वीरगञ्ज महायज्ञ: अश्वमेध कि अश्वमेधिक ?

महायज्ञ स्थल ।

A+ A A-

नेपालमा पहिलो पटक हुन गइरहेको भनिएको गायत्री अश्वमेध महायज्ञको अन्तिम तयारी पूरा भएको आयोजकले जनाएको छ । गायत्री अश्वमेध हुने वीरगन्जको आदर्शनगर स्थित रंगशालामा हुने महायज्ञको अन्तिम तयारी पनि पुरा भएको आयोजक संस्थाले जनाएको छ ।

१९ फागुन बाट २२ गतेसम्म चल्ने अश्वमेध महायज्ञमा ४० देशबाट गायत्री परिवारका सदस्यहरु आउने आयोजकको भनाइ छ । चारदिनमा झण्डै ५ लाख मानिस आइपुग्ने भनिएको अश्वमेध महायज्ञमा आगन्तुकहरुलाई बस्ने खाने र आवत जावत गर्ने व्यवस्था मिलाइएको आयोजक समितिका संयोजक तथा वीरगन्ज महानगरपालिकाका नगर प्रमुख विजय कुमार सरावगीले बताए ।

यसको लागि स्थानीय सबै धर्मशाला, ठाकुरराम बहुमुखी क्याम्पसको छात्रावास तथा स्थानीय केही पार्टी प्यालेशहरु पनि बुक गरिएको उनको भनाइ छ । महायज्ञका सम्पन्न गर्नका लागि आवास उपसमिति, विशिष्ट पाहुना सत्कार उपसिमित, मिडिया संयोजन उपसमिति गठन गरी कार्य सम्पादन हुनुको साथै समग्र कामका लागि ५ हजार स्वयमसेवक समेत परिचालन गर्ने तयारी छ ।

आगन्तुकका लागि भनी १ सय ५० शौचालय निर्माण भएका छन् । मानिसको व्यवहारमा सुधार ल्याउन विभिन्न प्रकारका गोष्ठी र स्वास्थ्य शिविर समेतको संचालन गर्ने तयारी भएको उनको भनाइ छ ।

होमका लागि २ सय ५१ कुण्ड तयार

धार्मिकज्ञाताहरुका अनुसार अश्वमेध महायज्ञमा १००८ कुण्ड हुनुपर्ने भनिए पनि त्यसलाई घटाएर २५१ वटा कुण्डहरु बनाइएका छन् ।
जसमा ब्रम्ह कुण्ड, लक्ष्मी कुण्ड, शिव कुण्ड ग्रह कुण्ड योनी कुण्ड ग्रह कुण्ड लगायत ९ प्रकारका छन् ।

घोडा नछोडे पनि घोडाको आकार बनाएर अश्वमेध महायज्ञमा राखिने तयारी समेत भएको समितिका संयोजक सरावगीले तर्क गरे । यो महायज्ञमा जिवित घोडाभन्दा पनि विचारको घोडा छोडिने उनले दावी गरे ।
।
अश्वमेध होइन अश्मेधिक
वीरगन्जमा तीनदिन पछि हुने अश्वमेध महायज्ञ अश्वमेधिक मात्र भएको कार्यक्रमस्थलमा आइपुगेका केही गायत्री परिवारकै सदस्यले बताएका छन् । गायत्री परिवारले २४ वटा अश्वमेध महायज्ञ नै गरेको र पछिल्ला समयमा गर्दै आएको महायज्ञ भने अश्वमेधिक मात्र भएको उनीहरुको तर्क छ ।

कुण्डको निर्माण गराइरहेका प्रमुख व्यक्ति कान्ता प्रसादले बिरजंगमा हुने महायज्ञ अश्वमेधभन्दा पनि अश्वमेधिक मात्र भएको बताए ।

‘पुरै कुण्डको संख्या र विधि पु¥याउन कठिन हुन्छ भाषामा म यसलाई अश्वमेधिक नै भन्छु,’ उनले भने । कुण्ड निर्माणगर्दा त्यसको संख्या, डिलको साइज र कर्ताले समेत विधि नपु¥याए त्यो ठाउँ वा देशमा अशुभ हुने महायज्ञस्थलमा आइपुगेका भक्तहरुले बताए ।

दैलेखबाट वीरगन्जको महायज्ञमा आइपुगेका धर्म आचार्यले पनि कुण्डको संख्या र आकारप्रकार तथा विधिमा त्रुटी भए अरु यज्ञजस्तो यो महायज्ञ नहुने र यसले अशुभ संकेत देखाउने तर्क गरे ।

छटपटिदै आयोजक समितिका संयोजक

अश्वमेध महायज्ञका लागि ५० लाख सहयोग गर्छु भनेका नेपाल सरकारका पर्यटन मन्त्री रविन्द्र अधिकारीको मृत्यु पछि अब पैसा नपाइने हो कि भन्ने आयोजकलाई छटपटी सुरु भएको छ ।

आयोजना स्थलमा पत्रकार सम्मेलन पछि घटनाको बारे थाहा पाएर महायज्ञ आयोजक समितिका संयोजक सरावगीले अब सचिव मार्फत रकमका लागि पहल गर्ने कि भनी सहभागीहरुसँग सुझाव लिएका थिए ।

प्रकाशित मिति: बिहीबार, फागुन १६, २०७५ २३:१३