अवैध रकम असुल्ने मेडिकल कलेजलाई कार्वाही गर्न सांसदहरुको माग

A+ A A-

राष्ट्रिय सभा सदस्यहरुले बढी शुल्क लिने मेडिकल कलेजलाई कारवाही गर्न, विभिन्न स्थानका निर्माणाधिन सडक मर्मतको काम समयमै सम्पन्न गर्न तथा किसानलाई दिईने अनुदानलाई सहज बनाउने लगायत विषयमा सम्बन्धित निकायको ध्यानाकर्षण गराएका छन् ।

राष्ट्रिय सभाको शुक्रबार बसेको बैठकको विशेष समयमा बोल्दै सदस्यहरुले विभिन्न विषयमा सरकारको ध्यानाकर्षण गराएका हुन् । रामनारायण विडारीले शुल्कको नाममा अवैध ढंगले रकम असुल्ने मेडिकल कलेज संञ्जालकलाई कानुन बमोजिम कारवाहीगरि विद्यार्थीलाई उचित रातहको व्यवस्था गर्न सरकारसँग माग गरे । दोहोरो शिक्षा प्रणालीको मार अहिले सम्म नेपालीले भोग्दै आउनुपरेको भन्दै उहाँले शिक्षामा व्यापार गर्नेलाई कारवाही गर्नुपर्ने आवश्यकता औल्याए ।

उनले भने ‘ कानूनी परिभाषामा यो एक प्रकारको ठगी नै हो । यस्तो ठगी काम गर्ने बेइमानी काम गर्ने मध्यम बर्गिय छोराछोरीहरुलाई पढ्न बाधा र अड्चन उत्पन्न गर्ने यिनीहरुलाई के मुलुकी फौजदारी संहिता अन्र्तगचत सजाय गर्नुपर्देन ? अब उनीहरुको पैसा फिर्ता दिने भनेर पुग्छ ?’

सांसद रमेशजंग रायमाझीले विपिराजमार्ग अन्र्तगत धुलिखेल देखि बर्दिबास सम्मको १ सय ६० किलोमिटरको बाटोमा २ सय ६४ वटा खाल्डाहरु रहेको भन्दै तत्काल स्तरोन्नतिको लागि सम्बन्धीत निकायको गम्भीर ध्यानाकर्षण गराए । मर्मतको नाममा माटो राखेर पुर्ने काम गरिएको तथा धुलो अत्याधिक उडेका कारण दुर्घटनाको जोखिम बनेको तर्फ उहाँले सरकारको गम्भीर ध्यानाकर्षण गराए ।

सांसद उदया शर्मा पौडेलले राजधानीको सवारी व्यवस्थापन र सार्वजनिक सवारी साधन जथाभावी रोक्न नदिने नाउमा जनतालाई दुख दिने काम भएको भन्दै यात्रु ओराल्ने र चढाउने गरि यात्रुको भिड हुने स्थानमा सवारी साधन रोक्ने व्यवस्था मिलाउन सम्बन्धित निकायको गम्भीर ध्यानाकर्षण गराए । उनले तरकारी, फलफुल र खाद्यवस्तुको पसलपिच्छे मुल्य रहेको र अत्याधिक मुल्य बढेको भन्दै तत्काल बजार अनुगमन गर्न सम्बन्धित निकायको गम्भीर ध्यानाकर्षण गराए ।

सांसद सचिवालयभित्र पानी पिउनका लागि प्लाष्टिकको गिलास नराख्न गरेको आग्रह लाई वेवास्ता गरिएको भन्दै तत्काल प्लाष्टिकका गिलास हटाएर कागजका प्रयोग हुने वातावरण मिलाउन माग गरे ।

सांसद बिमला राई पौडेलले पाउनुपर्ने किसानले अनुदान नपाएको भन्दै अनुदानका लागि स्पष्ट मापदण्ड बनाउन सरकारको ध्यानाकर्षण गराए । कृषि मन्त्रालय अन्र्तगतका विभिन्न परियोजनामा एउटै शिर्षकमा विभिन्न किसिमका मापदण्ड र विभिन्न किसिमका अनुदान रकम तोकिएको भन्दै उहाँले एकरुपता ल्याई वास्तविक किसान लाभान्वित हुने व्यवस्था गरि कार्यविधि बनाउन माग गरे ।

सांसद ठगेन्द्र प्रसाद पुरीले संसदले पारित गरेका कानुनमा अधिकार प्रत्यायोजनको व्यवस्था तर्फ गम्भीर हुनुपर्ने आवश्यकता औल्याए । पािरत गरेका र प्रचलनमा रहेका कानुनहरुमा अधिकार प्रत्यायोजन गर्दा आवश्यक निर्देशिका, कार्यविधि, मापदण्ड र आचारसंहिता ऐनमा नबाँझिने गरि कहीँ बोर्ड, समिति र मन्त्रालयले बनाउनेछ भनी उल्लेख भएको भन्दै उनले त्यसमा एकरुपता ल्याउनुपर्नेमा जोड दिए ।

प्रत्यायोजित अधिकार दिने विषयमा स्पष्ट मापदण्ड सहितको एकरुपता ल्याउन नसक्ने हो भने कानुनी अराजकता श्रृजना हुन सक्ने भन्दै उनले त्यस तर्फ गम्भीर बन्नुपर्ने आवश्यकता औल्याए ।

राष्ट्रिय सभा सदस्य दील कुमारी रावल थापा पार्वतिले राजधानीका सडकमा गाई छाडा छोडिने गरेको तर्फ सम्बन्धीत निकायको ध्यानाकर्षण गराए । तुलनात्मक रुपमा धनगढीमा सडकमा गाई छाड्ने समस्या बढी देखिएको र त्यसले गर्दा सवारी दुर्घटना बनाउनुको साथै पैदलयात्रीलाई पनि समस्या पर्ने गरेको भन्दै उनले सडकमा गाई छाड्ने क्रम रोक्न माग गरे । त्यसैगरी छाडा कुकुरका कारण पनि सवारी दुर्घटना बढेको भन्दै उहाँले सो को पनि उचित व्यवस्थापन गर्न माग गरे ।

त्यसैगरी अनिता देवकोटाले मुस्लिम आयोगको अध्यक्षमा सिफारिस भएका समिम अन्सारीका बारेमा संसदीय सुनुवाई समितिले ४५ दिन सम्म पनि आफ्नो धारणा सार्वजनिक नगर्दा समितिको काम कारवाही तर्फ जनताको विश्वास गुम्दै गएको भन्दै त्यस तर्फ सरकारको ध्यानाकर्षण गराए ।

उनले राप्ती स्वास्थ्य विज्ञान प्रतिष्ठानका लागि भौतिक पुर्वाधार निर्माण लगायतका लागि आवश्यक बजेटको व्यवस्था गर्न पनि माग गरे । त्यसैगरी उनले नेपाल संस्कृति विश्वविद्यालयका कर्मचारी र प्राध्यापकले मंसिर देखिको तलब खान नपाएको भन्दै त्यस तर्फ सरकारको ध्यानाकर्षण गराए ।

रमेश प्रसाद यादवले निजगढ अन्तराष्ट्रिय विमानस्थल निर्माणको काम अघि बढ्न नसकेको तथा बीचमा परेको वस्ती व्यवस्थापनका लागि आवश्यक बजेट विनियोजन भईसक्दा पनि त्यसका लागि काम हुन नसकेको तर्फ सरकारको ध्यानाकर्षण गराए ।

प्रकाशित मिति: शनिबार, चैत ९, २०७५ ०१:५१