आज मेघ गर्जन, चट्याङ र हावाहुरीसहित वर्षाको सम्भावना

A+ A A-

शुक्रबार देशका केही ठाउँमा चट्याङ र हावाहुरीसहित पानी पर्ने मौसम पूर्वानुमान महाशाखाले जनाएको छ ।

महाशाखाका मौसमविद् राजु प्रधानाङ्गका अनुसार पश्चिमी निम्न चापीय प्रणालीको असरले शुक्रबार देशका केही ठाउँमा चट्याङ्ग र हावाहुरी सहित पानी पर्ने तथा हिमाली क्षेत्रको केही ठाउँमा हिमपातको पनि सम्भावना रहेको छ ।

मध्य र पूर्वको तुलनामा पश्चिम क्षेत्रमा धेरै पानी पर्ने मौसमविद् प्रधानाङ्गले बताए । उनका अनुसार पश्चिमी निम्न चापीय प्रणाली मध्य हुँदै पूर्वमा सर्ने भएकाले दिउँसोपछि काठमाडौंसहित मध्य क्षेत्रको मौसम पनि बदली भएर चट्याङ र हावाहुरीसहित पानी पर्नेछ ।

शुक्रबार बेलुकीसम्ममा पूर्वका केही ठाउँमा पनि पानी पर्ने सम्भावना रहेको महाशाखाले जनाएको छ । महाशाखाका अनुसार यो प्रणाली पूर्व हुँदै नेपालबाट बाहिरिने भएकाले शनिबारदेखि भने मौसममा सुधार हुँदै जानेछ ।

आगामी तीन दिनको मौसम पूर्वानुमान

चैत्र १४ गते (शुक्रबार)

दिउँसोः देशको पश्चिमी भू–भागमा सामान्य देखि पूर्ण बदली तथा बाँकी भू–भागमा आंशिक देखि सामान्य बदलि रहनेछ। पश्चिमी भू-भागका केहि स्थानहरुमा र मध्य तथा पुर्वी पहाडी भू-भागका एक वा दुई स्थानहरुमा मेघ गर्जन–चट्याङ्ग तथा हावाहुरी सहित वर्षाको सम्भावना रहेको छ। हिमाली भू-भागका केहि स्थानहरुमा हल्कादेखि मध्यम हिमपातको सम्भावना रहेको छ ।

रातिः देशको पश्चिमी र मध्य भू-भागमा सामान्य देखि पूर्ण बदली रही बाँकी भू-भागमा आंशिक देखि सामान्य बदलि रहनेछ। देशका केहि स्थानहरुमा मेघ गर्जन–चट्याङ्ग तथा हावाहुरी सहित वर्षाको सम्भावना रहेको छ। हिमाली भू-भागका केहि स्थानहरुमा हल्का देखि मध्यम हिमपातको सम्भावना रहेको छ ।

चैत्र १५ गते (शनिबार)

दिउँसोः देशको पहाडी भू-भागमा आँशिक बदली रही बाँकी भू-भागमा मौसम सामान्यतया सफा हुने देखिन्छ। पहाडी भू-भागका एक वा दुई स्थानहरुमा अपरान्हतिर मेघ गर्जनरचट्याङ्ग सहित वर्षाको सम्भावना रहेको छ ।

रातिः देशको पहाडी भू-भागमा आँशिक बदली रही बाँकी भू-भागमा मौसम सामान्यतया सफा हुने देखिन्छ।

चैत्र १६ गते (आइतबार)

दिउँसोः देशभर मौसम सामान्यतया सफा हुने देखिन्छ।

प्रकाशित मिति: शुक्रबार, चैत १४, २०७६ ०७:२१