सूर्यज्योति लाइफ इन्स्योरेन्सको दोस्रो सेल्स कन्भेन्सन सम्पन्न, २ सयभन्दा बढी सहभागी

सूर्यज्योति लाइफ इन्स्योरेन्सको दोस्रो सेल्स कन्भेन्सन सम्पन्न, २ सयभन्दा बढी सहभागी

A+ A A-

सूर्यज्योति लाइफ इन्स्योरेन्स कम्पनी लिमिटेडले 'दोस्रो सूर्यज्योति सेल्स कन्भेन्सन' सम्पन्न गरेकव छ । चितवनको सौराहामा सम्पन्न कार्यक्रममा देशभरका प्रदेश प्रमुख, क्षेत्रीय प्रमुख, शाखा प्रबन्धक र सेल्स एक्सिक्युटिभहरूसहित करिब २०० भन्दा बढीको सहभागिता थियो ।

कार्यक्रममा कम्पनीका सञ्चालक समिति अध्यक्ष केशवप्रसाद भटराई, सदस्यहरू नन्दकिशोर शर्मा, हेमन्त नहाटा, विवेक झा, प्रमुख कार्यकारी अधिकृत प्रकाशविक्रम खत्री, वरिष्ठ नायब प्रमुख कार्यकारी अधिकृत पवनकुमार खड्कालगायत उच्च पदाधिकारीहरूको उपस्थिति थियो ।

त्यसैगरी, कार्यक्रममा व्यवसाय, अभिकर्ता नियुक्ति र बिमालेखका आधारमा उत्कृष्टता हासिल गर्न सफल देशभरिबाट उत्कृष्ट १० जना ब्रान्च म्यानेजर र १० जना सेल्स एक्जिक्युटिभहरूलाई सम्मान गरिएको थियो । उक्त कार्यक्रममा प्रत्येक विधामा सर्वोत्कृष्ट ३ जनालाई अध्यक्षद्वारा ट्रफी तथा सम्मानपत्र हस्तान्तरण गरियो ।

दोस्रो सेल्स कन्भेन्सनबाट कम्पनीको हालको अवस्था, आगामी बजार विस्तार योजना र रणनीतिसम्बन्धी बृहत् ज्ञान प्राप्त गर्ने अवसरले कर्मचारीहरू थप उत्साहित रहेको सहभागीहरूले बताए ।

कम्पनीका प्रमुख कार्यकारी अधिकृत प्रकाशविक्रम खत्रीले सूर्या लाइफ र ज्योति लाइफको ऐतिहासिक सफल मर्जरपश्चात् कम्पनीले हरेक सूचकहरूमा उल्लेखनीय सफलता हासिल गर्दै आइरहेको, साथै समयसापेक्ष उत्कृष्ट योजना र नवीनतम प्रविधिको अवलम्बन गर्दै देशको जीवन बीमा क्षेत्रकै उत्कृष्ट सूर्यज्योति लाइफ बन्नेमा आफू ढुक्क रहेको बताए ।

Surya Jyoti Life (2)1695387792.jpeg

सञ्चालक विवेक झाले कम्पनीसँग बेस्ट प्रोडक्ट, देशभर फैलिएका शाखा सञ्जाल, उत्कृष्ट सेल्स टिम र दक्ष कर्मचारीहरूको साथ रहेको हुँदा आगामी दिनमा जीवन बीमा कम्पनीहरूमा सूर्यज्योति नै अब्बल हुनेमा आफूले विश्वस्त रहेको बताए ।

सञ्चालक नन्दकिशोर शर्माले कम्पनीको बृहत्तर हित र उन्नतिका लागि सञ्चालक समिति सदैव सकारात्मक रहेको बताए । कम्पनीका अध्यक्ष केशवप्रसाद भटराईले उपस्थित सम्पूर्ण सहभागीहरूलाई धन्यवाद दिनुका साथै व्यापार विस्तार गर्ने क्रममा कम्पनीले संस्थागत सुशासन तथा जोखिमहरूको सूक्ष्म पहिचान गरी व्यवस्थापन गर्नुपर्ने र बीमा प्राधिकरणबाट जारी भएका सम्पूर्ण नीति नियमहरू अनिवार्य पालना गर्नुपर्नेमा जोड दिए ।

प्रकाशित मिति: शुक्रबार, असोज ५, २०८० १८:५७