नेपाल लाइफको नयाँ योजना ‘नेपाल लाइफ अनमोल जीवन’ सार्वजनिक, यस्ता छन् विशेषता ?

नेपाल लाइफको नयाँ योजना ‘नेपाल लाइफ अनमोल जीवन’ सार्वजनिक, यस्ता छन् विशेषता ?

A+ A A-

नेपाल लाइफ इन्स्योरेन्स कम्पनीले ‘नेपाल लाइफ अनमोल जीवन’ नामको जीवन बीमा योजना मंगलबार सार्वजनिक गरेको छ ।

कम्पनीले मानिसको अनमोल जीवनमा विभिन्न जोखिमबाट आइपर्ने क्षतिलाई बीमाको माध्यमबाट न्यूनीकरण गर्न सावधिक र आजीवनको विशेषता भएको ‘नेपाल लाइफ अनमोल जीवन’ जीवन बीमा योजना बजारमा ल्याएको हो ।

बीमा अवधि समाप्तिपश्चात् पनि जोखिम वहन गर्नुका साथै कम्पनीले वहन गर्ने जोखिमअन्तर्गत बीमितले चाहेको समयमा उक्त जोखिम वहनबापतको समर्पण मूल्य भुक्तानी लिन सक्नु यो जीवन बीमा योजनाको अर्को विशेषता हो ।

१८ वर्षदेखि ६५ वर्षसम्म उमेर समूहका व्यक्तिले न्यूनतम ५ वर्षदेखि अधिकतम ५० वर्षसम्म अवधिको यो बीमा योजना लिन सक्नेछन् ।

बीमा समाप्तिमा अधिकतम उमेर ७० वर्ष रहेको छ भने न्यूनतम २५ हजार रुपैयाँदेखि आयस्रोतका आधारमा जति पनि बीमाङ्क रकमको बीमा गर्न सकिनेछ ।

बीमा शुल्क भुक्तानी तरिका छनोटको छुट वा थप शुल्क लाग्नेछ । यदि बीमालेख जारी गर्ने समयमा वार्षिक बीमा शुल्क भुक्तानी गर्ने तरिका छनोट गरेको छ भने बीमा शुल्कमा १ प्रतिशत छुट प्राप्त हुनेछ । त्यस्तै अर्धवार्षिक छनोट गर्दा छुट प्राप्त हुने छैन ।

त्यसैगरी, यदि बीमालेख जारी गर्ने समयमा त्रैमासिक बीमा शुल्क भुक्तानी गर्ने तरिका छनोट गरेको छ भने बीमा शुल्कमा ३ प्रतिशत थप लाग्नेछ र मासिक छनोट गर्दा ६ प्रतिशत थप लाग्नेछ ।

ऋण तथा समर्पण सुविधा

वार्षिक ३ किस्ता बीमा शुल्क भुक्तानी गर्नुका साथै बीमा प्रारम्भ मितिबाट ३ वर्ष पूरा भएपश्चात् समर्पण मूल्य प्राप्त गर्न सकिनेछ ।
समर्पण मूल्य प्राप्त भएको बीमालेखमा समर्पण मूल्यको ९० प्रतिशतसम्म कर्जा प्राप्त गर्न सकिनेछ ।
बीमालेखको बीमा अवधि समाप्तिपश्चात पनि जोखिम वहन गरिरहने तर बीमितले चाहेमा पूर्ण अवधि भुक्तानी भएको ५ वर्ष पूरा भैसकेपछि जुनसुकै समयमा समर्पण गर्न सकिनेछ । यसका साथै बीमितले इच्छाएअनुसार अग्रिम भुक्तानीको रूपमा उल्लेख भएअनुसारसमेत भुक्तानी लिन सकिनेछ । यसका लागि बीमितले बीमा सुरु गर्दाको समयमा नै कुन तरिकाको जीवन रक्षा लाभ लिने भनी उल्लेख गर्नुपर्ने हुन्छ ।
बीमालेखको बीमा अवधि समाप्ति पश्चातको समर्पण गणना गर्दा सुरुमा नै उल्लेख गरेको जीवन रक्षा लाभ लिने तरिकालाई आधार मानि समर्पण मूल्य गणना गरिनेछ तर यस्तो सर्मपण रकममा कर्जा प्राप्त हुने छैन ।
बीमा अवधि समाप्ति परिपक्वता पश्चातको समर्पण तथा जीवन रक्षा लाभ सुविधा लिनका लागि परिपक्वतासम्मको सम्पूर्ण किस्ता समयमा नै भुक्तानी गरेको हुनुपर्नेछ ।

ऐच्छिक सुविधाहरू

दुर्घटना मृत्यु लाभ सुविधा (एडीबी): १८ वर्षदेखिका बीमितले अतिरिक्त बीमाशुल्क तिरेर बीमाङ्क रकमबराबर अधिकतम १ करोडसम्मको दुर्घटना मृत्यु लाभ सुविधा लिन सक्नेछन् ।

बीमाशुल्क छुट तथा पूर्णअशक्तता लाभ सुविधा (पीटीडी/पीडब्लूबी): १८ वर्षदेखिका बीमितले अतिरिक्त बीमाशुल्क तिरेर बीमाङ्क रकमबराबर अधिकतम १ करोडसम्मको बीमाशुल्क छुट तथा पूर्णअशक्तता लाभ सुविधा लिन सक्नेछन् ।

घातक रोग सुविधा (Critical Illness Rider): १८ वर्षदेखि माथिका बीमितले अतिरिक्त बीमाशुल्क तिरेर बीमाङ्क रकमबराबर अधिकतम ५० लाखसम्मको घातक रोग सुविधा लिन सक्नेछन् ।

बीमाङ्क रकम भुक्तानी पाउने अवस्था

पूर्ण अवधि भुक्तानी (Maturity Benefit) : बीमालेख चालु रही बीमा अवधि समाप्ति मितिसम्म बीमित जीवित रहेमा बीमा अवधि समाप्तिको अन्त्यमा बीमाङ्क रकम र आर्जित बोनस बीमालेख अवधि समाप्तिमा एकमुस्ट भुक्तानी दिइनेछ ।

आंशिक अवधि भुक्तानी (Survival Benefit)

सबै किस्ता बीमाशुल्क भुक्तानी गरेको बीमालेखमा बीमा अवधि समाप्तिपश्चात् बीमित जीवित रहिरहेमा तल उल्लेख गरेअनुसारको प्रतिशतमा बीमितले छनोट गरेबमोजिमको बीमाङ्क रकम पुनः प्रदान गरिनेछ । जसका लागि बीमा सुरु गर्दाको समयमा नै बीमा अवधि समाप्ति पश्चात कुन तरिकाको बीमाङ्क लिने भनी उल्लेख गर्नुपर्ने हुन्छ ।

बीमितको उमेर ७५ वर्ष पुगेपछि बीमाङ्क रकमको ६० प्रतिशत भुक्तानी गरिने र बीमालेखको अन्त्य हुने ।
बीमितको उमेर ८० वर्ष पुगे पछि बीमाङ्क रकमको ८० प्रतिशत भुक्तानी गरिने र बीमालेखको अन्त्य हुने ।
बीमितको उमेर ८५ वर्ष पुगे पछि बीमाङ्क रकमको १०० प्रतिशत भुक्तानी गरिने र बीमालेखको अन्त्य हुने ।
यदि बीमाशुल्क भुक्तानी अवधि समाप्ति पश्चात बीमितले आफूले उल्लेख गरेको आशिंक अवधि भुक्तानी (Survival Benefit) उपभोग गर्नुअगावै बीमितको मृत्यु भएमा पुनः पूरा बीमाङ्क रकम प्रदान गरिनेछ ।

मृत्यु दाबी भुक्तानी (Death Benefit)

बीमालेख चालु रही बीमा अवधि समाप्तिभित्र जुनसुकै कारणबाट (बीमालेखअन्तर्गत नपर्ने जोखिमहरूबाहेक) बीमितको मृत्यु भएमा बीमाङ्क रकम+आर्जित बोनस एकमुस्ट भुक्तानी दिइनेछ ।
सबै किस्ता बीमाशुल्क भुक्तानी गरेको बीमालेखमा बीमा अवधि समाप्तिपश्चात्‌को सुविधा उपभोगका लागि छनोट गरेको उमेरभित्र जीवित लाभ (Survival Benefit) रकम लिनुभन्दा अगाडि जुनसुकै समयमा बीमितको मृत्यु भएमा पुनः बीमाङ्कबराबरको रकम प्रदान गरिनेछ ।
बीमा अवधि समाप्तिपश्चात् कुनै पनि घटना भएमा ऐच्छिक सुविधा (Rider Benefits) : ADB/PTD/PWB/CI बापतको रकमको दाबी भुक्तानी दिइने छैन ।
यदि दुर्घटना मृत्यु लाभ सुविधा ( एडीबी) लिएको अवस्थामा चालु बीमालेखअन्तर्गत बीमा अवधि समाप्तिभित्र बीमितको दुर्घटनाका कारणबाट मृत्यु भएमा बीमालेखमा उल्लेख भएको बीमाङ्क रकम+एडीबी सुविधाबापतको बीमाङ्क रकम+आर्जित बोनस रकम एकमुस्ट भुक्तानी दिइनेछ ।
यदि दुर्घटना मृत्यु लाभ तथा पूर्ण अशक्तता लाभ सुविधा (ADB/PTD/PWB) लिएको बीमालेख चालु रही बीमा अवधि भुक्तानीभित्र बीमितको दुर्घटनाका कारणबाट अङ्गभङ्ग भई पूर्ण अशक्त भएमा बाँकी बीमाशुल्क भुक्तानीमा छुट दिइनुका साथै पूर्ण अशक्तता सुविधाबराबर रकम मासिक १२० समान किस्तामा अपाङ्ग अशक्त बीमितलाई भुक्तानी गरिनेछ ।
सबै किस्ता बीमाशुल्क भुक्तानी नगरेको बीमालेख परिपक्व भएमा बीमा अवधि समाप्तिपश्चात्‌को थप सुविधा तथा सो अवधिमा कुनै घटना भएमा घटनाबापतको रकम प्रदान गरिने छैन ।

प्रकाशित मिति: मंगलबार, चैत १, २०७८ १९:११