भारतबाट रासायनिक मल किन्ने जिम्मा कृषि सामाग्री केन्द्रलाई, यी हुन् मन्त्रिपरिषद्का निर्णय

भारतबाट रासायनिक मल किन्ने जिम्मा कृषि सामाग्री केन्द्रलाई, यी हुन् मन्त्रिपरिषद्का निर्णय

A+ A A-

सरकारले बञ्चरे डाँडा ल्याण्डफिल्ड साइडमा देखिएका स्थानीय समस्या समाधान गर्न र्‍यापिड एक्न टास्क फोर्स गठन गर्ने निर्णय गरेको छ । बिहीवार बसेको मन्त्रिपरिषद्को बैठकले सो निर्णय गरेको हो ।

शुक्रवार मन्त्रिपरिषद्का निर्णय सार्वजनि गर्दै सञ्चार तथा सूचना प्रविधिमन्त्री एवं सरकारका प्रवक्ता ज्ञानेन्द्रबहादुर कार्कीले बञ्चरे डाँडा ल्याण्डफिल्ड साइडमा देखिएका स्थानीय समस्या समाधान गरी फोहोरको वैज्ञानिक व्यवस्थापन र अविलम्व आवश्यक कार्य प्रारम्भ गरिने बताए ।

उनले राष्ट्रिय वाणिज्य बैंक लिमिटेडको स्वामित्वको सुर्खेतमा रहेको ९ कट्ठा आठ धुर जग्गा नेपाल राष्ट्र बैंंकलाई बिक्री गर्न स्वीकृत प्रदान गर्ने निर्णय गरेको पनि बताए । सरकारले नेपाल आयल निगमको रिक्त कार्यकारी निर्देशक पदमा उमेशप्रसाद थानीलाई नियुक्त गरेको छ ।

त्यस्तै संयुक्त राज्य अमेरिकाको न्यूयोर्कस्थित संयुक्त राष्ट्रसंघको मुख्यालयमा २०२२ मार्च ७ देखि १८ सम्म सञ्चालन हुने यूनाइटेड नेसन्स अन द ल, अफ द सी अन द कन्जर्भेसन एण्ड द सस्टेनिबुल युज अफ मेरियन बायोलोजिकल डायभर्सिटी अफ एरियाज बिवान्ट नेसनल जेरिडिक्सन बीबीएन्जीअन्तर्गत इन्टर्न गभर्मेन्टल कन्फ्रेन्सको चौथौँ सत्रमा नेपालको तर्फबाट सहभागिताका लागि कानून, न्याय तथा संसदीय मामिला मन्त्रालयका सचिव उदयराज सापकोटाको नेतृत्वको भ्रमण स्वीकृत गर्ने, बंगलादेशको ढाकामा आगामी ८ देखि ११ मार्च २०२२ मा आयोजना हुने ३६ सेशन अफ द एफएयू डिजिटल कन्फ्रेन्स अन एसिया स्पेसिफिकमा सहभागी हुन कृषि तथा पशुपक्षी विकास मन्त्रालयका सचिवको नेतृत्वको प्रतिनिधि मण्डललाई स्वीकृत दिने निर्णय पनि गरेको छ ।

यस्तै बीउबिजनको किसिम वा जाँच सूचित गर्न राष्ट्रिय बीउबिजन समितिबाट सिफारिस गरी आए बमोजिमको सूचना नेपाल राजपत्रमा प्रकाशन गर्न स्वीकृत दिने निर्णय समेत गरेको प्रवक्ता कार्कीले जानकारी दिए । उनका अनुसार, सरकारले जीटूजी विधिअन्तर्गत भारत सरकारसँग हस्ताक्षर भएको समझदारी पत्रमा भएको व्यवस्था बमोजिम ज्वाइन स्टेरिङ कमिटीमा सहभागि हुन नेपालका तर्फबाट कृषि तथा पशुपंक्षी विकास मन्त्रालय, कृषि विकास महाशाखा सहसचिवको नेतृत्वमा टोली गठन गर्ने तथा मल खरिद गर्ने निकायको रुपमा कृषि सामग्री कम्पनी लिमिटेडलाई तोक्ने निर्णय गरेको छ ।

साउदी अरबका परराष्ट्रमन्त्रीले फागुन ३० देखि चैत १ सम्म गर्ने नेपाल भ्रमणको अवसरमा दुई पक्षीय वार्ताका लागि परराष्ट्रमन्त्रीको नेतृत्वमा प्रतिनिधि मण्डल गठन गर्ने, नेपाल र साउदी अरब सरकारबीच हुने जनरलको अप्रेसन एग्रिमेण्ट बिटविन द गभर्मेन्ट अफ नेपाल एण्ड गभर्मेन्ट अफ द किङ्डम अफ द साउदी अरेबियाको मस्यौदा स्वीकृत गरी नेपालका तर्फबाट हस्ताक्षर गर्न परराष्ट्र मन्त्रालयलाई अख्तियारी दिने पनि मन्त्रिपरिषद्ले निर्णय गरेको छ ।

चैत १४ मा संयुक्त राज्य अमेरिकाको न्यूयोर्कमा हुने गभर्मेन्ट कन्सल्टेसन अन द स्टकहम प्लस ५० एलगेसी इन्गेजमेन्ट स्ट्राटेजी प्रिपेटरी मिटिङसम्बन्धी कार्यक्रममा सहभागी हुन सचिव डा. पेम नारायण कँडेललाई स्वीकृत दिने, श्रम, रोजगार तथा सामाजिक सुरक्षामन्त्री कृष्णकुमार श्रेष्ठको नेतृत्वको प्रतिनिधि मण्डललाई संयुक्त अरब इमिरेट्स, सेसेज र कतार भ्रमण गर्न स्वीकृत दिने निर्णय पनि भएको छ ।

त्यस्तै तुल्सीपुर उपमहानगरपालिका र स्पेनको बिलओ नगर परिषद्बीच भगिनी सम्बन्ध कायम गर्न स्वीकृत प्रदान गर्ने, फोहोर महिला व्यवस्थापनसम्बन्धी कानुनको मस्यौदा तयार गर्न सहमति प्रदान गर्ने, राष्ट्रिय भवन प्रविधि अनुशासन केन्द्र र संघीय सचिवालय निर्माण तथा व्यवस्थापन कार्यालयको संगठन संरचना र दरबन्दी स्वीकृत गर्ने र पत्रकार दुर्घटना बीमा व्यवस्थापन पहिलो संशोधन निर्देशिका २०७८ स्वीकृत गर्ने निर्णयसमेत गरेको प्रवक्ता कार्कीले बताए ।

प्रवक्ता कार्कीका अनुसार सरकारले निजामति कर्मचारीका सन्तानलाई शैक्षिक प्रेत्साहन वृत्ति उपलब्ध गराउन निर्देशिका २०७८ स्वीकृत गर्ने, औद्योगिक व्यवसाय नियमावली २०७८ स्वीकृत गर्ने र सार्वजनिक खरिद नियमावली ११ औँ संशोधन २०७८ स्वीकृत गर्ने निर्णय पनि गरेको छ ।

प्रकाशित मिति: शुक्रबार, फागुन २७, २०७८ १४:३२