बुहारीसँग अनैतिक सम्बन्ध राखेको भन्दै बाबुको हत्या

A+ A A-

आफ्नै बाबुको हत्या गरेको आरोपमा रौतहट प्रहरीले एक युवकलाई पक्राउ गरेको छ । पक्राउ पर्नेमा २५ वर्षका राजकुमार पण्डितलाई पक्राउ गरेको छ । उनले हत्या आरोप स्वीकारेका छन् ।

आफ्नी पत्नीसँग आपत्तिजनक अवस्थामा देखेपछि रिस थाम्न नसकी बाबुको हत्या गरेको अभियुक्तले बताएकाे रौतहटका प्रहरी उपरीक्षक रविराज खड्काले बताए ।

गत २८ माघमा रौतहटको दुर्गा भगवती गाँउपालिका(३ पर्सा टोलका ७० वर्षका फेकन पण्डित कुम्हारको सुतिरहेको अवस्थामा हत्या भएको थियो ।

गाईबस्तु बाँध्ने गोठसँगै रहेको छाप्रोमा सुतेका फेकनको अनुहार, टाउको र छातीमा हतौडाले हानिएको र धारिलो हतियारले अनुहार र घाँटी काटिएको अवस्थामा शव भेटिएको थियो ।

राति ३ बजे बाबुको हत्या गरेपछि राजकुमारले पुनः घर आएर कपडा फेरेर गोठमा गएका थिए । उनले बिहान ५ बजे बाबुको हत्या भएको भन्दै गाउँले र प्रहरीलाई खबर गरेका थिए ।

पक्राउ परेका पण्डितलाई मुलुकी अपराध संहिता २०७४ को ज्यान सम्बन्धी कसुर अन्र्तगतको मुद्दामा अनुसन्धान गर्न जिल्ला अदालतबाट अनुमति लिएको प्रहरीले जनाएको छ ।

यस्तो छ घटना

गत २७ माघ राती खाना खाएर फेकन पण्डित दुर्गाभगवती गाँउपालिका–३ दुबीपर्सा गाँउछेउको गोठमा एक्लै सुतिरहेका थिए । छोरा राजकुमार देवीपर्सा गाँउमा रहेको घरमा खाना खाएर सुतेका थिए ।

बिहान ३ बजे घरबाट बाहिरिएका राजकुमार हथौडासहित गोठमा पुगेर बाबुमाथि आक्रमण गरे ।

गोठमा एक्लै सुतिरहेका बाबुको टाउको र अनुहारमा पटक–पटक प्रहार गरेका उनले पछि गोठमै राखिएको घाँस काटने धारिलो हतियारले समेत बावुको अनुहारमा प्रहार गरेका थिए ।

लगातार गरिएको आक्रमणका कारण फेकनको मृत्यु भएको प्रहरीको दाबी छ । घटना भएलगतै जिल्ला प्रहरी कार्यालय रौतहटका प्रमुख एसपी रबिराज खडकाको नेतृत्वमा कुकुरसहित घटनास्थलमा पुगेको प्रहरी टोलीले घटनाको सुक्ष्म रुपमा अनुसन्धान सुरु गरेको थियो ।

घटनाबारे अनुसन्धान गर्न प्रहरी निरीक्षक नविनकुमार सिंहको नेतृत्वमा ५ सदस्सीय टोली समेत गठन गरिएको प्रहरीले जानकारी दिएको छ । घटनामा राजकुमारको संलग्नता देखिएपछि प्रहरीले उनलाई नियन्त्रणमा लिएको छ ।

प्रहरीले हत्या आरोपमा फेकनका छोरा २५ वर्षका राजकुमार पण्डितलाई पक्राउ गरेको छ । उनले हत्या आरोप स्वीकारेका छन् ।

आफ्नी पत्नीसँग आपत्तिजनक अवस्थामा देखेपछि रिस थाम्न नसकी बाबुको हत्या गरेको अभियुक्तले बताएको रौतहटका प्रहरी उपरीक्षक रविराज खड्काले बताए ।

राति ३ बजे बाबुको हत्या गरेपछि राजकुमारले पुनः घर आएर कपडा फेरेर गोठमा गएका थिए । बिहान ५ बजे बाबुको हत्या भएको भन्दै उनैले गाउँले र प्रहरीलाई खबर गरेका थिए ।

प्रकाशित मिति: आइतबार, फागुन ११, २०७६ १९:५६