मोरङ हिसान स्पोर्टस् मिटको तेस्रो दिन क्रिकेटमा कोशी, लर्डबुद्ध विजयी

A+ A A-

विराटनगरमा जारी ८ औं हिसान स्पोर्टस मिटको क्रिकेटतर्फ कोसी र लर्डबुद्ध कलेज विजयी भएका छन । फुटबलतर्पm अर्किड, सेन्टजोसेफ, ग्रिनल्याण्ड र कोसी, छात्रा भलिबलमा पथरीको एभरेष्ट, मोर्डनएरा, कान्तिपुर र लर्डबुद्ध कलेज विजयी भएका छन् ।

हिसान मोरङले आयोजना गरेको प्रतियोगिता अन्तर्गत आज भएको क्रिकेटको पहिलो खेलमा कोसी कलेजले सिर्जनाज्ञान कुञ्ज स्कुललाई ६१ रनले पराजित गर्दै क्वार्टरफाइनलमा प्रवेश गरेको छ । टस हारेपनि पहिले ब्याटिङको मौका पाएको कोसीले निर्धारित २० ओभरमा ५ विकेटको क्षतिमा १३३ रन बनाएको थियो । १३४ रनको विजयी लक्ष्य पाएको सिर्जनाले १६ ओभर ५ बलमा सबै विकेटको क्षतिमा ७३ रनमै समेटियो ।

दोस्रो खेलमा लर्डबुद्ध कलेजले वाक ओभरका आधारमा विजयी भयो । सेन्टजोसेफ स्कुल खेल्न नआएपछि लर्डबुद्ध विजयी भएको हो ।

त्यसैगरी छात्रा भलिबलमा पथरीको एभरेष्ट कलेजले पथरीकै बाल्मिकी कलेजलाई २६–२४ र २५–१७ को स्कोरमा पराजित गर्दै क्वार्टरफाइनलमा प्रवेश गरेको छ । दोस्रो खेलमा मोर्डनएरा स्कुलले ग्रिनल्याण्ड कलेजलाई २५–१३ र २५–११ को स्कोरमा पराजित गर्दै क्वार्टरफाइनलमा प्रवेश गरेको छ । तेस्रो खेलमा कान्तिपुर कलेज विजयी भयो । सिटी कलेज खेल्न नआएपछि कोसीले वाक ओभरका आधारमा विजयी भएको हो । चौथो खेल लर्डबुद्ध कलेजले मेरिल्याण्ड कलेजलाई २५–१३, १६–२५ र २५–१२ को स्कोरमा विजयी हुँदै क्वार्टरफाइनलमा प्रवेश गरेको छ ।

त्यस्तै फुटबलको पहिलो खेलमा अर्किड कलेजले कान्तिपुर कलेजलाई १–० गोलमा पराजित गर्दै क्वार्टरफाइनलमा प्रवेश गरेको छ । दोस्रो खेलमा सेन्टजोसेफ स्कुलले अरनिको कलेजलाई २–० गोल पराजित गर्दै क्वार्टरफाइनलमा प्रवेश गरेको छ ।

तेस्रो खेलमा कोसी कलेजले मेरिल्याण्ड कलेजलाई टाइब्रेकरमा ३–२ गोलमा पराजित गर्दै सेमिफाइनलमा प्रवेश गरेको छ । निर्धारित समय दुवै टिमबाट १–१ गोलको बराबरी भएपछि खेलको निर्णय टाइब्रेकरबाट भएको थियो । चौथो खेलमा ग्रिनल्याण्ड कलेजले बुद्ध अंग्रेजी बोर्डिङ स्कुललाई ५–० को फराकिलो गोल अन्तरमा पराजित गर्दै क्वार्टरफाइनल प्रवेश गरेको छ ।

प्रतियोगिता अन्तर्गत भोली शुक्रबारको क्रिकेटको पहिलो खेल एभरेष्ट र शिक्षादीप र दोस्रो खेल भानु र अरनिकोबीच हुनेछ । छात्रा भलिबलकम रेडस्टार र एभरेष्ट, दोस्रो खेल अरनिको र मोर्डनएरा, तेस्रो खेल कान्तिपुर र कोसी तथा चौथो खेल लर्डबुद्ध र शिक्षादीपबीच हुनेछ । फुटबलको पहिलो खेल भानु र सेन्टजोसेफ, दोस्रो खेल मोर्डनएरा र एभरेष्ट तथा तेस्रो खेल रेडस्टार र सिटी कलेजबीच हुनेछ ।

प्रकाशित मिति: बिहीबार, माघ १०, २०७५ १८:२०