सानिमाको सेयरमा बुलिस प्रवृत्तिको सम्भावना

A+ A A-

१५ वर्षअघि विकास बैंकका रूपमा सञ्चालनमा आएको सानिमा बैंकले वाणिज्य बैंकका रूपमा ७ वर्ष पूरा गरिसकेको छ । दोस्रो लहरको बैंकका रुपमा रहेको सानिमा बैंकले चुक्ता पुँजी ८ अर्ब पु¥याउन बोनस र हकप्रदमा नै जोड दियो । यद्यपि, यसले बाग्मती विकास बैंकलाई प्राप्ति गरेको थियो ।

विगत पाँच वर्षमा वार्षिक औसत १६ प्रतिशतको दरमा लाभांश दिएको बैंकले गत आवमा नाफा भएपछि १४ प्रतिशत नगद लाभांश मात्रै वितरण ग¥यो । पछिल्लो अन्तिम मूल्यको आधारमा बैंकको सेयर २८ वाणिज्य बैंकमध्ये १०औं स्थानमा छ ।

वाणिज्य बैंकप्रति दोस्रो बजारका सेयर लगानीकर्ताको विश्वास बढ्न नसकेको समयमा यस बैंकमा प्रवृत्ति खासै फरक देखिँदैन । बैंकको मूल्य आम्दानी अनुपात ११.९९ प्रतिशत हुनुले यही पुष्टि गर्छ । यो दर २० भन्दा माथि ३० सम्म हुनु राम्रो मानिन्छ । यसको अर्थ बैंकले कमाएको १ रुपैयाँका लागि लगानीकर्ताले ११.९९ रुपैयाँ तिरिरहेका छन् भन्ने हो ।

हाल बैंकको चुक्ता पुँजी ८ अर्ब १२ लाख रुपैयाँ ६ । बैंकले चालू आवको तेस्रो त्रैमासमा मात्रै ३० प्रतिशतले नाफा वृद्धि गरेको छ । यो रकम १ अर्ब ५७ करोड रुपैयाँ छ । बैंकले हालसम्मको नाफाको आधारमा लगानीकर्तालाई १ अर्ब ११ करोड रुपैयाँ वितरण गर्न सक्छ । यो भनेको चुक्ता पुँजीको आधारमा १३.८८ प्रतिशत हो । आव अन्त्यमा यो दर बढ्न सक्छ ।

बैंकको जगेडा तथा सञ्चित कोषमा २ अर्ब ९ करोड रुपैयाँ छ । कोष लागत ७.६० प्रतिशतबाट घटेर ७.२९ मा सीमित भएको छ । समग्र बैंकिङ क्षेत्रमा यो बैंक निक्षेप र कर्जा लगानी दुवैको आधारमा १४औं स्थानमा छ । कम लागतको पुँजी पाउनेमा पनि सानिमा १४औं स्थानमा छ । ब्याज खर्च सबैभन्दा धेरै हुने बैंकमध्ये १७औं तर खुद ब्याज आम्दानीको आधारमा पनि बैंक १४औं स्थानमा छ ।

बैंकको ब्याज आम्दानी ३५ प्रतिशत र खुद ब्याज आम्दानी ३९ प्रतिशतले बढेको छ । ७ अर्ब ७० करोड ब्याज आम्दानी गरेको बैंकको खुद ब्याज आम्दानीमा २ अर्ब ९१ करोड पुगेको छ । खराब कर्जा अनुपात १ प्रतिशतमुनि राख्न बैंक सफल भइरहेको छ । कर्जा नोक्सानको सम्भावनाको आधारमा बैंकले २५ करोड ९० लाख रुपैयाँ प्रावधान राखेको छ ।

निक्षेप प्राथमिक पुँजीको आधारमा कर्जा लगानी अनुपात ७८.८५ प्रतिशत छ । बैंकले कर्जा लगानीका लागि आवश्यक स्पेस बनाउन करिब ६ महिनाअघि मात्रै ऋणपत्र जारी गरेको थियो । बैंकको प्रतिसेयर आम्दानी २६.५२ प्रतिशत र प्रतिसेयर नेटवर्थ १ सय ४० प्रतिशत छ ।

गैरआवासीय नेपालीले प्रवद्र्धन र सञ्चालन गरिरहेको यस बैंकको अध्यक्षमा विनयकुमार श्रेष्ठ छन् । उनी बैंकको प्रमुख पाँच लगानीकर्ताको सूचीमा पर्छन् ।

बुलिस प्रवृत्तिको संकेत

केही समय बैंकको सेयरको बिक्री उच्च देखिए पनि हाल कारोबार सन्तुलित रहेको १४ दिने आरएसआई सूचकले संकेत गर्छ । १० कारोबार दिनअघि यो सूचक स्केल २७ मा थियो । हाल भने यो ५२.६३ मा छ । आरएसआई स्केल ३० भन्दा मुनि भए सेयर अधिक बिक्री क्षेत्रमा, ३० देखि ७० बीचमा भए सन्तुलित क्षेत्रमा र ७० भन्दा माथि भए अधिक खरिद क्षेत्रमा रहेको विश्लेषण गरिन्छ ।

बैंकको सेयर मूल्य करिब एक वर्षयताकै उच्च (३६५ रुपैयाँ) आसपास छ । मूल्यले बनाएको रेखा चित्र विश्लेषण गर्ने हो भने एक महिनाको अवधिमा मात्रै बैंकको सेयर मूल्य ३५० मा पटक–पटक पुगेर घटेको छ । यो मूल्यमा आसपास प्रतिरोध देखिइएको बुझ्न सकिन्छ ।

२१ दिने र ७ दिने सिम्पल मुभिङ एभरेज दूरी घटेर जोडिने क्रममा छन् । ७ दिने मुभिङ एभरेज रेखा २१ दिने रेखालाई काट्ने जमर्कोमा रहेको संकेत छ । यसले मूल्य केही समय बुलिस प्रवृत्तिमा जाने दरिलो सम्भावना देखाएको छ ।

एक महिनाको अवधिमा ३ सय ४५ देखि ३ सय ५४ बीचमा नै मूल्य घटबढ भएको छ । एक महिनामा बैंकको मूल्य ९ रुपैयाँको फरकमा तल–माथि गरिरहेकाले रेन्ज नै कम छ । पीभट विश्लेषणले भने अब बजार बढ्ने क्रममा रहे आगामी एक महिनामा ३ सय ५४ मा पहिलो प्रतिरोध र घट्ने क्रममा रहे ३ सय ४५ मा टेवा पाउने देखाउँछ ।

बैंकको सेयर मूल्यले अन्तिम दुई दिनमा मिटिङ लाइन वियरिस आकृति बनाएको छ । दुई दिनमा पहिलो सेतो लामो आकारको मारुबोजु (धागो नभएको मैनबत्ती) र दोस्रो दिन कालो आकारको मैनबत्ती बनेको छ । यी दुवै दिनको अन्तिम मूल्य (३५० रुपैयाँ) समान छ । यसले मूल्य घट्न सक्ने संकेत गरिरहेको छ । यद्यपि, यो संकेत मध्यम किसिमको हो । सुनिश्चितता आगामी दिनको कारोबारबाटै गर्न सकिने देखिन्छ ।

अन्य कम्पनीको विश्लेषण

ग्लोबलमा नबढेको लगानीकर्ताको विश्वास, सेयर अन्डर भ्यालुड

पुरानोमध्येमा नेसनल लाइफ किन सुस्त ? (समग्र विश्लेषण)

नेपाल लाइफको सेयरः घटे ८ सय ७७ मा टेवा, बढे ९ सय ४९ प्रतिरोध

प्रकाशित मिति: बिहीबार, असार १९, २०७६ २२:४६