प्रचण्ड र भट्टराईलाई मतेनीबासीको निम्तो

A+ A A-

दाङको अतिविकट मतेनीका बासिन्दाले नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्ड र नयाँ शक्ति नेपालका संयोजक डा बाबुराम भट्टराईलाई गाउँमा आउनका लागि निम्तो दिएका छन् ।

२०५२ साल फागुनदेखि शुरु भएको जनयुद्ध र विस्तृत शान्ति सम्झौता हुनु अघि दुई नेता प्रचण्ड र भट्टराई बसेको राजपुर-५ मतेनीमा आउन निम्तो दिएका हुन् ।

तत्कालीन नेकपा माओवादीको शसस्त्र विद्रोहका कारण शान्ति प्रक्रिया हुँदै देशमा राजनीतिक, आर्थिक, सामाजिक, सांस्कृतिक परिवर्तन भए । तर नेतृत्वकर्ता प्रचण्ड र बाबुरामले विद्रोहकाे बेला आश्रय लिएकाे ठाँउ पछि परेको भन्दै विकासका लागि भएपनि एकपटक आइदिन निम्तो दिएका हुन् ।

मुलुकमा ठूला ठूला व्यवस्था फेरिए तर हाम्रो अवस्था फेरिएन भेला भएका स्थानीयले सामुहिक गुनासो गरे । यहाँको जनजीवनमा कुनै परिवर्तन नआएकोले अध्यक्ष प्रचण्ड र नेता डाक्टर भट्टराईलाई एक पटक भ्रमण गराएपछि विकास हुन्छ कि भनेर निम्तो उनीहरुले निम्तो दिएका हुन् ।

द्धन्दकालमा अध्यक्ष प्रचण्डदेखि अधिकांश पूर्व माओवादी नेता कार्यकर्ताहरुले मतेनीखोलााको पानी खाएको हुनाले एकपटक आफ्नो गाउँ हेरिदिन स्थानीय श्रवण बुढाले आग्रह गरे । ‘राजनीतिक आन्दोलन मार्फत धेरै परिर्वतन भयो, नेता सत्ता र शक्तिमा पुगे तर यहाँ कुनै विकास भएन’ बुढाले भने ।

उनले भने, ‘नेताहरुको आश्रयस्थलका बेला खाएको यहाँको पानी र अहिले हामीले खाने पानी एउटै खोलीको हो, तर हामी जहाँको त्यही छौ । कुनै पनि परिर्वतन भएको छैन् ।’

बाटो छैन, स्वास्थ्य संस्था छैनन्,अँध्यारोमा बस्नुपर्छ, ५ कक्षा सम्म सञ्चालन गरिएको बिद्यालयमा स्वीकृती ३ तहसम्मको मात्र छ उनले गुनासो गरे ।

अर्का स्थानीय हिरा बुढाले विकासको आश अझै नमरेको बताए । २०४२ सालमा स्थापना गरिएको बिद्यालयमा ९२ जना बिद्यार्थी छन् । तर एक जना पनि स्थायी शिक्षक नभएको उनले बताए । द्धन्दकालदेखि हालसम्म भएका राजनीतिक गतिबिधिमा ठूलो आश्वासन पाएको भएपनि संबिधान निर्माण पछि चुनावमा भाग लिएका प्रनिनिधिहरुले आश्वासन मात्र बाँडेको गुनासो गरे ।

प्रकाशित मिति: बुधबार, चैत २०, २०७५ ०१:३०