काेराेनाका कारण भिजिट भिसामा रोक : ११ हजारको भ्रमण रोकियो, अधिकांश यूएई जाने

काेराेनाका कारण भिजिट भिसामा रोक : ११ हजारको भ्रमण रोकियो, अधिकांश यूएई जाने

A+ A A-

काेराेना भाइरसको संक्रमण फैलिएसँगै सरकारले खाडीका देश र मलेसिया भिजिट भिसामा जाने नेपालीलाई रोक लगाएको छ ।

माघ १० देखि लागु हुनेगरी गृह मन्त्रालय गत शुक्रबार नै यो निर्णय गरेको थियो । भिजिट भिसामा खाडीका मुलुक तथा मलेसिया जान रोक लगाएसँगै ११ हजार नेपालीहरूको भम्रण रोकिएको छ ।

जनवरी अन्तिमदेखि फ्रेब्रुअरी पहिलो सातासम्म यूएई जान करिब १० हजार नेपालीहरूको भिजिट भिसा लागेको विभिन्न कन्सल्टेन्सी र म्यानपावर कम्पनीहरूले बताएका छन् ।

अध्यागमन विभागका अनुसार सातामा २ हजार ५ सयभन्दा बढी नेपाली खाडीका देश र मलेसिया भिजिट भिसा जाने गरेका थिए । पछिल्लो साउनयता सबैभन्दा धेरै नेपालीहरु यूएई भिजिट भिसा गएको अध्यागमनको तथ्यांंकमा छ ।

सरकारले खाडीका देश र मलेसिया काेराेना भाइरसका कारण भिजिट भिसामा जान रोक लगाएको हो । जसका कारण भिजिट भिसा लागिसकेका नेपालीहरू पनि रोकिने अध्यागन विभागका महानिर्देशक नारायणप्रसाद भट्टराईले शिलापत्रलाई जानकारी दिए ।

'भम्रणको बाहानामा रोजगारीका लागि भिजिट भिसामा गइरहेको पाइयो । जसका कारण कोही नेपाली कोभिड महामारीमा समस्या नपरुन भनेर तत्काल भ्रमण भिसामा रोक लगाइएको हाे', उनले भने, ‘पछिल्लो समय सबैभन्दा धेरै नेपालीहरू भिजिट भिसामा यूएई गइरहेका छन् । सरकारले शंका लागेका कतिपयलाई रोक्दै पनि आएको छ । उनीहरू घुम्नभन्दा पनि रोजगारीका लागि कन्सल्टेन्सी र म्यानपावरमार्फत जाने गरेकाे पनि भेटियो ।’

अध्यागमनले कडाइ गर्दा–गदै पनि भिजिट भिसाको प्रक्रिया पुर्‍याएका नेपाली रोक्न समस्या हुने उनको भनाइ छ ।

भिजिट भिसामा धेरै नेपालीहरू यूएई जाने गरेका छन् । करिब १० हजार भिजिट भिसामा यूएई जाने प्रक्रियामा थिए । सरकारले रोक लगाएसँगै उनीहरुको भम्रण स्थगित भएको एक ट्राभल व्यवसायीले जानकारी दिए । उनका अनुसरा कतिपयको उडान आजभोलि नै थियो । सरकारले रोक लगाएसँगै टिकट पनि रद्द गर्नु परेकाे उनले बताए ।

नेपालीहरू सबैभन्दा धेरै भिजिट भिसामा यूएई र कुवेत जान्छन् । पछिल्लो समय मलेसिया र कतारले कडाइ गरेपछि रोजगारीका लागि अन्य देश जाने धेरै नेपालीहरू भिजिट भिसामा यूएई जाने गरेको उनले जानकारी दिए । ‘भिजिट भिसामा यूएई जाने सबै नेपाली रोजगारीकै लागि जान्छन् । यूएई भिजिट भिसामा गएका नेपालीहरू अन्य काम गर्न पुग्छन् । यूएई त भिजिट भिसाको ट्रान्जिट देश नै हो ।’

कोरोना संक्रमण बढ्दो क्रममा रहेको र पर्यटक भिसामा गएर खाडी मुलुक तथा मलेसियामा विचल्लीमा पर्ने नेपालीहरुको संख्या बढेको भन्दै गृह मन्त्रालयले भिजिट भिसामा रोक लगाएको जनाएको छ ।

अध्यागमन विभागकाअनुसार गत वैशाखयता १७ हजार ३ सय ६४ नेपाली भिजिट भिसामा यूएई पुगेका छन् । म्यानपावर, कन्सल्टेन्सी, ट्राभल र एजेन्टले सबैभन्दा धेरै भिजिट भिसामा नेपालीलाई यूएई पठाइरहेको पाइएको छ ।

भिजिट भिसामा जाने व्यक्तिसँग म्यानपावर, कन्सल्टेन्सी, ट्राभल र एजेन्टले ३ देखि ५ लाख रुपैयाँसम्म लिने गरेको भन्दै वैदेशिक रोजगार विभागमा पीडितहरू समस्या लिएर आउने गरेका छन् ।

याे पनि

जब एजेन्टले समुद्रमा बोलाएर मार्न खोजे

भिजिट भिसामा यूएई पुगेका ११८ नेपाली अलपत्र, ४० जना नेपाली सेना छाडेका पनि

प्रकाशित मिति: आइतबार, माघ ९, २०७८ १४:१५