मुख्यमन्त्रीमा प्रस्तावित कृष्णचन्द्र नेपालीले भने- प्रदेश प्रमुखले बोलाउनुहुन्छ, हामी बहुमत लिएर जान्छौँ

मुख्यमन्त्रीमा प्रस्तावित कृष्णचन्द्र नेपालीले भने- प्रदेश प्रमुखले बोलाउनुहुन्छ, हामी बहुमत लिएर जान्छौँ

A+ A A-

विपक्षी गठबन्धनले मुख्यमन्त्रीमा प्रस्ताव गरेको कांग्रेस संसदीय दलका नेता कृष्णचन्द्र नेपालीले सरकार गठनका लागि आफूहरू बहुमत सांसदको समर्थन लिएर प्रदेश प्रमुखसमक्ष जाने बताएका छन् ।

बिहीबार मुख्यमन्त्री पृथ्वीसुब्बा गुरुङ विश्वासको मत पाउन नसकेपछि पदमुक्त भएका छन् । मुख्यमन्त्रीबाट गुरुङ पदमुक्त भएसँगै नेता नेपालीले भने, ‘प्रदेश प्रमुखले बोलाउनुहुन्छ, हामी बहुमत लिएर जान्छौँ ।’

उनले आफूहरूले बहुमत पुर्‍याएर सरकार गठनको प्रक्रिया अगाडि बढाउने बताए । ‘हामीले फेरि बहुमत पुर्‍याएर सरकार गठनका लागि प्रयास गर्छौं,’ उनले भने, ‘प्रदेश प्रमुखले बोलाएपछि हामी बहुमतका साथ उपस्थित हुन्छौँ ।’

बिहीबार प्रदेशसभा बैठकमा विश्वासको मत मागेका मुख्यमन्त्री गुरुङले विश्वासको मत पाउन सकेनन् । विश्वासको मत नपाएसँगै मुख्यमन्त्री गुरुङ नेतृत्वको सरकार ढलेको छ ।

मुख्यमन्त्री गुरुङको विश्वासको प्रस्तावको पक्षमा बैठकमा उपस्थित ५८ सांसदमध्ये २७ मत पर्दा विपक्षमा ३० मत पर्‍यो । राष्ट्रिय जनमोर्चाका सांसद कृष्ण थापा तटस्थ बसे भने खेलकुदमन्त्री दीपक मनाङे (राजीव गुरुङ) अनुपस्थित रहे ।

मुख्यमन्त्री गुरुङलाई सरकार टिकाइराख्न ३१ मत कायम राख्नु पर्दथ्यो । तर, उनका पक्षमा २७ मत मात्रै परेका थिए । ६० सदस्यीय गण्डकी प्रदेशमा एमालेका २७, कांग्रेसका १५, माओवादी केन्द्रका ११ (सभामुखबाहेक) , राष्ट्रिय जनमोर्चाका ३, जसपाका २ र एक जना स्वतन्त्र सांसद छन् ।

२६ वैशाखमा मुख्यमन्त्रीबाट राजीनामा दिएपछि विपक्षी गठबन्धनले सरकार बनाउन नसकेपछि ठूलो दलको नेताको हैसियतले २९ वैशाखमा दोस्रोपटक मुख्यमन्त्री बनेका गुरुङ बिहीबार पदमुक्त भए ।

प्रकाशित मिति: बिहीबार, जेठ २७, २०७८ १८:३७

शिलापत्र संवाददाता

प्रतिक्रिया दिनुहोस्

भर्खरै

एमाले तनहुँको अध्यक्षमा कँडेल निर्वाचित

आज कोशी र गण्डकीका केही भागमा मेघ गर्जनसहित वर्षा हुने

सन्दीप लामिछानेको मुद्दामा आज पनि सुनुवाइ हुने

निर्वाचन भएको दुई वर्षपछि व्यास नगरपालिकामा पुनः मतगणना हुने

सरकारमा बस्न पनि नसक्ने, छाड्न पनि नसक्ने अवस्थामा माधव नेपाल

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

एमाले र माओवादीसँग कसरी बिग्रियो उपेन्द्रको सम्बन्ध ?

कलंकीबाट हराएकी स्नेहा सात दिनपछि पशुपतिमा भेटिइन्

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

विचार

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

इलाम- २ को उपनिर्वाचनपछि रास्वपा नेतृत्वले बुझाेस्- सधैँसधैँ आँधीहुरी आउँदैन

ब्लग

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

'बोक्सीको घर' हेरेपछि निदाउनै सकिनँ

शिक्षा

शिक्षकलाई अब महिनैपिच्छे तलब, राजनीतिमा सक्रिय हुन नपाइने

शिक्षक तथा कर्मचारी राजनीतिक दलको सदस्य हुन नपाउने

भृकुटीमण्डपमा विद्यार्थी महोत्सव (तस्वीरहरू)