विकासमा राजनीति नगरौः चौधरी

A+ A A-

सुरेश श्रेष्ठ
नेपाली कांग्रेसका नेता डिल्लीबहादुर चौधरीले विकासका लागि एकता आवश्यक रहेका बताएका छन् । नेपाली कांग्रेसका नेता डिल्लीबहादुर चौधरीले विकासका लागि एकता आवश्यक रहेका बताएका छन् । पाँच नम्बर प्रदेशका सांसद समेत रहेका विकासको विषयमा कसैले पनि राजनीति गर्न नहुने बताए ।
तुलसीपुर उपमहानगरपालिका वडा नं. १० गौरीगाउँमा रहेको गौरीतालमा नवनिर्मित शिव मन्दिरको उद्घाटन गर्दै चौधरीले भने, ‘विकासका लागि एकता आवश्यक छ । निर्वाचनका क्रममा राजनीतिका कुरा भएपनि विकासको सवालमा कसैले कतै राजनीति गर्नुहुँदैन ।’ विकास एकैपटक सम्भव नभएको बताउँदै चौधरीले तुलसीपुर बेलटाकुरा सडकखण्ड निर्माणकै क्रममा काम रोकिएको हुँदा त्यसमा सबैले एकता प्रदर्शन गर्न आवश्यक रहेको बताए ।

धर्मलाई विकाससँग जोड्न सके धेरै सकारात्मक परिणामहरु निस्कने तर्क सांसद चौधरीको थियो । ‘धर्म राजनीति भन्दापनि धेरै माथि छ, संविधानभन्दा पनि धेरै माथि छ’ सांसद चौधरीले भने ‘कानुन निर्माण नहुँदै समाज धर्मबाट निर्देशित थियो र आजपनि छ ।’ धर्मकै कारण राम्रो गरे पुन्य मिल्ने र गलत गरे पाप लाग्ने भन्ने विश्वासले समाज चल्दै आएको उनले बताए ।

सेना, पुलिस नहुँदा धर्मले नै समाज निदृष्ट गरेको हुँदा आज पनि त्यही विश्वासका साथ एकतावद्ध भएर धर्मलाई विकासमा जोड्नुपर्ने उनको कथन थियो । सांसद चौधरीले गौरीतालको विकासको लागि गुरुयोजना निर्माण गरेर त्यहाँ आन्तरिक तथा बाह्य पर्यटक भित्रिने वातावरण निर्माण गर्न आवश्यक रहेको बताए ।

त्यस्तै कार्यक्रममा तुलसीपुर उपमहानगरपालिका वडा नं. १० का वडा अध्यक्ष कुमार लामिछानेले जिल्लाको सबैभन्दा ठूलो प्राकृतिक ताल गौरी तालको विकासका लागि गुरुयोजना निर्माण गरेर त्यही अनुरुप अगाडि बढ्नुपर्ने बताए ।

प्रकाशित मिति: बुधबार, फागुन २२, २०७५ ०२:०१