प्रदेश १ को हिउँदे अधिवेशन आजबाट

A+ A A-

प्रदेश–१ संसदको हिउँदे अधिवेशन आजबाट सुरु हुँदैछ । आज दिउँसो ३ बजेबाट प्रदेश १ को प्रदेशसभा भवन विराटनगरमा बैठक सुरु हुदैछ ।

प्रदेश प्रमुख डा. गोविन्दबहादुर तुम्बाहाङको आब्हानमा आजका लागि संसदको हिउदे अबिधेशन शुरु हुन लागेको हो । यस अबिधेशनमा प्रदेश १ को नाम र स्थायी राजधानी लगायतका पेचिलो मुद्धामा छलफल गर्ने अपेक्षा लिइएको छ ।

प्रदेशका सभामुख प्रदीपकुमार भण्डारीले राजधानीको नाम र राजधानीको विषय टुँगो लगाउने तयारी भइरहेको जानकारी दिए । भण्डारीले भरिसक सर्वसहमतिका आधारमा यस विषयमा टुँगो लगाउने प्रयासका लागि आफूले सहजकर्ताको भूमिका खेलिरहेको बताए । मुख्यमन्त्री शेरधन राईले चैत भित्रमा प्रदेशको नाम र राजधानीले पुर्णता पाउने यस अघि नै बिभिन्न कार्यक्रममा सार्बजनिक गर्दै आएका छन् ।

गत असोजमा दोश्रो अधिबेशन सकिएसँगै स्थगित भएको संसद आज देखि सुचारु हुन लागेको हो । संसदमा केही बिद्येयक दर्ता भएको छन् भने समितिमा केही बिधेयक नयाँ आएको संसद सचिवालयले जनाएको छ । आजदेखि शुरु हुने अधिबेशनबाट केही बिधेयक संशोधन तथा केही बिद्येयक नयाँ गरी अहिलेसम्म ६ वटा बिद्येयक पारित गराउने तयारी छ ।

सभामुख भण्डारीका अनुसार, खेलकुद बिद्येयक समितिमा जाने तयारीमा रहेको छ । संशोधनका अरु ४ वटा बिद्येयक पनि रहेको छन् भने प्रदेश सभामा सहकारी, बिद्युत, सुशासन र भवन बिद्येयक दर्ता भएका छन् । ति बाहेक अरु ६ वटा बिद्येयक न्युनतम रुपमा सरकारलाई आवश्यक बिद्येयक सहित अगाडि जाने तयारीमा प्रदेशसभा लागेको सभामुख भण्डारीले बताए ।

लोकसेवा, प्रहरी र शिक्षा नीति सहितका केही कानुन संघीय सरकारले बनाउने कानुन पर्खिएर बसेको उनको भनाई छ । पहिलो अधिबेशनमा बाट प्रदेश १ को संसदले ११ विधेक पारित गरेको थियो । संसदको दुबै अधिवेशनबाट प्रदेश सभा संचालन नियमावली सहित कुल २४ वटा विधेयक पारित भएका छन् ।

बर्षे अधिवेशन कुल एकसय ३० दिन चलेको थियो जसमा ५२ बैठक ५८ पटक बसे । बैठक कुल ६० घण्टा १५ मिनेट चलेको थियो ।

बैठक सुरु हुनु अघि प्रदेश १ का मुख्य मन्त्री शेरधन राईले आज विराटनगरमा पत्रकारहरुसंग अनौपचारिक छलफलको तयारी गरेका छन् । मुख्यमन्त्री राईले विहान ११ बजे मुख्यमन्त्री तथा मन्त्री परिषद्को कार्यालयमा पत्रकारहरुलाई बोलाएका छन् ।

बैठक र बैठकबाट हुने काम कारवाही तथा सरकारका भावी कार्यदिशा एवं समसामयिक विषयका बारेमा मुख्य मन्त्रीले जानकारी गराउने कार्यक्रम तय भएको राईका प्रेस संयोजक धु्रव सुवेदीले जानकारी दिए ।

प्रकाशित मिति: आइतबार, माघ २०, २०७५ ०९:२४