थोरै कुदेको भन्दैमा बाइक राम्रो हुँदैन, पढ्नुहाेस्- सेकेन्ड ह्यान्ड किन्नुअघि के-के हेर्ने ? (भिडियाेसहित)

थोरै कुदेको भन्दैमा बाइक राम्रो हुँदैन, पढ्नुहाेस्- सेकेन्ड ह्यान्ड किन्नुअघि के-के हेर्ने ? (भिडियाेसहित)

A+ A A-

नेपालमा माेटरसाइकल र स्कुटरकाे माग उच्च छ । डिजेल, पेट्राेलकाे भाउ बढिरहँदा समेत दुईपाङ्ग्रे सवारीसाधनकाे खरिदबिक्री घटेकाे देखिँदैन । गाडीकाे तुलनामा दुईपाङ्ग्रे सस्ताे पर्छ । काठमाडाैंकाे हकमा त पार्किङमा समेत गाडीलाई जस्तो झन्झट हुँदैन । खासगरी दैनिक कामकाजी व्यक्तिले माेटरसाइकल र स्कुटर नै राेज्ने गरेका छन् ।

तर सबैले नयाँ नै किन्छन् वा किन्नुपर्छ भन्ने हुँदैन । ठिक्क दामको पुरानै मोटरसाइकल, स्कुटर किनेर चलाउने जमात पनि ठूलै छ । चाहे पैसा कम भएर हाेस् वा सिक्ने उद्देश्यले सेकेन्ड ह्यान्ड बाइक किन्नेहरूकाे भिडभाड देख्न सकिन्छ रिकण्डिसन हाउसहरूमा ।

कारण जे हाेस्, तपाईं सेकेन्ड ह्यान्ड मोटरसाइकल वा स्कुटर किन्दै हुनुहुन्छ भने केही कुरामा पक्कै ध्यान दिनुहोस् । बेलैमा सचेत भइएन भने सेकेन्ड ह्यान्ड माल न हाे, दुःख दिएर हैरान पार्छ ।

उसाे भए सेकेण्ड ह्याण्ड बाइक किन्दा के-के कुरामा ध्यान दिने त ? तपाईंहरूलाई सहज होस् भनेर 'हाट बजार' स्तम्भमा हामीले यो प्रश्न एमएडब्लू इन्टरप्राइजेज (यामाहा डिभिजन) का सर्भिस हेड शैलेन्द्र अधिकारीलाई गरेका छाैँ । याे पढिसकेपछि अन्तिममा तपाईंले अधिकारीसित गरिएको भिडियो कुराकानीसमेत हेर्न सक्नुहुन्छ ।

धुवाँ चेक गर्नुहाेस्

सवारीसाधन किन्दा सबैभन्दा धेरै ध्यान दिनुपर्ने पक्ष हो इञ्जिन । धेरै चलेपछि इञ्जिन बिग्रिन सक्छ । यो जाँच गर्ने सजिलो उपाय हो कति धुवाँ फाल्छ, हेर्ने । सवारीसाधनले नीलो धुवाँ फ्याँकेको छ भने त्यसको इञ्जिनमा समस्या हुन सक्छ । त्यस्तै, सेकेन्ड ह्यान्ड सवारीसाधन सुरुमा धुवाँ नफ्याँक्ने र पछि सर्भिसिङ गरेपछि धुवाँ फ्याँक्ने समस्या पनि देखिन सक्छ । इञ्जिनमा समस्या भए पनि इञ्जिन आयलको कमी भएमा धुवाँ फ्याँक्दैन । यो कुरामा धेरै ध्यान दिनुपर्छ ।

सम्बन्धित समाचार

छान्नुहोस्, १५ हजारभन्दा कम मूल्यमै पाइने स्मार्ट फोनहरू

इञ्जिन आयलको कमी भएपछि कम्बोसन चेम्बरमा इञ्जिन आयल बल्न पाउँदैन अनि धुवाँ फ्याँक्दैन । ग्राहकले किनेर सर्भिसिङ गरेपछि पूर्ण मात्रामा इञ्जिन आयल हाल्ने र पिस्टन, रिङको ग्यापबाट छिरेर इञ्जिन आयल कम्बोसन चेम्बरमा जान्छ, कम्बोसन हुन्छ र धुवाँ फ्याँक्छ । सेकेन्ड ह्यान्ड सवारीसाधन किन्दा इञ्जिन आयल भरि छ कि छैन भनेर चेक गर्नुपर्छ । थोरै भए भरेर फेरि चलाउनुपर्छ । धुवाँ आएन भने सवारीसाधनको इञ्जिन ठीक छ भन्ने बुझ्नुपर्छ ।

साइलेन्सर चेक गर्नुहाेस्

इञ्जिनको अवस्था जाँच गर्ने अर्को सजिलो उपाय हो साइलेन्सर जाँच गर्ने । साइलेन्सरको प्वालमा औँला छिराएर वा कुनै लौरो प्वालमा छिराएर इञ्जिनले धुवाँ फ्याँक्ने अवस्था कस्तो छ, जाँच गर्न सकिन्छ । प्वालमा चिपचिप गर्ने कालो र चिप्लो पदार्थ छ भने त्यो सवारीसाधनको इञ्जिनमा समस्या छ भन्ने बुझ्दा हुन्छ ।

चेन स्पकेट चेक गर्ने

चेनको दाँती कति खिइएको छ र एड्जस्ट गर्न सकिने लेबल कहाँसम्म पुगेको छ भन्ने हेर्नुपर्छ ।

वायरिङ चेक गर्ने

सवारीसाधनको इलेक्ट्रिकल पक्षमा पनि ध्यान दिनुपर्छ । नत्र याे तपाईंका लागि महँगाे पर्न सक्छ । खरिद गर्नुअघि सवारीसाधनको सेल्फ स्टार्ट, साइड लाइट, हेडलाइट, टेललाइटलगायत चेक गर्नुपर्छ ।

टायर चेक गर्ने

बाइक किन्नुअघि टायर कति खिइएको छ हेर्नुहाेस् । हेरेरै मजाले थाहा पाउन सकिन्छ, टायर कति पुरानो हो । टायरको गाेट्टी धेरै खिइएको छ भने छिट्टै फेर्नुपर्ने हुन्छ । खर्च बढ्छ । त्यत्तिकै चलाउनु जाेखिमपूर्ण हुन्छ । पुरानाे टायर सामान्य हिलाेमा पनि चिप्लिन्छ ।

टेस्ट राइड गर्ने

सेकेन्ड ह्यान्ड मोटरसाइकल वा स्कुटर किन्दा सबैभन्दा महत्त्वपूर्ण कुरा हो टेस्ट राइड । कुनै अनुभवी व्यक्ति वा मिलेसम्म मेकानिकलाई नै टेस्ट राइड गराउनु राम्रो हुन्छ । मोटरसाइकल एक साइडतिर मात्रै ढल्किन्छ कि, ब्रेक राम्रोसँग लाग्दैन कि, कत्तिको भारी छ, चेन स्पोकेट, कोन ब्यारिङकाे अवस्था के छ, टेस्ट राइडबाट थाहा पाउन सकिन्छ ।

हामीमध्ये धेरैले बाइक किन्दा कति कुदेको छ भनेर सोध्ने गर्छौं । तर, यो बाइकको अवस्था मापन गर्ने बलियो आधार होइन । धेरै कुदेको बाइक पनि कन्डिसनमा हुन सक्छ । त्यसैले बाइकको बढी खर्च हुन सक्ने पार्टहरूप्रति विशेष चनाखो हुनुपर्छ ।

भिडियाे हेर्नुहाेस् ः

अरू पनि

प्रकाशित मिति: शनिबार, साउन ७, २०७९ १२:३६

सुधिर भण्डारी

प्रतिक्रिया दिनुहोस्

भर्खरै

आज केही भू-भागमा मेघ गर्जनसहित वर्षा हुने

बागमती प्रदेश सरकारले अध्यादेश जारी गर्ने

एक दिने भ्रमण सकेर फर्किइन् जापानी विदेशमन्त्री

लिभरपुलसँग ४-२ ले पराजित भयो टोटनहाम

कोलकाताले लखनउलाई हरायो, चेन्नईसँग पञ्जाब स्तब्ध

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

जसपा विभाजनले प्रचण्डलाई राहत, माधव नेपालकाे सपना चकनाचुर

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

संस्कृत विश्वविद्यालयमा सञ्चारमन्त्री शर्मालाई शिक्षाविद्को कोटा, एमाले र माओवादीबीच भागवण्डा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि