जनवरीदेखि बार्सिलोनाको जर्सीमा देखिन सक्छन् मेस्सी, ऋणमै भए पनि भित्र्याउने बार्साको तयारी

जनवरीदेखि बार्सिलोनाको जर्सीमा देखिन सक्छन् मेस्सी, ऋणमै भए पनि भित्र्याउने बार्साको तयारी

A+ A A-

कुनै बेला यस्तो लाग्थ्यो, लियोनल मेस्सी अब बार्सिलोना फर्किने सम्भावना सधैंका लागि समाप्त भयो । तर पछिल्ला केही घण्टायता अर्कै हल्ला फैलिइरहेको छ- बार्सिलाेनाले ऋण काडेरै भए पनि ३६ वर्षे मेस्सीका लागि ढाेका खाेल्न सक्छ । बार्सिलाेनाका समर्थकले पनि मेस्सीलाई फेरि एकपल्ट नाउ क्याम्पमा देख्न चाहेका छन्, जहाँ मेस्सीले १७ वर्ष बिताएका थिए ।

मेस्सीकाे वर्तमान क्लब इन्टर मियामी हाे । मियामी इस्टर्न कन्फ्रेन्स प्लेअफका लागि छनौट भएन भने आउँदो जनवरीमा बार्सिलोनाले मेस्सीलाई ऋणमै भए पनि लिनेगरी सम्पर्क गर्न सक्ने विभिन्न स्राेतउद्धृत गर्दै इएसपीएनले जनाएकाे छ । र, मियामी नछानिने निश्चितजस्तै छ । इन्टर मियामी अहिलेको तालिकामा प्लेअफ लाइनभन्दा सात स्थान पछाडि छ । अब मात्र तीन म्याच खेल्न बाँकी छ । छलाङै मार्नका लागि पनि क्लबलाई थप एक गेमको अवाश्यकता पर्छ । त्यसैले फ्लोरिडाको टिमले उपाधिका लागि प्लेअफमा पुग्न चमत्कार गर्नुपर्ने हुन्छ । शिकागो फायरविरुद्ध हालैकाे हार (मेस्सीबिना, उनी घाइते छन्) ले यसलाई थप कठिन बनाइदिएको छ । एमएलएसको नियमित सिजन २१ अक्टुबर सकिँदै छ । त्यो बेलासम्म मियामी प्लेअफमा नगए मेसीको सिजन समाप्त हुने छ ।

एपेनिस आउटलेट एएसका अनुसार, विश्वकप विजेता मेस्सीलाई जनवरीमा इन्टर मियामीले नै उचित विदाइ गर्न सक्छ । इन्टर मियामीका मालिक जर्ज मासले प्लेअफ यात्रा असफल भएकाे अवस्थामा मेस्सीलाई स्पेन फर्किन अवराेध नगर्ने बताएका छन् ।

सन् २०२१ मा पेरिस सेन्ट जर्मेन गएदेखि नै मेस्सी क्याम्प नाउट फर्किन इच्छुक छन् । इन्टर मियामी जानुअघि मेसीले आफ्नो पूर्वक्लब बार्सिलोनासँग कुराकानी भइरहेको बताएका थिए । तर आर्थिक प्रतिबन्धहरूका कारणा याे सम्भव भएन ।

रिपोर्टअनुसार, अर्जेन्टिनाका कप्तानको मियामीमा अनुबन्ध सन् २०२५ सम्म हो । तर यसअघि नै उनले भनेका थिए, एमएएलएसमा आफ्नो बसाइलाई त्यो तारिखभन्दा उता बढाउन उनी इच्छुक छैनन् । मेस्सी हालै मात्र अमेरिका बस्न थालेपछि आफ्नो बालापनको क्लब नेभेल्स ओल्ड ब्वाइजमा आबद्ध हुने चर्चा पनि भइरहेको छ ।