स्काउटको जग्गा र भवन सिल गरेर सरकारले आतंक फैल्यायोः सांसद खड्का

A+ A A-

नेपाली कांग्रेसका सांसद दीपक खड्काले सरकारले व्यवसायीहरूमाथि आतंक मच्चाएको आरोप लगाएका छन् ।शुक्रबार काठमाडौंमा पत्रकार सम्मेलन गर्दै उनले स्काउटको जग्गामा बनाएको पार्टी प्यालेस लगायत सटरमा ताला लगाएर व्यवसायीहरूलाई आतंकित पारिएकाे आरोप लगाए ।

१५ वर्षदेखि कब्जा गरेको भन्दै लैनचौरस्थित स्काउटको जग्गा र भवनमा बिहीबार राति जिल्ला प्रशासन कार्यालय काठमाडौंले सिल गरी नियन्त्रणमा लिएको थियो । तर, सांसद खड्काले स्काउटको जग्गा आफूले नहडपेको दाबी ग/] । उgले आफू खड्काल्याण्ड डेभलपमेण्ट प्रालिमा विगत दुई वर्षदेखि आबद्ध नरहेको भन्दै राजनीतिक प्रतिशोध साध्न राज्य लागेको आरोप लगाए ।

उनले स्काउटको जग्गा लिजमा लिएर व्यापारिक प्रयोजनका लागि अन्य व्यावसायिक संस्थाहरूलाई भाडामा लगाएको स्वीकार गर्दै स्काउटको भुक्तानी हिसाब गरेर तिर्न तयार रहेको बताए । उनले १५ वर्षअघि स्काउटले सटर बनाउन लिएको ऋण तिर्न नसक्दा आफूले जग्गा लिजमा लिएर सहयोग गरेको बताए । उनले अहिले राज्यले समयावधि हुँदाहुँदै पनि व्यवसायीहरूलाई गरिखाने वातावरणसमेत नदिएको आरोप लगाए ।

उनले जग्गा भाडामा लिएको १२ वर्षसम्म कुनै समस्या नभएको ठाउँमा एमालेको सरकार हुँदा स्काउटको कार्यकारी भूमिकामा लोकबहादुर भण्डारी आएपछि समस्या भएको बताए । उनले भण्डारी आएसँगै आफूहरूमाथि विभिन्न हतकण्डा अपनाएर हटाउने वा विस्थापित गर्ने योजनाका साथ लागेको दाबी गरे ।

उनले राति १० बजे विवाहको पार्टी चलिरहेको अवस्थामा राज्यले व्यवसायीहरूलाई आतंकित बनाउने गरी सिल गर्नु गैरजिम्मेवारी भएको बताए । उनले सरकारले सूचनासमेत नदिई, बुझ्दै नबुझी व्यवसाय बन्द गर्नु गलत प्रक्रिया भएको बताए । उनले सरकारले स्काउटको जग्गामा व्यवसाय गर्ने ४८ परिवारलाई व्यवसाय गर्न नदिएर आतंक फैल्याएको बताए ।