वार्षिक वित्तीय विवरण पछि माछापुच्छ्रेको सेयर मूल्य बढ्दै (समग्र विश्लेषण)

वार्षिक वित्तीय विवरण पछि माछापुच्छ्रेको सेयर मूल्य बढ्दै (समग्र विश्लेषण)

फाइल तस्बीर

A+ A A-

लाभांश क्षमता १६.७७ प्रतिशत
महतो समूहको पकड
इक्रा भन्छः मध्यम खेलाडी
मुभिङ एभरेज क्रसओभर

१९ वर्ष पहिले सञ्चालनमा आएको माछापुच्छ«े बैंकले गत आर्थिक वर्षको चौथो त्रैमाशसम्ममा १ अर्ब ७० करोड रुपैयाँ कमाएको छ । बैंकको नाफा अघिल्लो वर्षको सोही अवधिको तुलनामा ३६ प्रतिशतले बढेको छ ।

बैंकले हालसम्मको नाफाको आधारमा लगानीकर्तालाई १ अर्ब ३२ करोड रुपैयाँ वितरण गर्न सक्छ । यो भनेको चुक्ता पुँजीको आधारमा १६.३९ प्रतिशत हो । सेयर प्रिमियमको रुपमा बैंकसँग ३ करोड ८ लाख रुपैयाँ छ । यो सहित लाभांश क्षमता १६.७७ प्रतिशत देखिन्छ ।

विगत पाँच बर्षमा बैंकले बार्षिक औसत १५.१४ प्रतिशत लाभांश दिएको छ । अघिल्लो आवमा नाफापछि दिएको लाभांश नै पाँच वर्षयताको सबैभन्दा कम लाभांश दर हो ।

अघिल्लो वर्ष बैंकले करीब १० प्रतिशत नगद लाभांश दिएको थियो । बैंकको पुँजी कोष पर्याप्तता अनुपात १२.८८ प्रतिशत रहेकोले नियामकीय मापदण्ड ११ प्रतिशत नजिक यो अनुपात छ । यसले बैंकबाट लाभांशको रुपमा बोनस सेयरसमेत पाइने सम्भावना छ । बोनसको रुपमा रकम बैंकबाट नबाहिरिने र चुक्ता पुँजी बढ्ने हुन्छ ।

बैंकको सञ्चित कोषमा १ अर्ब ४५ करोड रुपैयाँ रकम छ । बैंकलाई पुँजी केही महंगो पर्न थालेको कोष लागतमा भएको सामान्य वृद्धिले देखाउछ । कोष लागत ७.६१ प्रतिशतबाट बढेर ७.८८ पुगेको छ । यद्यपि १० अर्ब १६ करोड ब्याज आम्दानी गरेको बैंकको खुद व्याज आम्दानीमा पनि २९ प्रतिशतले वृद्धि भएर ३ अर्ब ५३ करोड पुगेको छ । खराब कर्जा सीमान्त दरमा घटेको बैंकले खराब कर्जाको आधारमा सो कर्जाको ३ सय ३३ प्रतिशत रकम राखेको छ । बैकले प्रावधान रकम भने २३ प्रतिशतले घटेर ११ करोड ६७ लाखमा सिमित पारेको छ ।

निक्षेप प्राथमिक पुँजीको आधारमा कर्जा लगानी अनुपात ७६.९८ प्रतिशत छ । बैंकसँग थप लगानीको लागि मार्जिन छ । बैंकले हालै मात्र ३ अर्ब रुपैयाँको वण्ड जारी गरिरहेकोले यसले कर्जा लगानीको लागि थप स्पेस बनाउनेछ ।

बैंकको प्रतिसेयर आम्दानी २१.१५ प्रतिशत, मूल्य आम्दानी अनुपात १२.४८ प्रतिशत र प्रतिसेयर नेटवर्थ १ सय ३९ प्रतिशत छ ।

बैंकको अध्यक्षमा डा. विरेन्द्र महतो छन् भने प्रमुख कार्यकारी अधिकृतमा सुमन शर्मा छन् । महतो समूहको बैंकमा २८ प्रतिशत र पूर्वअध्यक्ष सूर्यबहादुर केसीलगायतको समूहको २० प्रतिशत सेयर लगानी छ ।

एक महिनाअघि बैंकले इक्रा नेपालबाट ऋणपत्रको रेटिङसमेत गरेको छ । बैंकले ए माइनस रेटिङ पाएको थियो । इक्रा नेपालका अनुसार बैंकका केही पक्षहरु यी हुन्:

३/४ वर्ष यता खुद व्याज मार्जिन ३.५ प्रतिशत
आवधिक निक्षेप उच्च, बजारमा रहेको तरलता समस्याबाट केही राहत
निक्षेप संरचना मध्यम किसिमको (सस्तो लागतको निक्षेप ३४ प्रतिशत, समग्र क्षेत्रको यस्तो औसत निक्षेप ४१ प्रतिशत छ)
निक्षेप र कर्जा केन्द्रीकरण (प्रमूख २० ग्राहकमा निक्षेप २३ प्रतिशत, कर्जा २२ प्रतिशत लगानी)
भाका नाघेका कर्जाको दर बढ्दो क्रममा, भाका पुगेको कर्जा ४ महिनामा ५ प्रतिशतबाट बढेर ७.५ प्रतिशत
समग्र वाणिज्य बैंकहरुमा मध्यमस्तरको खेलाडी (बजार हिस्सामा बैंकको निक्षेप ३.०२ प्रतिशत र कर्जा ३.२३ प्रतिशत)

माग र आपूर्ति सन्तुलित

बैंकको सेयर मूल्य केही सातादेखि कारोबारको सन्तुलिन क्षेत्रमा आएको १४ दिने आरएसआई सुचकले देखाइरहेको छ ।

आरएसआईको स्केल ६४ मा आएको छ । आरएसआई स्केल ३० भन्दा तल भए सेयर अधिक बिक्री क्षेत्रमा, ३० देखि ७० बीचमा भए सन्तुलित क्षेत्रमार ७० भन्दा माथि भए अधिक खरिद क्षेत्रमा रहेको विश्लेषण गरिन्छ । माद्रिक नीतिको प्रतिक्षामा बुधवार समग्र बजार र बैंकिङ क्षेत्र बढेको कारण पनि बैंकको मूल्यमा पनि थप सुधार देखिएको हो ।

गत साता वित्तीय विवरण प्रकाशन भएयता बैंकको सेयर मूल्य झिनो रुपमा भएपनि वृद्धिको दिशामा छ ।

रेखाचित्रको आधारमा केहीदिन अघि मात्र बैंकको सेयर मूल्यले डब्लु आकृति बनाएर बढ्न लागेको संकेत गरेको छ । तर, प्रतिरोध पनि सामुन्ने छ । २ सय ७८ मा सो अघि प्रतिरोध पाएको थियो । बैंकको मूल्य एक वर्षकै उच्च विन्दुमा आएकोले पनि यसअघिको प्रतिरोध ब्रेक गर्ने प्रयासमा भने छ ।

हालै मात्र सिम्पल मुभिङ एभरेज रेखा क्रमओभर भएको देखिएको छ । ७ दिने रेखाले २१ दिने रेखालाई काटेर माथि लागेको छ । मूल्य केही समय बढ्ने संकेत यसले गर्छ । पीभट विश्लेषणले भने अब बजार बढ्ने क्रममा नै रहे एक महिनामा २ सय ८२ मा पहिलो प्रतिरोध र घट्ने क्रममा रहे २ सय ६३ मा पहिलो टेवा पाउने देखाउँछ ।

बैंकको सेयर मूल्यले अन्तिम चार दिनमा पहिलो दुई दिनको इन्भर्टेड ह्यामर आकृति बनाएको छ । यसले बजार बढ्ने झिनो संकेत गर्छ । सोही अनुसार तेस्रो दिन भने डोजी आकृती बनेको छ । र, चौथो दिन सेतो लामो मैनवत्ति ।

सेतो लामो मैनवत्तिले डोजी आकृतिलाई इन्गल्फ (शरीरले ढाकेको) गरेको छ । यसलाई इन्गल्फिङ बुलिश प्रवृत्ति मान्न सकिन्छ । यसले मूल्य थप बढ्ने संकेत गरिरहेको छ । आगामी दिनमा (बिहीवार) सुरु मूल्य अघिल्लो दिनको भन्दा केही माथि रहेर सेतो मैनवत्ति बनेमा बजार बढ्नेमा सुनिश्चित हुन सकिन्छ ।

नोट: बजार जोखिममा आधारित हुन्छ । लगानी गर्दा रणनीतिअनुसार बजारको परिवेशको स्वमूल्यांकन गर्नु उचित हुन्छ ।

अन्य कम्पनीको विश्लेषण