शिखर इन्स्योरेन्स बन्यो ५०१ करोड बीमाशुल्क संकलन गर्ने पहिलो निर्जीवन बीमा कम्पनी

शिखर इन्स्योरेन्स बन्यो ५०१ करोड बीमाशुल्क संकलन गर्ने पहिलो निर्जीवन बीमा कम्पनी

A+ A A-

शिखर इन्स्योरेन्सले आर्थिक वर्ष २०७८/७९ मा ५ अर्ब १ करोड (५०१ करोड) बीमाशुल्क संकलन सफल भएको छ । यससँगै शिखर इन्स्योरेन्स नेपालको निर्जीवन बीमा क्षेत्रमा पहिलोपटक ५ अर्बको व्यवसाय गर्ने पहिलो निर्जीवन बीमा कम्पनी बन्न सफल भएको छ ।

गत आर्थिक वर्ष र यस आर्थिक वर्षको अवधिमा संकलन भएको बीमाशुल्कको तुलनामा २६ प्रतिशतले बढी हो । नेपालको निर्जीवन बीमा व्यवसायको बजार हिस्साको करिब १५ प्रतिशत हिस्सा कम्पनीले ओगटेको छ ।

कम्पनीले परेका कुल २२ हजार ७ सय ६८ दाबीमध्ये १९ हजार ३ सय ८५ दाबीको करिब ३ अर्ब रुपैयाँ व्यवस्थापन गरिसकेको छ । नेपालको बीमा नियमनकारी निकाय बीमा समितिले यस आर्थिक वर्षलाई दाबी फर्छ्योट वर्षको रूपमा मनाइँरहँदा यस कम्पनीले परेका दाबीमध्ये करिब ८५ प्रतिशत बीमा दाबी भुक्तानी गरी उत्कृष्ट नतिजा प्रदर्शन गरेको छ ।

बीमितको दाबी समयमै भुक्तानी गरी बीमा व्यवसायमा दाबी केन्द्रित गरेर बीमितलाई परेको बेला सहयोग गरेमा बीमाबारेको जनचेतना तथा आस्था एवम् विश्वास जाग्छ, अनि व्यवसायमा स्वतः बढोत्तरी हुन्छ भन्ने कुरा आज शिखर इन्स्योरेन्स अग्रस्थानमा रहनुले प्रमाणित गरेको छ ।

नेपालको विकट जुम्ला, हुम्ला, कालीकोट, मुगु, मुस्ताङ, बझाङ, दैलेख, डोटी, डोल्पाजस्ता विकट जिल्लासहित कुल ११० वटा शाखामार्फत यस कम्पनीले आफ्नो सेवा प्रदान गर्दै आएको छ ।

कम्पनीका प्रमुख कार्यकारी अधिकृत दिप प्रकाश पाण्डेका अनुसार कम्पनी सम्पूर्ण बीमित वर्गको विश्वास र भरोसाको केन्द्र भएकै कारण नेपालमा भएका निर्जीवन बीमा कम्पनीहरूमध्ये सबैभन्दा बढी बीमाशुल्क आर्जन गर्ने कम्पनी बन्न सफल भएको छ ।

शिखर इन्स्योरेन्सले विभिन्न राष्ट्रिय तथा अन्तर्राष्ट्रिय सम्मान तथा पुरस्कार प्राप्त गर्न सफल भइसकेको छ । कम्पनीले नेपाल सरकार अर्थ मन्त्रालय, अन्तरिक राजस्व विभाग, ठूला करदाता कार्यालय ललितपुरद्वारा आर्थिक वर्ष २०७१।०७२ मा सबैभन्दा बढी कर दाखिला गर्ने कम्पनीका रूपमा सम्मान, नेपाल सरकारको ४९ प्रतिशत लगानी रहेको नेपाल पुनर्बीमा कम्पनीद्वारा आ.व. २०७५।०७६ र आ.व. २०७६।०७७ मा निर्जीवन बीमा कम्पनीहरूमध्ये पुनर्बीमा शुल्क र दाबीका आधारमा सबैभन्दा बढी नाफामूलक व्यवसाय प्रदान गरेकोमा सम्मानपत्र, २०७१, २०७३, २०७४, २०७६ सालमा New Business Age संस्थाबाट Best Managed Insurance Company पुरस्कार, कम्पनीलाई २०१८ मा सर्वोत्कृष्ट निर्जीवन बीमा कम्पनीको रूपमा पनि नाम दिइएको थियो र 'कारोबार उत्कृष्टता पुरस्कार' पाइसकेको छ ।

नेपालका विकट जिल्लाहरू जुम्ला, कालीकोट, डोल्पा मुगुका जनतालाई बर्सेनि मौसमका कारण स्याउ खेतीमा हुने नोक्सानीका कारण पर्न जाने आर्थिक भारलाई कम गर्न मौसम सूचकाङ्क बीमालेखमार्फत किसानलाई भएको जोखिम तथा क्षतिको क्षतिपूर्ति प्रदान गरेकै कारण UK Aidfunded Adaptation at Scale prize Asia Network for Sustainable Agriculture and Bio resources (ANSAB) द्वारा २०१९ मा ५०,००० पाउण्ड स्ट्रर्लिङबराबरको पुरष्कार राशि शिखर इन्स्योरेन्सले प्राप्त गरिसकेको छ ।

त्यस्तै, २०२२ मा बीमा सेवामा कर्पोरेट उत्कृष्टताका लागि 'एचआरएम नेपाल अवार्ड' पनि पाउन सफल भइसकेको छ । शिखर इन्स्योरेन्स कम्पनीलाई इक्रा नेपालले (ICRA-NP) A Rating ले सम्मान गरेको छ । यो मूल्याङ्कनले वित्तीय दायित्वहरूको सुरक्षाका लागि पर्याप्त डिग्री मानिन्छ । यस्तो रेटिङ पाउने शिखर इन्स्योरेन्स नै पहिलो निर्जीवन बीमा कम्पनी हो ।

‌स्थापनाकालदेखि नै नेपाली बीमा क्षेत्रमा विशिष्ट छाप छोड्दै नेपालको अग्रणी बीमा कम्पनीका रूपमा रहँदै आएको यस कम्पनीले देशव्यापी रूपमा बीमाको पहुँच अभिवृद्धि गर्नमा समेत अग्रणी भूमिका खेल्दै आएको छ ।

प्रकाशित मिति: आइतबार, साउन १, २०७९ १९:३२