बैंगलुरुसँग ६० रनले पराजित भएसँगै प्लेअफको रेसबाट बाहिरियो पञ्जाब, बैंगलुरुको सम्भावना कायमै

बैंगलुरुसँग ६० रनले पराजित भएसँगै प्लेअफको रेसबाट बाहिरियो पञ्जाब, बैंगलुरुको सम्भावना कायमै

A+ A A-

इन्डियन प्रिमियर लिग (आईपीएल) अन्तर्गत गए राति भएको खेलमा रोयल च्यालेन्जर्स बैंगलुरुले पञ्जाब किङ्सलाई ६० रनले पराजित गरेको छ ।

सुरुवाति ब्याटिङ गरेको बैंगलुरुले निर्धारित २० ओभरमा ७ विकेट गुमाउँदै २४१ रन बनाएको थियो । २४२ को लक्ष्य पछ्याउँदै जवाफी ब्याटिङमा उत्रिएको पञ्जाब १७ ओभरमा १८१ रन बनाउँदै अलआउट भएपछि बैंगलुरु ६० रनले विजयी भएको हो ।

यो पराजयसँगै पञ्जाब प्लेअफको रेसबाट बाहिरिएको छ । तर, बैंगलुरुले भने प्लेअफमा पुग्ने सम्भावनालाई कायमै राखेको छ । मुम्बईपछि पञ्जाब प्लेअफबाट बाहिरिने दोस्रो टिम बनेको हो ।

बैंगलुरुका लागि विराट कोहलीले ९२ रन जोडेका थिए । त्यस्तै रजत पाटिदारले ५५ रन जोड्दा क्यामरन ग्रिनले ४६ रनको योगदान दिए । त्यस्तै दिनेश कार्तिक १८, विल ज्याक्स १२, फाफ डुप्लेसीले ९ रन जोड्दा महिपाल लोमरोर शून्यमा पेभेलियन फर्किए । स्वप्निल सिंह भने १ रनमा नटआउट रहे ।

पञ्जाबका लागि हर्सल पटेलले ३ विकेट लिए । त्यस्तै विदवाथ काभेरप्पाले २ विकेट लिए भने अर्सदीप सिंह र साम करणले १/१ विकेट लिए ।

जवाफी ब्याटिङमा उत्रिएको पञ्जाबका राइली रुसोले ६१ रन जोडे । त्यस्तै शशांक सिंहले ३७ तथा जोनी वेरिस्टोले २७ रनको योगदान दिए । साम करणले २२ रन जोड्दा प्रभासिमरन सिंह ६ रनमा आउट भए । जितेश शर्माले ५ तथा आशुतोस शर्माले ८ रन जोड्दा लियम लिभिन्स्टन र हर्सल पटेल शून्यमा आउट भए । राहुल चाहर भने ५ रनमा नटआउट रहे ।

बैंगलुरुका लागि मोहम्मद सिराजले ३ विकेट लिए । त्यस्तै स्वप्निल सिंह, लकी फर्गुसन, करण शर्माले समान २/२ विकेट लिए ।

यससँगै बैंगलुरु १२ खेलमा ५ जितसहित अंकतालिकाको सातौँ स्थानमा छ भने समान खेलमा ४ जित निकालेको पञ्जाब नवौँ स्थानमा छ ।