राजसंस्था र हिन्दुराष्ट्र अभियानमा कांग्रेसको आर्थिक सहयोग छः कमल थापा

A+ A A-

राष्ट्रिय प्रजातन्त्र पार्टीका अध्यक्ष कमल थापाले नेपालमा २०६२/०६३ को आन्दोलन राजसंस्था र आन्दोलनकारी पार्टीबीच भएको सम्झौता मात्र भएको दावी गर्दै आन्दोलनरत पार्टीले सम्झौतापछि बेईमानीपूर्वक राजसंस्था र हिन्दूधर्मलाई किनारा लगाएको आरोप लगाएका छन् ।
।
राजसंस्था र हिन्दुराष्ट्रका लागि आन्दोलनमा जाने तयारी भइरहेको बताएका कमल थापाले आन्दोलनमा कांग्रेसा उच्चतहका केही नेताहरुको आर्थिक सहयोग समेत रहेको दावी गरे ।

१ चैतमा स्वाभिमान यात्राको काठमाण्डौमा समापन गर्ने कार्यक्रम रहेको जानकारी दिदै उनले त्यसपछि हुने आन्दोलन र अभियानमा कांग्रेसको आथिृक र नैतिक दुवै सहयोग हुने स्पष्ट पारे ।

उनले राष्ट्रिय स्वाधिनता, राष्ट्रिय अखण्डता र स्वतन्त्रता बहस र छलफल गर्ने विषयबस्तु नभएको बताएका छन् ।

मेचिकाली राष्ट्रिय स्वाभिमान यात्राका क्रममा नेपालगन्जमा आज बिहान पत्रकारसंग कुरा गर्दै उनले नेपालको राष्ट्रिय अखण्डता, सार्वभौमिकता र स्वतन्त्रता कुनैपनि प्रकारको चुनावबाट वा बहस छलफलबाट निर्णय हुने विषय होईनन भन्ने आफ्नो पार्टीको स्पष्ट धारणा रहेको समेत बताए ।

‘जनमत संग्रह वा आवधिक निर्वाचनबाट वा कुनै पनि प्रकृयाबाट राष्ट्रिय अखण्डता, सार्वभौमिकता र स्वतन्त्रतालाई आघात पुराउन, परिवर्तन गर्न वा संशोधन गर्न पाईदैन भन्ने किटानीका साथ उल्लेख भएकोले यो छलफल र बहस गर्ने विषय होईन,’ उनले भने ।

उनले सरकार र सिके राउतबीच भएको सम्झौतामा प्रयोग भएका भाषाले आम जनमानसमा दुविधा र आशंकामा परेको बताउदै सम्झौताको मसी सुक्न नपाउदै सिके राउत समुहले जनकपुरमा राज्य संयन्त्रको घेराभित्र राष्ट्र विखण्डनको नारा, प्लेकार्ड र प्रदर्शन भएको प्रति राप्रपाको घोर आपत्ति रहेको बताए ।

उनले सिके राउतसँग गरिएको सम्झौताको गतल अर्थ लगाउदै सिके समुहले स्वतन्त्र मधेशको लागि जनमत संगह गर्ने सहमति भएको भन्दै उनीहरु प्रर्दशनीमा आउनु राज्य मौन बस्नुले पनि आशंका उब्जिएको बताए ।

उनले भने, ‘सिके राउतसंग भएको समझौतामा सिकेराउत समुहले विखण्डनकारी नीति छाडेको, तथा त्यसबारे आफुले गल्ती स्वीकारेको कुनै पनि कुरा न सम्झौतामा उल्लेख छ, नत उनले त्यस बखत गरेको लामो भाषणमा नै उनले भनेका छन् ।’ उनले सरकारले सिकेराउतसंग गरेको सम्झौता त्रुटीपूर्ण रहेको टिप्पणी समेत गरे ।

उनले विखण्डनकारी नीति लिएको सिके समुहलाई मूल प्रवाहमा ल्याउने तर, राज्यका केही व्यवस्था प्रति असंतुष्टि जनाउदै आएको विप्लप समुहलाई भने दमनकारी नीतिले बढ्न खोज्नु सरकारको ठूलो त्रुटी र कमजोरी भएको औल्याए ।

राप्रपा अध्यक्ष थापाले आफुहरुले सनातन हिन्दूराज्य स्थापना गर्नको लागि सुरु गरेको यो आन्दोलन राप्रपाको मात्र नभएर सबैको साझा आन्दोलन भएको दाबी गर्दै भने,‘नेपालमा हिन्दू राष्ट्रको लहरलाई कसैले रोक्न सक्दैन । यो सबैको आन्दोलन हो ।’

प्रकाशित मिति: सोमबार, फागुन २७, २०७५ २१:१३