नेपालमा मोटरसाइकलः १ लाख ८० हजारभन्दा सस्तोदेखि साढे ३१ लाखसम्मका

A+ A A-

शहरी र अर्धशहरी क्षेत्रका मध्यम र न्यूनमध्यम वर्गका कामकाजी नेपालीको सबैभन्दा लोकप्रिय सवारी साधान मोटरसाइकल हो । पछिल्लो समय सडक विस्तारले तिब्रता पाएसँगै मोटरसाइकलको माग पनि अत्याधिक बढेको छ ।

काठमाडौं उपत्यकाको ट्राफिक जाम होस वा ग्रामीण धुलाम्मे सडकमा होस्, मोटरसाइकल उत्तिकै उपयोगी सावित भएको छ । बैंक तथा वित्तीय संस्थाले मोटरसाइकल खरिदमा सहज ऋण दिन थालेपछि यसको माग अझै बढेको गएको विक्रेताहरु बताउँछन् ।

अहिले नेपालमा पनि मोटरसाइकल उत्पादन हुन्छ । हंसराज हुलासचन्द एण्ड कम्पनीले नेपालमा प्लाटिना, डिस्कभर र पल्सर बाइक नेपालमै उत्पादन गर्छ । यसबाहेक भारत, चीन, बंगलादेश र थाइल्याण्ड जस्ता देशमा उत्पादन भएका मोटरसाइकल नेपाली बजारमा उपलब्ध छन् ।

नेपालमा पाइने कुन बाइकको मूल्य कति पर्छ र कति इन्जिन क्षमताको छ भन्ने बारेमा हामीले केही जानकारी दिदैछौं ।

बजाजका बाइकः मूल्य १ लाख ६५ हजारदेखि ३ लाख ४० हजारसम्म

बजाज कम्पनीका मोटरसाइकलको नेपाली आधिकारिक वितरक हंसराज हुलासचन्द एण्ड कम्पनी हो । यो कम्पनीले बजाजका केही ब्राण्ड नेपालमा एसेम्बलिङ गर्ने गरेको छ ।

बजाज ब्राण्डका मोटरसाइकलको सबैभन्दा सस्तो मोडलको १ लाख ६४ हजार ९ सय रुपैयाँ छ भने सबैभन्दा महंगो बाइकको मूल्य ३ लाख ३९ हजार रुपैयाँ छ ।

यामाहाका बाइकः मूल्य १ लाख ८८ हजारदेखि ९ लाख २५ हजारसम्म

यामाहा कम्पनीका मोटसाइकलको नेपाली आधिकारिक वितकर एमएडब्लु इन्टरप्राइजेज हो । नेपालमा पाइने यसका अधिकांश उत्पादन भारतमा बनेका हुन् भने एउटा मोडल चीनमा बनेको पनि नेपालमा उपलब्ध छ ।

यामाहाका स्कूटरको मूल्य १ लाख ८६ हजार रुपैयाँदेखि २ लाख २ हजार ९ सय रुपैयाँसम्म पर्छ । यस्तै मोटरसाइकलको मूल्य १ लाख ८७ हजार ९ सय रुपैयाँदेखि महंगोमा ९ लाख २४ हजार ९ सय रुपैयाँसम्म पर्छ ।

सुजुकीका बाइकः मूल्य १ लाख ८० हजारदेखि ३ लाख ३० हजारसम्म

सुजुकी ब्राण्डका मोटरसाइकलको नेपाली आधिकारिक वितरक भिजी अटोमोवाइल्स हो । यो कम्पनीका ५ मोडलका मोटरसाइकल र ३ मोडलका स्कूटर नेपाली बजारमा उपलब्ध छन् ।

सुजुकीको मोटरसाइकलमा सबैभन्दा सस्तोको मूल्य १ लाख ७९ हजार ९ सय रुपैयाँ छ भने सबैभन्दा महंगो मोटरसाइकलको मूल्य ३ लाख २९ हजार ९ सय रुपैयाँ छ ।

हिरोका बाइक मूल्य १ लाख ६६ हजारदेखि ३ लाख २३ हजारसम्म

हिरो ब्राण्डका मोटरसाइकलको नेपाली आधिकारिक वितरक नेपाल जनरल मार्केटिङ हो । हिरोको मोटरसाइकल र स्कूटर दुबै नेपाली बजारमा उपलब्ध छन् ।

नेपालमा हिरोको ४ मोडलका स्कूटर र १२ मोडलका मोटरसाइकल उपलब्ध छन् । स्कूटरको मूल्य १ लाख ७६ हजार ५ सय रुपैयाँदेखि २ लाख ६ हजार रुपैयाँसम्म पर्छ ।

यस्तै हिरोकै मोटरसाइकलको मूल्य १ लाख ६६ हजार ५ सय रुपैयाँदेखि ३ लाख २३ हजार रुपैयाँसम्म पर्छ ।

टिभीएस बाइकः मूल्य १ लाख ८० हजारदेखि ७ लाख ८० हजारसम्म

टिभिएर मोटरसाइकलको नेपाली आधिकारिक वितरक जगदम्बा मोटर्स हो । नेपालमा टिभीएस कम्पनीका ९ मोडलका मोटरसाइकल र ८ मोडलका स्कूटर पाइन्छन् ।

टिभीएसका स्कूटरको मूल्य सस्तोमा १ लाख २८ हजार ९ सय रुपैयाँदेखि महंगोमा ५ लाख ३४ हजार ९ सय रुपैयाँसम्म छ ।

यस्तै टिभीएसका मोटरसाइकलहरुमा सस्तोमा १ लाख ७९ हजार ९ सय रुपैयाँदेखि महंगोमा ७ लाख ७९ हजार ९ सय रुपैयाँसम्म छ ।

होण्डाको बाइकः मूल्य २ लाख ११ हजारदेखि ३१ लाख ५० हजारसम्म

होण्डा कम्पनीको मोटरसाइकलको नेपाली आधिकारिक वितरक स्याकार ट्रेडिङ कम्पनी हो । यो कम्पनीका ९ मोडलका स्कूटर र १७ मोडलका मोटरसाइकल नेपाली बजारमा उपलब्ध छन् ।