नेपाल एडुफेयरमा विद्यार्थीको आकर्षण, स्कलरसिप परीक्षा सुरु

A+ A A-

१० हजार भिजिटर

शिलापत्रडटकमले आयोजना गरेको नेपाल एडुफेयरमा विद्यार्थीको आकर्षण बढेको छ । २० साउनदेखि सुरु भएको साे फेयरमा अहिलेसम्म १० हजार विद्यार्थीले भिजिट गरेका छन् । एसईई परीक्षा दिएर ११ को भर्नाको तयारीमा रहेका विद्यार्थीलाई लक्षित गरेर परामर्श दिन फेयरको आयोजना गरिएको हो ।

‘अहिलेसम्म १० हजारले भिजिट गरेका छन्,' फेयरका संयोजक सुरेश सिम्खडाले भने, ‘नेपाल एडुफेयरबाट विद्यार्थीले परामर्श लिइरहेका छन् । कुन कलेज पढ्ने ? कुन विषय पढ्ने ? करियर बनाउन के गर्ने ? लगायतका परामर्श विद्यार्थीले घरमै बसेर पाएका छन् ।’

स्कलरसिपका लागि ५ हजारको आवेदन

शिलापत्र उज्ज्वल स्कलरसिपका लागि अहिलेसम्म ५ हजार विद्यार्थीले फारम भरेका छन् । नेपालएडुफेयरडटकम भिजिट गरेर ५ हजार विद्यार्थीले स्कलरसिपका लागि फारम भरेका हुन् ।

‘अहिलेसम्म ५ हजार विद्यार्थीले फारम भरेका छन्,’ संयोजक सिम्खडाले भने, ‘स्कलरसिपका लागि फारम भर्ने क्रम जारी छ । आर्थिक अवस्था कमजोर भएका जेहनदार ३५ जना विद्यार्थीका लागि १ करोडको स्कलरसिप दिन्छौँ । विद्यार्थीले कलेजमा रजिस्ट्रेसन शुल्कबाहेक अरु तिर्नु पर्दैन । स्कलरसिपका लागि परीक्षामा जसले धेरै अंक ल्याउँछ, उसले पाउँछ ।’

परीक्षा सुरु

स्कलरसिपका लागि फारम भरेका विद्यार्थीको परीक्षा पनि सुरु भएको छ । बिहीबारदेखि काठमाडौंका विभिन्न कलेजबाट अनलाइनको माध्यमबाट स्कलरसिपको फारम भरेका विद्यार्थीको परीक्षा लिन सुरु गरिएको हो । परीक्षाको नतिजा भदौको पहिलो साता सार्वजनिक गरिने आयोजकले जनाएका छन् ।

विद्यार्थी उत्साहित

परीक्षामा सहभागी विद्यार्थी उत्साहित भएका छन् । कोरोना भाइरसका कारण विद्यार्थी परामर्शका लागि कलेजमा जाने अवस्था छैन । घरबाट नै सबै बुझ्न पाएकाले विद्यार्थी उत्साहित भएका हुन् ।

‘नेपाल एडुफेयर फेसबुकबाट थाहा पाएर फारम भरेको हुँ,’ अनलाइन परीक्षामा सहभागी सर्लाहीका अरुण बुढाथोकीले भने, ‘अहिले काठमाडौं आउने स्थिति छैन । त्यसैले अनलाइनबाट नै परामर्श र परीक्षा दिएको हुँ ।’

सर्लाहीकै जानकी सिंहले पनि स्कलसिपका लागि परीक्षा दिएकी छन् । ‘परीक्षा राम्रो भएको छ । नतिजा पनि राम्रै आउँछ । आर्थिक अवस्था कमजोर भएका तर पढ्न चाहेका विद्यार्थीका लागि यो राम्रो अवसर हो,’ उनले भनिन् ।

सिन्धुलीका वीरविक्रम श्रेष्ठ पनि खुसी छन् । ‘अनलाइन परीक्षा राम्रो भयो । सेलेक्ट भएको भनेर म्यासेज पनि आयो । धेरै जनासँग प्रतिस्पर्धा गर्नु छ । स्कलरसिप पाएँ भने पढ्न आउने हो,’ उनले भने ।

कलेजबाट परीक्षा र अन्तर्वार्ता

स्कलरसिपका लागि फारम भरेका विद्यार्थीलाई विभिन्न कलेजले अनलाइनबाट परीक्षा र अन्तर्वार्ता लिएका छन् ।

‘विद्यार्थी उत्साहित छन् । हिजो परीक्षा दिएँ । आज अन्तर्वार्ता भयो । विद्यार्थीसँगै अभिभावकसँग पनि कुरा गरेका छौँ,’ टेक्सास इन्टरनेसनल एजुकेसन नेटवर्कका बिजनेस डेभलपमेन्टका निर्देशक नारायण पोखरेलले भने, ‘विद्यार्थीको अतिरिक्त गतिविधिको सर्टिफिकेट भयोे भने स्कलरसिपका लागि थप सहयोग हुन्छ ।’

काठमाडौं मोडेल कलेज बालकुमारीका प्रिन्सिपल सुरेन्द्र सुवेदीले उपत्यकाभन्दा बाहिरबाट धेरै विद्यार्थी सहभागी भएको बताए । ‘विद्यार्थीहरू उपत्यकाभन्दा बाहिरका छन् । स्कलरसिप पाइने भएकाले उत्साहित भएका हुन् । तर अहिले सवारी चलेको छैन । कतै स्कलरसिप गुम्ने त होइन भन्नेमा उनीहरू चिन्तित छन् । विद्यार्थीहरू राम्रो कलेज र पढाइको खोजीमा छन्,’ उनले भने ।

साउथ वेस्टर्न स्टेट कलेजका कार्यक्रम संयोजक राजेन्द्र लामिछानेले विद्यार्थीहरू कलेजमा पढ्न आउन आतुर रहेको बताए । ‘स्कलरसिपको परीक्षामा सहभागी विद्यार्थी पोजिटिभ छन् । भर्ना गर्न आतुर छन् । अब कसरी पढ्ने ? अनलाइनबाट भर्ना हुन्छ हुँदैन भनेर उत्साहित थिए,’ उनले भने ।

नेपाल एडुफेयर ३२ साउनसम्म चल्नेछ ।

यहाँ क्लिक गर्नुहोस् : nepaledufair

११ मा पढ्ने विद्यार्थीले घरबाटै परामर्श लिन र भर्ना गर्न सक्ने

भर्चुअल शैक्षिक परामर्श मेलाको स्टल बुकिङ खुला

एसईई उत्तीर्ण विद्यार्थीका लागि १ करोडको ‘शिलापत्र उज्ज्वल स्कलरसिप’

११ मा कुन कलेज पढ्ने ? अब घरबाटै भिजिट

११ मा के पढ्ने ? विषय छनोट कसरी गर्ने ?

कक्षा ११ मा जीपीएका आधारमा विषय छनोट गर्नुपर्ने

कुन विषयका लागि कुन पुस्तकालय जाने ?

११ पढ्न काठमाडौं आउँदै हुनुहुन्छ ? थोरै खर्चमा कहाँ बस्ने ?

प्लस टु र संकायको नाममा विज्ञापन गर्दै विद्यालय

एसईईमा कति जीपीए ल्याएकाले के पढ्ने ?