एसिया कप फाइनलमा कसरी पुग्छ भारत ? श्रीलंकालाई जिते पनि छैन सजिलो

टिम इन्डिया । तस्वीरः आजतक ।

A+ A A-

एसिया कप २०२२ मा भारतले आज श्रीलंकाविरुद्ध खेल्दै छ । फाइनलतिर अघि बढ्ने हो भने भारतले श्रीलंकालाई जित्नैपर्ने हुन्छ ।

किनकि, सुपर- ४ को आफ्नो पहिलो म्याच भारत हारिसकेको छ । त्यसैले श्रीलंकाविरुद्ध उसले जित निकाल्नैपर्छ । तैपनि, सुपर- ४ चरणमा अहिले यस्तो समीकरण पनि बनिरहेको छ, जहाँ भारतको सम्भावना छ भनिहाल्न पनि सकिँदैन ।

फाइनलमा कसरी पुग्छ भारत ?

सुपर- ४ चरणमा हरेक टिमले तीन-तीन म्याच खेल्नुपर्ने हुन्छ । भारतले अहिलेसम्म एक म्याच खेलेको छ, त्याे पनि उसले पाकिस्तानसँग पाँच विकेटले हारेकाे थियो । आज श्रीलंकासित खेलेपछि भारतले पर्सि ८ सेप्टेम्बरमा अफगानिस्तानसँग प्रतिस्पर्धा गर्ने छ । अंक तालिकामा भारत अहिले तेस्रो स्थानमा छ ।

श्रीलंका र अफगानिस्तानलाई जिते भारत फाइनलमा पुग्छ । यस्तो भएमा उसको चार अंक हुन्छ । नेट-रनरेट राम्रो भयो भने सजिलै फाइनलमा स्थान सुरक्षित हुन्छ ।

श्रीलंका र अफगानिस्तान दुवै टिमलाई हराएमा भारतको ४ अंक हुने छ । यस्तोमा फाइनल पुग्ने सम्भावना प्रबल छ ।

श्रीलंकाले पाकिस्तानलाई हरायो भने भारतका लागि अप्ठेरो हुने छ । किनकि, त्यो बेला नेट-रनरेटले काम गर्ने छ । श्रीलंकाको नेट-रनरेट अहिले निकै राम्रो छ ।

सम्बन्धित समाचार

भारतीय क्रिकेटका सबै फर्म्याटबाट सुरेश रैनाले गरे सन्न्यासको घोषणा

अफगानिस्तान र श्रीलंकालाई हराए पनि भारतले आफ्नो नेट-रनरेटमा फोकस गर्नुपर्ने हुन्छ । साथै अन्य कुनै टिमको जित पनि भारतका लागि हानिकारक हुन सक्छ ।

पाकिस्तानले दुई म्याच खेल्न बाँकी छ । दुवै म्याच श्रीलंका-अफगानिस्तानसँग हुने छ । यस्तोमा दुवै म्याच जितेमा ऊ फाइनलमा प्रवेश गर्ने छ । भारतले पनि दुवै टिमलाई हराएमा उपाधि भिडन्त भारतसँग हुने तय छ ।

श्रीलंकाले आज भारतलाई हरायो भने फाइनल खेल्ने भारतीय सपना चकनाचुर हुन सक्छ ।

अहिले यस्तो छ अंक तालिका
श्रीलंका-१ म्याच, १ जित, २ पोइन्ट, ०.५८९
पाकिस्तान- १ म्याच, १ जित, २ प्वाइन्ट, ०.१२६
भारत-१ म्याच, १ हार, ० प्वाइन्ट, -०.१२६
अफगानिस्तान- १ म्याच, १ हार, ० प्वाइन्ट, -०.५८९

सम्बन्धित समाचार

प्रकाशित मिति: मंगलबार, भदौ २१, २०७९ १६:५०