उत्तर कोरिया भाग्ने अमेरिकी सैनिकले कोरियाली प्रहरीको कारमा आक्रमण गरेका थिए (भिडियो)

उत्तर कोरिया भाग्ने अमेरिकी सैनिकले कोरियाली प्रहरीको कारमा आक्रमण गरेका थिए (भिडियो)

A+ A A-

२३ वर्षे अमेरिकी सैनिक ट्र्याभिस किङ अहिले उत्तर कोरियाको हिरासतमा छन् । उत्तर कोरिया भागेका उनलाई त्यहाँको प्रहरीले पक्राउ गरेको दक्षिण कोरियास्थित यूएन कमाण्डले जानकारी दिएको हो ।

परमाणु हतियारसम्पन्न राष्ट्र उत्तर कोरिया र अमेरिकाबीच लामो समययता विभिन्न विषयमा तिक्तता छ । विशेष गरी उत्तर कोरियाको परमाणु हतियारबाट अमेरिका सन्तुष्ट छैन । तर, अमेरिकालाई सन्तुलनमा राख्न परमाणु हतियार गज्जबको अस्त्र भएको त्यहाँका सर्वोच्च नेता किम जोङ उनले बताउँदै आएका छन् ।

यस्तो अवस्थामा अमेरिकी सैनिक उत्तर कोरिया भागेपछि उनलाई स्वदेश फर्काउन अमेरिकाले कूटनीतिक झमेला व्यहोर्नुपर्ने भएको छ । यतिबेला अमेरिकी सेना ट्र्याभिस किङ किन उत्तर कोरिया भागे भनेर विभिन्न प्रश्नहरू सिर्जना भएका छन् ।

दक्षिण कोरियाली सञ्चारमाध्यमका अनुसार ट्र्याभिस किङ हालै अनुशासन कारबाहीमा परेका थिए । उनीमाथि दक्षिण कोरियामा दुईवटा मुद्दासमेत लागेका छन् ।

उनले दक्षिण कोरियाली प्रहरीको कारमा आक्रमण गर्दै तोडफोड मच्चाएपछि उनलाई सन् २०२२ को फेब्रुअरी ८ मा ४ हजार अमेरिकी डलर जरिवाना तिराइएको थियो । उनलाई सार्वजनिक सम्पत्तिमा तोडफोड मच्चाएको मुद्दा पनि लागेको थियो ।

(भिडियो)

उनलाई अमेरिका नै फर्काउने प्रक्रिया पनि सुरु भइरहेको थियो । तर, उनी हालै संयुक्त राष्ट्रसंघको आयोजनामा उत्तर कोरिया र दक्षिण कोरियालाई विभाजन गर्ने असैनिकीकृत क्षेत्र डीएमजेटमा भ्रमणका लागि गए र उतै आफ्नै खुसीले कसैलाई जानकारी नदिई उत्तर कोरिया भागे ।