४ चैतमा कतारबाट आउने व्यक्ति खोज्दै सरकार, कहाँ कहाँ भेटिए यात्रु?

A+ A A-

४ चैतमा कतार हुँदै फ्रान्सबाट आएकी एक युवतीलाई कोरोना पुष्टिभएसँगै ती युवतीसँग आउने यात्रुहरूको खोजी तिब्र पारिएको छ । ४ चैत राती कतार एयरको क्यूआर ६५२ नम्बरको जहाजमा आएकी एक युवतीलाई सोमबार सरकारले कोरोना पुष्टि भएको जनाएको हो । त्यसँगै स्थानीय तहले सोही विमानमा आउने यात्रुलाई खोजी गरेको छ ।

अहिलेसम्म ३ जिल्लामा ३ जना सोही विमानमा आएको स्वीकार गरी क्वारेनटाइनमा राखिएको छ ।

बाग्लुङ

एउटै जहाजमा आएका बाग्लुङमा १ युवाको पहिचान भएको छ । ढोरपाटन नगरपालिका-५ अधिकारीचौरका ती युवालाई पहिचना गरी बाग्लुङ जिल्ला अस्पताल लगिएको छ ।

झापा

४ चैतमा कतार एयरलाइन्सबाट आएकामध्ये झापाको बुद्धशान्ति गाउँपालिकामा १ जनालाई पहिचान गरिएको छ । उनलाई पनि क्वारेन्टाइनमा राखिएको छ । उपचाररत युवतीसँगै कतार एयरवेजबाट नेपाल आएका भनिएका बुद्धशान्ति-५ निवासी १ को पहिचान गरी परीक्षण गर्दा संक्रमण नदेखिए पनि सेल्फ क्वारेन्टाइनमा भने राखिएको छ बुद्धशान्ति गाँउपालिकालेक सूचना निकाली जानकारी गराएको छ ।

त्यस्तै, विभिन्न कामको सिलसिलामा भारत गई यसबीचमा फर्किएकाहरूलाई ७ जनलाई पनि गाउँपालिकाले क्वारेनटाइनमा राखेको छ ।

उदयपुर

उदयपुरका बेलका नगरपालिकाले वडा ६ अन्तर्गतका ३ जनालाई पहिचान गरेको छ । ३ जनामध्ये २ जना ६ चैतमा आएको बताएका छन् । ती मध्ये १ जना ४ चैतमा कतार एयरलाइन्सको क्यूआर ६५२ विमानवाट गत ४ चैतमा उनीहरु काठमाडौं आएका थिए । उनले सोही विमानमा आएको स्वीकार गरेका छन् ।

स्थानीय तहको आग्रह बमोजिम उनीहरू तीनै जना क्वारेन्टाइनमा बस्न तयार भएको नगरपालिकाले जनाएको छ । कतारबाट आएको खबर भएटसँगै स्थानीयस्तरमा त्रास बढेको देखिएको छ । स्थानीयहरूले ती नागिरकका आमा बुवालाई पनि क्वारेनटाइनमा राख्न माग गरेका छन् ।

उदयपुरकाे बेलका नगरपालिका वडा ३ को रातापानीमा पनि २ जना चैत ४ देखि ६ गतेको बिचमा बतारबाट आएको आशंका गरिएको छ । उनीहरुको पनि खोजी गरिएको र सबैलाई क्वारेनटाइनमा राख्न थालिएको बेलका नगरपालिकाका नगरप्रमुख दुर्गाकुमार थापाले बताए ।

प्रकाशित मिति: मंगलबार, चैत ११, २०७६ १२:३०