अटो शोमा सहभागी १२ बैंकः गाडी किन्न कसले कति ब्याजमा दिन्छन् ऋण ?

A+ A A-

१० भदौदेखि काठमाडौंमा भृकुटीमण्डपमा सवारी साधनहरुको कुम्भ मेला नाडा अटो शो आयोजना हुदैछ । सो अटो शोमा विभिन्न ब्राण्डका गाडी विक्रेताले विभिन्न स्कीम ल्याउने बताइरहेका छन् ।

तर, गाडी किन्नको लागि चाहिने पैसा तपाइसँग नहुन सक्छ । तपाइसँग जति रकमको गाडी किन्ने हो त्यसको आधा रकम तपाइले बुझाएपछि आधा रकम बैंकले ऋण दिन सक्छ । गाडीको मूल्यको ५० प्रतिशत रकम बैंक तथा वित्तीय संस्थाले ऋण दिन पाउने नीतिगत व्यवस्था नेपाल राष्ट्र बैंकले गरेको छ ।

नाडा अटो शोमा गाडी किन्ने सोच बनाउनु भएको छ भने गाडी खरिदमा कति प्रतिशत व्याज तिर्नुपर्ला भन्ने जिज्ञासा हुन सक्छ । बैंकहरुको व्याजदर केही फरक भएकोले कुन बैंकबाट ऋण लिदा सस्तो पर्छ भन्ने अर्काे प्रश्न पनि आउछ ।

यसपालीको नाडा अटो शोमा एउटा विकास बैंक र ११ वटा बाणिज्य बैंकगरी १२ बैंक सहभागी हुदैछन् । नाडा अटो शोका लागि बैंकहरुले अर्काे कुनै योजना ल्याए भने बेग्लै कुरा हो । तर, अहिले बैंकहरुले प्रकाशित गरेको व्याज दर अनुसार नाडामा सहभागी कुन बैंकबाट ऋण लिएर गाडी किन्दा कति व्याज तिर्नुपर्छ भन्ने सामान्य जानकारी दिने प्रयास गरिएको छ ।

सिभिल बैंक

सिभिल बैंकको गत असार मसान्तसम्मको आधार दर ११.११ प्रतिशत छ । सिभिलले आधार दरमा ५ प्रतिशतसम्म प्रिमियम जोडेर गाडी कर्जा दिने उसको वेबसाइटमा उल्लेख छ । यसो हुँदा सिभिलबाट ऋण लिएर गाडी किन्नेले बार्षिक १६.११ प्रतिशतसम्म ब्याज तिर्नुपर्ने हुन्छ ।

माछापुच्छ्रे बैंक

माछापुच्छ्रे बैंक पनि नाडामा सहभागी हुने बैंक हो । यसको गत असारको आधार दर १०.३७ प्रतिशत छ । गाडी किन्नको लागि माछापुच्छ्रेले आधार दरमा ६ प्रतिशतसम्म प्रिमियम जोड्ने भनेको छ । यसो हुँदा माछापुच्छ्रे बैंकबाट ऋण लिएर गाडी किन्दा बार्षिक १६.३७ प्रतिशतसम्म ब्याज तिर्नुपर्छ ।

स्ट्याण्डर्ड चार्टर्ड बैंक

यसपालीको नाडा अटो शोमा स्ट्याण्डर्ड चार्टर्ड बैंक पनि सहभागी हुदैछ । उसको आधार दर ७.६३ प्रतिशत छ । चार्टर्डले आधार दरमा ३ देखि ५ प्रतिशत प्रिमियम जोडेर गाडी कर्जा दिने वेबसाइटमा उल्लेख गरेको छ । यसो हुँदा चार्टर्डबाट ऋण लिएर गाडी किन्दा बार्षिक १०.६३ देखि १२.६३ प्रतिशतसम्म ब्याज तिर्नुपर्ने हुन्छ ।

सानिमा बैंक

नाडा अटो शोमा सहभागी हुने अर्काे बैंक सानिमा हो । सानिमाको आधार दर ९.३४ प्रतिशत छ । उसले गाडी खरिदको लागि आधार दरमा ६ प्रतिशतसम्म प्रिमियम जोडेर व्याज लिने भनेको छ । यसो हुँदा सानिमाबाट ऋण लिएर गाडी किन्नेहरुले बार्षिक १५.३४ प्रतिशतसम्म व्याज तिर्नुपर्ने हुन्छ ।

साग्रिला डेभलपमेन्ट बैंक

यसपालीको नाडा अटो शोमा सहभागी हुने एक मात्र विकास बैंक साग्रिला हो । उसको आधार दर ११.६ प्रतिशत छ । साग्रिलाले गाडी खरिद कर्जाको लागि आधार दरमा ५ प्रतिशतसम्म प्रिमियम जोडेर ब्याज लिने भनेको छ । यसो हुँदा साग्रिलाबाट ऋण लिएर गाडी किन्दा बार्षिक १६.६ प्रतिशतसम्म व्याज तिर्नुपर्ने हुन्छ ।

लक्ष्मी बैंक

नाडा अटो शोमा सहभागी अर्काे बैंक लक्ष्मीको आधार दर १०.३१ प्रतिशत छ । उसले गाडी खरिद कर्जाको लागि आधार दरमा २ देखि ६ प्रतिशत प्रिमियम लिने वेबसाइटमा उल्लेख गरेको छ । यसो हुँदा लक्ष्मी बैंकबाट ऋण लिएर गाडी खरिद गर्दा बार्षिक १२.३१ देखि १६.३१ प्रतिशतसम्म व्याज तिर्नुपर्छ ।

नबिल बैंक

यसपालीको नाडा अटो शोमा सहभागी हुने अर्काे बैंक नबिल पनि हो । उसको आधार दर ८.०९ प्रतिशत । नबिलले गाडी खरिद कर्जाको लागि आधार दरमा ३.२५ देखि ५ प्रतिशत प्रिमियम जोडेर ब्याज लिने भनेको छ । यसो हुँदा नबिलबाट ऋण लिएर गाडी किन्दा बार्षिक ११.३४ देखि १३.०९ प्रतिशतसम्म व्याज तिर्नुपर्छ ।

एनआइसी एसिया बैंक

एनआइसी एसिया बैंक पनि यसपालीको नाडा अटो शोमा सहभागी हुदैछ । उसको आधार दर ९.४८ प्रतिशत छ । गाडी खरिद कर्जामा एनआइसी एसियाले आधार दरमा ७ प्रतिशतसम्म प्रिमियम जोडेर ब्याज लिन्छु भनेको छ । यसो हुँदा एनआइसी एसिया बैंकबाट ऋण लिएर गाडी किन्दा बार्षिक १६.४८ प्रतिशतसम्म व्याज तिर्नुपर्छ ।

जनता बैंक

यसपालीको नाडा अटो शोमा सहभागी हुने अर्काे बैंक जनता हो । उसको आधार दर ९.९५ प्रतिशत छ । गाडी खरिद गर्नको लागि जनताले आधार दरमा ६ प्रतिशतसम्म प्रिमियम जोडेर व्याज लिन्छु भनेको छ । यसो हुँदा जनता बैंकबाट ऋण लिएर गाडी किन्दा वार्षिक १५.९५ प्रतिशतसम्म व्याज तिर्नुपर्छ ।

हिमालयन बैंक

हिमालयन बैंक पनि यसपालीको नाडा अटो शोमा सहभागी हुदैछ । हिमालयन बैंकले भने गाडी खरिदमा बार्षिक १२ देखि १४ प्रतिशत व्याजदरमा ऋण उपलब्ध गराउने आफ्नो वेबसाइटमा उल्लेख गरेको छ ।

बैंक अफ काठमाडू

बैंक अफ काठमाडूले गाडी खरिद कर्जामा स्वविबेकी अधिकार धेरै राखेको छ । उसको आधार दर ९.९८ प्रतिशत छ । गाडी खरिद कर्जाको लागि आधार दरमा ०.५ प्रतिशतदेखि ६ प्रतिशतसम्म प्रिमियम जोडेर लिने बैंक अफ काठमाडूको वेबसाइटमा उल्लेख छ । यसो हुँदा बैंक अफ काठमाडूबाट ऋण लिएर गाडी किन्दा बार्षिक १० प्रतिशतको हाराहारीदेखि करिब १५ प्रतिशत व्याज तिर्नुपर्छ ।

एभरेष्ट बैंक

यसपालीको नाडा अटो शोमा सहभागी हुने अर्काे बैंक एभरेष्ट हो । उसको आधार दर ८.१२ प्रतिशत छ । एभरेष्टले गाडी खरिद कर्जा दिदा २.५ प्रतिशतदेखि ६.५ प्रतिशतसम्म प्रिमियम जोडर व्याज लिने भनेको छ । यसो हुँदा एभरेष्टबाट ऋण लिएर गाडी किन्दा बार्षिक १०.६२ देखि १४.६२ प्रतिशतसम्म व्याज तिर्नुपर्छ ।

प्रकाशित मिति: मंगलबार, भदौ ३, २०७६ ०३:१५