क्रममा लापरवाही गरेको छ । लापरवाही गर्नेलाई कारबाही होस् । तर, बलात्कार र हत्या नै प्रहरीले गरेजस्तो चाहिँ लाग्दैन ।’

तर निर्मलाका बाबुको बुझाइ फरक छ । उनलाई आप्mनी श्रीमती प्रभावमा परेकी आशंका छ ।

प्रहरीले अहिले पनि अनुसन्धान जारी रहेको जनाएको छ । पछिल्लो समय प्रहरीले दिलिपसिंहको वयानको भिडियो जारी गरेर अनुसन्धान फेरि एक पटक दिलिपसिंहतिर मोडिन लागेको संकेत गरेका छन् । निर्मलाको आमाले भनेको जस्तै अपराधी कुनै पनि हालतमा छुट्नु हुँदैन ।

तर कुनै निर्दोेषमाथि पनि कारवाहि हुनु हुँदैन । अपराध अनुसन्धान शास्त्रमा एउता उक्तिसंगत भनाइ छ – ‘बरु सय जना दोषी छुटुन्, एक जना निर्दोश नफसोस् ।

प्रकाशित मिति: शनिबार, साउन ११, २०७६ २०:४१