लकडाउन लम्बिए नयाँ शैक्षिक सत्र के हुन्छ ?

A+ A A-

नयाँ शैक्षिक सत्र सुरु हुन केही दिन मात्र बाँकी छ । तर, कोरोना भाइरस (कोभिड- १९)का कारण नयाँ शैक्षिक सत्र सुरु गर्ने कि नगर्ने भन्ने अन्योल छ ।

विश्वरभर कोरोना भाइरस फैलिएपछि नेपालमा पनि लकडाउन गरिएको छ । लकडाउनका कारण शैक्षिक संस्था बन्द छन् । कक्षा १ देखि ९ सम्मको परीक्षा सकिएको छ । शिक्षकहरूले घरबाटै विद्यार्थीको उत्तरपुस्तिका परीक्षण गरिरहेका छन् ।

कोरोना जोखिम : ७४ लाख बालबालिकालाई कसरी जोगाउने ?

कक्षा १० को अर्थात् एसईई परीक्षा अन्तिम समयमा स्थगित गरिएको छ । स्थगित परीक्षा कहिले हुने भन्ने पनि अन्योल छ । यस्तो अवस्थामा विद्यार्थी र अभिभावक के गर्ने भन्ने चिन्तामा छन् ।

झण्डै ७० लाख बालबालिका विद्यालय तहमा छन् । अहिले ती बालबालिका लकडाउनका कारण घरमै छन् । प्रत्येक नयाँ शैक्षिक सत्रमा २-१५ वैशाखसम्म भर्ना अभियान र त्यसपछि कक्षा सञ्चालन हुने गरेको छ ।

घरबाटै बालबालिकालाई यसरी पढाउन सकिन्छ, यस्ता छन् पाठ्यसामग्री

यस वर्षको शैक्षिक सत्र के हुन्छ ? नयाँ भर्ना अभियान चलाउने कि नचलाउने ? लकडाउन लम्बिए कसरी कक्षा सञ्चालन गर्ने ? सरकारले के तयारी गरिरहेको छ ?

यिनै विषयमा हामीले शिक्षा तथा मानव स्रोत विकास केन्द्रका महानिर्देशक डा. तुलसीप्रसाद थपलियासँग कुराकानी गरेका छौँ ।

लकडाउनले ठूलो क्षति भएको छैन

वार्षिक परीक्षा सकेर चैत महिना बन्द हुने समय नै हो । त्यसैले शिक्षा क्षेत्रमा अहिलेसम्म ठूलो क्षति भएको छैन । यस वर्ष एउटा पनि कक्षा लस भएको छैन ।

चैत महिना रिजल्ट निकाल्ने समय हो । २ देखि १५ वैशाख भर्ना अभियान चल्ने हो । अहिले नै आत्तिनुपर्ने अवस्था छैन तर यसो भनेर चुप बस्न पनि मिल्दैन । कोरोनाका कारण अन्य देशमा लामो समय बन्द भएको छट ।

यदि नेपालमा पनि लामो समय बन्द गर्ने स्थिति आयो भने के गर्ने ? कति समय बन्द हुन्छ भन्ने यकिन छैन । त्यसैले शिक्षा मन्त्रालयले के गर्ने भन्ने विषयमा छलफल गरिरहेको छ । विभिन्न विकल्पहरू पनि छन् ।

मिडियाबाट पढाउने तयारी

२ वैशाखसम्म बन्द खुल्यो भने समस्या भएन । त्यसपछि पनि बन्द खुलेन भने मिडियाको माध्यमबाट पढाउने विषयमा छलफल चलिरहेको छ । ५-६ वटा टेलिभिजनबाट पनि पढाउन सकिन्छ ।

९ सय ५० भन्दा बढी भिडियो पाठ पनि तयार गरेका छौँ । त्यो भिडियो पाठबाट पनि पढाउन सकिने व्यवस्था छ । अहिले नेपाल टेलिभिजनको एनटीभी प्लसबाट हरेक दिन ११ बजेदेखि ३ बजेसम्म ६ वटा लेसन प्रसारण हुने गरेको छ । त्यो कक्षा ९ र १० का लागि हो ।

घरमै बसेर विद्यार्थीले हेर्न, सुन्न सक्छन् । ती सामग्री युट्युबमा पनि राखिएको छ । रेडियोबाट पनि अडियो बनाएर प्रसारण गर्न सकिन्छ । गाउँको दूरदराजका विद्यार्थीका लागि लोकल मिडिया के हुन सक्छ ? त्यो विकल्प पनि खोजिरहेका छौँ ।

कक्षा ६, ७ र ८ का विद्यार्थीका लागि अंग्रेजी, गणित र विज्ञानका सामग्री अनलाइनमा राखिएको छ । पाठ्यक्रम विकास केन्द्रको अनलाइनमा ती सामग्री राखिएको छ ।

विद्यार्थीको सिकाइ अवरुद्ध हुन दिँदैनौँ

केही पाठ्यसामग्री बनाउने चरणमा थियौँ । लकडाउनले रोकिएको छ । छिट्टै ती सामग्री पनि तयार पार्छौं । कसरी हुन्छ विद्यार्थीलाई शिक्षा दिने भन्ने विषयमा मन्त्रालय लागेको छ । सबै विकल्पका विषयमा छलफल चलिरहेको छ । अवधारणा बनेको छ ।

यदि बन्द लम्बियो भने विद्यार्थीको सिकाइ कार्यक्रम अवरुद्ध हुँदैन । यो विषयमा शिक्षामन्त्री गिरिराजमणि पोखरेलसँग पनि छलफल भइरहेको छ । विद्यार्थीको सिकाइ अवरुद्ध हुन दिँदैनौँ । अभिभावक र विद्यार्थी अहिले नै आत्तिनुपर्दैन ।

याे पनि...

अनलाइनबाटै पढाउँदै छन् केयूका प्राध्यापक

अस्पतालले थाल्याे फोनबाटै काेराेनाकाे उपचार

किन आवश्यक छ अनलाइन कक्षा ?

कोरोना कहर :३ दिन हिँडेर घर पुगेपछि ...

घरबाटै बालबालिकालाई यसरी पढाउन सकिन्छ, यस्ता छन् पाठ्यसामग्री

सरकार ! कोरोनाको अनुसन्धान गर्नुपर्ने विश्वविद्यालयहरू बन्द गर्न मिल्छ ?

मध्यम वर्गीय परिवारलाई राहत प्याकेज खोई ?

राहत दिए शुल्क मिनाहा गछौं : निजी विद्यालय

अनलाइनबाटै पढाउँदै छन् केयूका प्राध्यापक

डाक्टर-नर्सका व्यथा : परिवारको दबाब र जिम्मेवारीक‍ो तनाव

टेकुका चिकित्सक जसले परिवार बिर्सेर कोरोना आशंकित मात्रै हेरिरहे