अमेरिका शयरमा रहेका उपेन्द्रलाई अशाेक राई र प्रदीप यादवकाे ‘सरप्राइज’, कसरी बन्यो पार्टी फुटाउने गोप्य डिजाइन ?

अमेरिका शयरमा रहेका उपेन्द्रलाई अशाेक राई र प्रदीप यादवकाे ‘सरप्राइज’, कसरी बन्यो पार्टी फुटाउने गोप्य डिजाइन ?

A+ A A-

जनता समाजवादी पार्टी (जसपा)का अध्यक्षसमेत रहेका उपप्रधानमन्त्री तथा स्वास्थ्यमन्त्री उपेन्द्र यादव यतिबेला अमेरिका भ्रमणमा छन् । शुक्रबारसम्म न्यूयोर्कमा हुने विश्व जनसङ्ख्यासम्बन्धी सम्मेलनमा सहभागी हुन यादव अमेरिका गएका थिए । उनको सचिवालयका अनुसार यादव फर्किने कार्यतालिकामा अझै ३ दिन समय थियो । यादव अमेरिकाबाट फर्किन नपाउँदै वरिष्ठ नेता अशोक राईको नेतृत्वमा जसपा विभाजनको तयारी भएको हो ।

एकदमै गोप्य रूपमा पार्टी विभाजनका लागि भएको यो प्रयासले जसपा अध्यक्ष यादवलाई निकै ठूलो चोट परेको छ । अहिलेको सत्ता गठबन्धनको पक्षमा रहेका उपेन्द्र यादवका अधिकांश सांसद लगेर राई, प्रदीप यादव, वीरेन्द्रकुमार साहसहितको टोलीले जसरी नयाँ पार्टी बनाउने कसरत गरेका छन्, त्यसले प्रधानमन्त्री पुष्पमकल दाहाल प्रचण्डको सरकारको आयुमा पनि प्रश्न उठाएको छ ।

राजनीतिक वृत्तमा १५ जेठमा बजेट नै ल्याउन नदिने गरी प्रचण्ड सरकारविरुद्ध घेराबन्दी भइरहेको चर्चाकाबीच जसपाको विभाजनले थप बल पाएको छ । जसपाभित्र मन्त्री बन्न चाहनेहरूको लर्कोका कारणले निकै विवाद भइरहेको छ । २०७९ पुसमै मन्त्रीका लागि निकै प्रयास गरेका थिए प्रदीप यादवले । पर्साबाट निर्वाचित यादवले त्यतिबेला सरकारमा जान नपाएपछि उनी अध्यक्ष उपेन्द्र यादवको आलोचक नै बनेका थिए । एक वर्षसम्म कुरेका प्रदीपले सरकारमा नयाँ गठबन्धन बनेका बेला पनि मन्त्री हुने प्रयास गरेका थिए । त्यतिबेलाको प्रयासमा पनि अध्यक्ष उपेन्द्र यादव बाधक बनेका थिए ।

अध्यक्ष यादवले आँफै मन्त्री भएर प्रदीपसहितका आंकाक्षीलाई रोकेका थिए । त्यसो त, उपेन्द्रले एक वर्षअघि शिक्षा, विज्ञान तथा प्रविधिमन्त्री बनाएका अशोक राई पनि नयाँ गठबन्धन फेरिएकोप्रति सन्तुष्ट थिएनन् । त्यतिमात्र होइन, उनी मन्त्रीमा निरन्तरता चाहन्थे । अनि, आफ्नो निरन्तरताको सट्टा श्रीमती सुशीला श्रेष्ठलाई मन्त्री बनाउन चाहेका थिए । त्यो विषय पार्टीमा चर्चा भएको पनि थियो । पार्टीभित्र सामान्य छलफल भइरहेका बेला उपेन्द्र यादवले नवलकिशोर साह सुडीलाई मात्रै मन्त्री बनाएका थिए । अर्को मन्त्रालयमा लामो समयसम्म नपठाएर पार्टीभित्र आंकाक्षीलाई थप चलखेल गर्न मौका दिएका उपेन्द्र अन्तिममा आफैँ मन्त्री भएर गएका थिए । त्यही दिनदेखि उपेन्द्र यादवसँग प्रदीप यादव टाढिएका थिए ।

त्यसो गत फागुनमा नयाँ गठबन्धन बनेसँगै लुम्बिनी प्रदेश सरकारको सन्दर्भमा पनि अध्यक्ष यादव र नेता मोहम्मद इस्तियाक राईबीच मतभेद देखिएको थियो । नयाँ गठबन्धनको पक्षमा लाग्ने वा पुरानै मुख्यमन्त्री डिल्ली चौधरीलाई मत दिने भन्नेमा जसपाभित्र विवाद थियो । इस्तियाक अध्यक्ष यादवको लाइनविपरीत चौधरीको पक्षमा थिए । तर, परिस्थिति फेरिएका कारण उनले जोखिम उठाएका भने थिएनन् । तर, नयाँ गठबन्धनमा जोखबहादुर महरा मुख्यमन्त्री भएपछि जसपाले पाउने मुख्यमन्त्रीको सवालमा पनि विवाद थियो । दुईवटा मन्त्रालय पाउने वा एउटै मन्त्रालयमा चित्त बुझाउने भन्नेमा विवाद थियो । त्यसले गर्दा मन्त्री फिर्ता बोलाउनेसम्मको घटना जसपाले लुम्बिनीमा गरेको थियो ।

त्यसो त, मधेश प्रदेशको मुख्यमन्त्रीको सन्दर्भमा पनि विवाद छ । मुख्यमन्त्री सरोज यादवले काम नगरेको मात्र होइन, उनको कार्यशैलीमाथि प्रश्न उठाएर लामो समयदेखि पार्टीभित्र असन्तुष्टि बढेको थियो । पूर्वमुख्यमन्त्री लालबाबु राउतसहितको ठूलो पंक्ति मुख्यमन्त्री यादवको भूमिकामाथि प्रश्न उठाइरहेका थिए । त्यसो त, मुख्यमन्त्री यादव स्वयम् पनि पार्टी च्यानलभन्दा पनि आफूखुसी चलिरहेका थिए । त्यसले पनि पार्टीभित्र असन्तुष्टि बढाइरहेको थियो ।

त्यतिमात्र होइन, सांसद राजकिशोर यादव पनि असन्तुष्ट रहेका छन् । परिस्थितिजन्य अवस्थाका कारणले मात्रै जसपामा रहेका राजकिशोर यादवको सम्बन्ध २०६७ देखि नै उपेन्द्र यादवसँग बिग्रेको हो । उपेन्द्र यादवसँग नमिलेका राजकिशोर यादवले विभिन्न चरणमा पार्टी विभाजन गरेर सम्बन्ध बिगारेका थिए । तर,अहिले तिनै राजकिशोर यादवलाई उपेन्द्रले अन्तर्राष्ट्रिय सम्बन्ध तथा श्रम समितिको सभापति बनाएका छन् ।

स्रोतका अनुसार अशोक राईसहित केही नेताहरू एकीकृत समाजवादी (एस)का अध्यक्ष माधव नेपालसँग केही समयदेखि संवादमा थिए । उनीहरू पार्टी एकताको पक्षमा रहेका थिए । सिंगै जसपा एकताको पक्षमा नभए पनि राईहरूको समूह एकताको पक्षमा उभिएको थियो । स्रोतकाे दाबीमा राईले एकता प्रस्ताव गरेर माधव नेपालसँग लामो छलफल पनि गरेका थिए । उक्त छलफलमा जसपाका ६ जना सांसद आउने राईको भनाइ रहेको एस स्रोतको दाबी छ । तर, अहिले एक जना थपिएर सात जना सांसद पार्टी फुटाउने लाइनमा उभिएका छन् ।

प्रकाशित मिति: आइतबार, वैशाख २३, २०८१ १७:५७

शिलापत्र संवाददाता

प्रतिक्रिया दिनुहोस्

भर्खरै

चोरीमा संलग्न रहेको अभियोगमा छ जना पक्राउ

राप्ती नदीबाट घडियालका दुई सय ४७ अण्डा सङ्कलन

मादी नदीमा बालकको शव भेटियो

सहकारी प्रकरणको संसदीय समितिको टीओआर बनाउन कार्यदल गठन

‘कालोकालो कपालमा खैरो...’ मा प्रियंका र गम्भिरको रोमान्स

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

विचार

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित