१३ प्रतिशत लाभांश दिन सक्ने मेगाको सेयर २७० को लक्ष्य पछ्याउदै (कम्पनी विश्लेषण)

१३ प्रतिशत लाभांश दिन सक्ने मेगाको सेयर २७० को लक्ष्य पछ्याउदै (कम्पनी विश्लेषण)

A+ A A-

लाभांश क्षमता १३ प्रतिशत
व्याज आम्दानीर नाफामा उच्च वृद्धि
मूल्य वियरिश प्रवृत्तिमा, प्रतिरोध परिक्षण गर्दै

७ साउन २०६७ बाट सञ्चालनमा आएको मेगा बैंक, पछिल्लो पुस्ताको बैंक हो । हलोदेखि हाइड्रोसम्मको नारा लिएर आएको मेगा आफ्नै गतिमा अगाडी बढेको छ ।

मेगाले चुक्ता पुँजी वृद्धिको क्रममा टुरिज्म डेभलपमेन्ट बैंक, पश्चिमाञ्चल डेभलपमेन्ट बैंकसँग मर्जर समेत गरेको थियो । विगत ५ वर्षयता बैंकले लगानीकर्ताहरुलाई औसत ११.१४ प्रतिशत लाभांश दिएको छ । औसतभन्दा कम प्रतिफल भएकै कारण बैंकको सेयर मूल्य केही वर्षदेखि ३ सय रुपैयाँभन्दा कम छ ।

यद्यपि मेगाले उच्च वृद्धिदर कायम गर्न थालेको छ । गत आर्थिक वर्षको चौथो त्रैमाशमा बैंकको नाफा ३० प्रतिशतले बढेको छ । नाफा १ अर्ब ७१ करोड रुपैयाँ पुगेको हो । १ अर्ब ३५ करोड वितरण योग्य नाफा रहेको बैंकले करीब १३ प्रतिशत लाभांश दिन सक्ने अवस्था छ । हाल बैंकको चुक्ता पुँजी १० अर्ब ३८ करोड रुपैयाँ छ ।

बैंकको व्याज आम्दानी र खुद व्याज आम्दानीमा उच्च वृद्धि छ । ९ अर्ब ३७ करोड व्याज आम्दानी गरेको बैंकको व्यज खर्च ५ अर्ब ५७ करोड रुपैयाँ छ । अघिल्लो वर्षको तुलनामा व्याज आम्दानी र खुद व्याज आम्दानीमा ५५ र ५९ प्रतिशत वृद्धि भएको हो । शुल्क, कमिशनबाट करीब १ अर्ब रुपैयाँ कमाएको बैंकले विदेशी विनिमय र अन्य आम्दानी गरि थप ३७ करोड रुपैयाँ कमाएको छ ।

बैंकको पुँजी कोष पर्याप्तता अनुपात नियामकीय मापदण्ड १५ प्रतिशत रहेकोले यो सहज अवस्थामा छ । राष्ट्र बैंकले हालै जारी गरेको मौद्रिक नीति अनुसार बैंकहरुले एक आर्थिक वर्षमा चुक्ता पुँजीको २५ प्रतिशत ऋणपत्र जारी गर्नैपर्ने व्यवस्था गरेको छ । बैंकको कर्मचारी खर्च, अन्य खर्च ६६ प्रतिशतले बढेर १ अर्ब ८८ करोड पुगेको छ ।

बैंकको सञ्चित कोषमा १ अर्ब ८४ करोड रुपैयाँ छ । बैंकलाई अझै पनि तुलनात्मक रुपमा पुँजी निकै महंगो परिरहेको कोष लागतले देखाउछ । मेगाको कोष लागत ७.७३ प्रतिशत रहेकोमा घटेर ७.६७ भएको छ । वाणिज्य बैंकहरुको औसतमा यस्तो लागत ६ प्रतिशत हाराहारीमा छ । करीब १ वर्षअघिसम्म बैंकको सस्तो दरको निक्षेप ३० प्रतिशत हाराहारी मात्रै रहेको देखिन्छ ।

खराब कर्जाको दर १ प्रतिशतभन्दा कम रहेको बैंकले खराब कर्जाको आधारमा सो कर्जाको १ सय ८५ प्रतिशत रकम राखेको छ । निक्षेप प्राथमिक पुँजीको आधारमा कर्जा लगानी अनुपात ७५.७९ छ । बैंकसँग थप लगानीको लागि सहज नै छ ।

बैंकको प्रतिसेयर आम्दानी केही घटेको छ । यद्यपि यो अन्य बैंकहरुको तुलनामा उच्च छ । १८.०१ प्रतिशतबाट घटेर १६.५५ प्रतिशत, मूल्य आम्दानी अनुपात १२.८७ गुणा छ ।

बैंकको अध्यक्षमा भोजबहादुर शाह र प्रमुख कार्यकारी अधिकृतमा अनुपमा खुन्जेली छन् । मेगा महिला प्रमुख कार्यकारी रहेको पहिलो र एक मात्र वाणिज्य बैंक हो ।

मूल्यमा करेक्सन

बैंकले केही महिनामै कायम गरेको उच्च मूल्य (२१० रुपैयाँ) लाई कटेर २ सय १७ सम्म पुगेर पुन घट्ने क्रममा छ । २१० बाट घटेर १५६ सम्म पुगेको सेयर मूल्यले लगभग शतप्रतिशत रिट्रेस गरेको छ ।

बैंकको सेयर मूल्यले यो एक वर्षको अवधिमा अंग्रेजी अक्षरको डब्लु आकृति बनाएको छ । त्यस्तै यही अवधिमा कप विथ ह्याण्डल आकृतिसमेत बनेको छ । यी दुवै आकृतिको ब्रेक इभन विन्दुको रुपमा २ सय १७ छ । अघिल्लो पटक समेत २ सय १० हाराहारीमा प्रतिरोध पाएको मूल्यले अहिले पनि त्यही प्रतिरोध परीक्षण गरिरहेको छ । ब्रेक इभनबाट मूल्य बढेमा २७० मूल्य भेट्ने प्रयास गर्नेछ ।

बैंकको सेयर मूल्य अधिक बिक्रीको क्षेत्रमा रहेको छ । १४ दिने आरएसआई सुचकको स्केल २३ मा आएको छ । १६ स्केलमा पुगेर मूल्य फर्किएको छ । आरएसआई स्केल ३० भन्दा मुनि भए सेयर अधिक बिक्री क्षेत्रमा, ३० देखि ७० बीचमा भए सन्तुलित क्षेत्रमा र ७० भन्दा माथि भए अधिक खरिद क्षेत्रमा रहेको विश्लेषण गरिन्छ ।

केही समय अघि सम्पिल मुभिङ एभरेज रेखा क्रमओभर भएको छ । २१ दिन रेखाले ७ दिने रेखालाई काटेर माथि लागेको छ । मूल्य वियरिश प्रवृत्ति रहेको यसले संकेत गर्छ । पीभट विश्लेषणले भने अब बजार बढ्ने क्रममा नै रहे एक महिनामा २ सय ९ मा पहिलो प्रतिरोध र घट्ने क्रममा रहे १ सय ९७ मा पहिलो टेवा पाउने देखाउँछ ।

बैंकको सेयर मूल्यले अन्तिम दुई दिनमा पहिलो दिन कालो मैनवत्ति आकृति बनाएको छ । यसमा पछिल्लो दिनमा डोजी स्टार बनेको छ । यसले मूल्य बढ्ने संकेत गर्छ । तर यो दरिलो संकेत भने होइन ।

नोट: बजार जोखिममा आधारित हुन्छ । लगानी गर्दा रणनीतिअनुसार बजारको परिवेशको स्वमूल्यांकन गर्नु उचित हुन्छ ।

अन्य कम्पनीको विश्लेषण