सिभिल बैंकले थालनी गर्‍यो ‘अप्पन जनकपुर, डिजिटल जनकपुर’ अभियान

A+ A A-

सिभिल बैंकले ‘अप्पन जनकपुर, डिजिटल जनकपुर’ गो–क्यासलेस अभियानको थालनी गरेको छ । बैंकले ‘समृद्धिका लागि सिभिल बैंक’ नाराका साथ उक्त अभियान सञ्चालन गरेको हो ।

प्रमुख अतिथि तथा जनकपुर उपमहानगरपालिकाकी उपमेयर किशोरी साहले टेम्पो व्यवसायी श्रीनारायण मण्डललाई क्यूआरकोड हस्तान्तरण गरी सो अभियानको थालनी गरेकी हुन् ।

कार्यक्रममा विशेष अतिथिको रूपमा नेपाल राष्ट्र बैंक जनकपुरकी निर्देशक निरा ताल्चा भडेल हुनुहुन्थ्यो भने अन्य अतिथिहरूमा जिल्ला ट्राफिक प्रहरी कार्यालय धनुषाका सहायक प्रहरी निरीक्षक प्रकाश पाण्डेय, फोन–पेका मधेस प्रदेश प्रमुख पशुपति मिश्रा, सिभिल बैंकका मधेस प्रदेश प्रमुख विश्वासराज अर्याललगायत बुद्धिजीवीहरू, टेम्पु व्यवसायीहरू र विभिन्न कलेजका विद्यार्थीहरूहरूको उपस्थिति थियो ।

कार्यक्रममा डिजिटल इको सिस्टमको अवधारणास्वरूप दैनिकजीवनमा गर्ने सानासाना खर्चहरू जस्तै: टेम्पो भाडा, मन्दिरमा भेटी, पानी पुरी, जुत्ता मर्मत, सरसामग्री आदि खरिद, शौचालयको शुल्क भुक्तानीलगायतका ठूला खर्चहरूको भुक्तानी जस्तै: सभाहलको भाडा तथा सबै प्रबन्धहरूको भुक्तानी क्यआर कोडबाट नै गरिएको थियो ।

नेपाल राष्ट्र बैंकको विद्युतीय माध्यममार्फत कारोबार गर्न प्रोत्साहन गर्ने नीतिबमोजिम डिजिटल इको सिस्टमको अवधारणालाई टेवा पुर्‍याउने हेतुले उक्त कार्यक्रममा क्यूआर कोडसम्बन्धी प्रस्तुति गरिएको थियो र त्यसका साथ साथै ट्राफिक जनचेतना बढाउन पनि प्रस्तुति दिइएएको थियो ।

कार्यक्रममा प्रमुख अतिथि जनकपुर उपमहानगरपालिकाकी उपमेयर किशोरी साहले सिभिल बैंकको ‘अप्पन जनकपुर, डिजिटल जनकपुर’ अभियानको सुरुवात गर्न पाउँदा आफू खुसी भएको र नगदरहित समाज आजको आवश्यकता भएकाले यो अभियानबाट नोट छाप्नका लागि विदेशिने ठूलो धनराशिलाई पनि विदेशिनबाट बचाउन सकिने बताइन् ।

सिभिल बैंकका चिफ बिजनेस भोलाबहादुर विष्टले यस अभियानलाई साकार गर्ने हो भने डिजिटल इको सिस्टमकै विकास गर्नुपर्नेमा जोड दिए ।

Civil Bank (1)1671355860.jpg

विष्टले भने, 'जसरी यस कार्यक्रमको एउटा अंशमा दैनिक जीवनयापन गर्दा उपभोग गर्दै आएको पानी पुरीदेखि जुत्ता मर्मतसम्म, टेम्पो सवारीदेखि मन्दिरको भेटी सम्म तथा शौचालयको शुल्कसमेतका कारोबारहरू डिजिटल रूपमा क्यूआर कोडमार्फत भुक्तानी गर्‍यौँ, त्यसरी नै डिजिटल इको सिस्टमको विकास गर्न सकिएमा समग्र जनकपुर डिजिटल जनकपुरमा परिणत हुने कुरामा दुई मत छैन ।'

हाल यस बैंकले आफ्ना देशभर गरी ४१ हजारभन्दा बढी क्यूआर मर्चेन्टहरूलाई आबद्ध गरिसकेको जनाएको छ ।

प्रकाशित मिति: आइतबार, पुस ३, २०७९ १५:१६