विदेशको चमकधमक देखेर नेपाल फर्किएका यी व्यवसायीे, जो बन्दै छन् स्टार्टअपका भविष्य

विदेशको चमकधमक देखेर नेपाल फर्किएका यी व्यवसायीे, जो बन्दै छन् स्टार्टअपका भविष्य

A+ A A-

नेपालमा एकताका विद्यार्थी तथा युवाहरूको एउटै लक्ष्य भेटिन्थ्यो । अमेरिका, युरोपलगायतका विकसित देशमा गएर विलासी जिन्दगी बिताउने । वार्षिक लाखौँको संख्यामा विद्यार्थीहरू धमाधम विदेश पलायन हुन थाले ।

हुँदाहुँदा कतिपय क्याम्पसहरूमा पढ्ने विद्यार्थीकै खडेरी पनि लाग्यो । तर, समय फेरिएको छ । अहिले विदेशमा सम्पन्न जीवन बिताइरहेका नेपाली युवाहरू नेपाल फर्कन थालेका छन् । अझ युरोप, अमेरिकाजस्ता विकसित देशमा राम्रो कमाइ गरिरहेकाहरू पनि पछिल्लो समय नेपाल फर्किन लालायित हुन थालेका छन् ।

युवाहरूको नेपाल फर्काइ भने लाभदायक देखिन्छ । यसरी फर्किने युवाहरू अहिले अधिकांश स्टार्टअपमा कस्सिएका छन् । अहिले चर्चामा आएका स्टार्टअपका मालिक अधिकांश विदेशबाट फर्किएका युवाहरू नै देखिएका छन् । उदाहरणको रूपमा अहिले नेपालमा नाम चलेका स्टार्टअपहरूलाई नै लिन सकिन्छ ।

सस्तो डिलका सञ्चालक अमुन हुन् या नासा तथा विदेशको एरो स्पेसमा इन्जिनियरको काम गर्दै आएका अर्डर नाउका सञ्चालक मनोज थापा, ज्ञापुका ज्ञानेन्द्र हुन् या रोडसाइड क्याफेका कृष्णजंग केसी नै, सबै स्टार्टअपहरू विदेशमा राम्रो कमाइ हुँदाहुँदै पनि स्वदेश फर्किएर व्यवसायी बनेका छन् ।

यी सबै विदेशमा भेटिएको चमकधमक पूर्ण जीवनशैली देखेपछि नेपालमै व्यवसायी बन्न कस्सिएका छन् । यी पात्रहरू अहिले आफू मात्रै व्यवसायी बनेका छैनन्, भर्खरै पढ्दै गरेका नेपाली विद्यार्थीको व्यावसायिक भविष्य कोर्न पनि तल्लीन छन् ।

अमुन थापा, सस्तो डिल

विदेशबाट नेपालको भविष्य चियाउनेमा अमुन थापा पहिलो नै हुन् भन्न त मिल्दैन तर पछिल्लो समय युवावर्गको आइडलका रूपमा प्रस्तुत भएका छन् । उनी नेपालको स्टार्टअप भविष्य कोर्ने व्यक्तिहरूमा गनिन्छन् ।

उनले पनि अमेरिकाजस्तो विकसित मुलकलाई बिर्सिएर नेपालमा सस्तो डिल नामक इकमर्स व्यवसाय सुरु गरे । उनको व्यवसायले नेपालको इकमर्सलाई उचाइमा पुर्‍याउनका लागि खम्बाको काम गर्दै आएको छ ।

धेरैजसो युवाहरू विदेशमा पसिना बगाएपछि अझ त्यहाँको दु:ख देखेपछि नेपाललाई स्वर्ग मान्दै फर्कन्छन् तर अमुन विदेशमा देखेको सुख र नेपालमा भेटेको दु:खलाई सम्झेर नेपाल फर्केका हुन् । जीवन बदल्न एउटा सोच नै काफी हुन्छ । यो उनमा पनि लागू भयो ।

छुट्टीमा नेपाल फर्किएका अमुन एउटा जुत्ता किन्न पाएको दु:खलाई व्यवसायमा ढाल्न अमेरिकालाई चटक्कै छोेडे । अमेरिकामा चम्किएको इकमर्सलाई नेपालमा भने सुस्ताइरहेको देखेपछि उनी सस्तो डिललाई उठाउन लागिपरे ।

अहिले सस्तो डिल मासिक करोडौँ रकमबराबरको सामान बिक्री गर्ने भर्चुअल प्लेटफर्म बनेको छ ।

सम्बन्धित समाचार

जुत्ता खोज्दाखोज्दै छोडिएको अमेरिका

कृष्णजंग केसी

कृष्णजंग केसी केही समय नेपालको सिनेक्षेत्रमा देखिएका अनुहार हुन् । जसलाई अझै पनि केही पुराना विज्ञापन तथा म्युजिक भिडियोहरूमा देख्न सकिन्छ ।

चर्चाको विन्दुमा पुगेर सेलाएका उनी पनि कुनै बेला तपाईं हामीजस्तै विदेशमा चिल्ला गाडीमा अनि चम्किला शहरमा जीवन बिताउने सपना बोकेर हिँड्थे ।

सपनालाई साकार बनाउन उनी बेलायत पनि पुगे । विद्यार्थी भिसामा गएका उनी त्यहाँको जीवनशैलीलाई अँगाल्न छोेडेर बरु नेपाली माटोमा कुटोकोदालो पो गर्न थाले । माथि अमुन थापाको जुत्ता खोज्दाखोज्दै फुरेको आइडियाले सुरु भएको सस्तोडिल त पढ्यौँ । उनीजस्तै कृष्णजंग पनि एउटा किताबका कारण नै बेलायतबाट नेपाल फर्किए ।

सिद्धार्थ राजमार्गमा पर्ने अनकण्टार भिर करेन डाँडामा उनले अवसर देखे र मात्र ११ हजार लगानी गरेर रोडसाइड क्याफे खोले । जुन अरुभन्दा भिन्न थियो ।

थोरै लगानीमा खोलेको उनको क्याफेमा जोकोहीले अर्ग्यानिक कफी पिउन पाउँथे । आफ्नै अर्ग्यानिक फामबाट कफी र फलफूलहरू क्याफेमा आउने ग्राहकलाई खुवाउन थालेपछि उनी अहिले बेलायतमा कमाउनेभन्दा कैयौँ गुणा पैसा र सम्मान दुवैका मालिक बन्न पुगेका छन् ।

सम्बन्धित समाचार

एउटा किताबले बदलेको जीवन, ९ वर्षमै चार व्यवसायका मालिक

ज्ञानेन्द्र खड्का, ग्यापु डटकम

नेपालमा लकडाउन भर्खरै हुँदाताका एउटा नामले निकै चर्चा पायो । अझ खुलेको छोटो समयमा नै फोर्ब्सको सूचीमा अटाएपछि बच्चादेखि युवासम्मको ध्यान तानियो ज्ञानेन्द्र खड्कातर्फ । ग्यापु डटकमका सञ्चालक ज्ञानेन्द्र खड्का पनि स्टार्टअपमा भविष्य बनाउन सिलिकन भ्यालीबाट काठमाडौ भ्यालिसम्म तानिए ।

नेपालमै एक्सेल ट्रिप चलाइरेको उनको बसाइ भने अमेरिकाको सिलिकन भ्यालीमा थियो । जहाँ उनले आफ्नै व्यवसायसमेत सञ्चालन गरिरहेका थिए । युवाहरूको सपनाको शहर भनेर चिनिने सिलिकन भ्यालीले ज्ञानेन्द्रको सपनामा भने सजिन पाएन । लकडाउन हुनै लाग्दा उनी नेपाल फर्किए ।

जसै लकडाउन भयो । उनी लकडाउनलाई अवसर कसरी बनाउने भन्नेबारेमा घोत्लिन थाले । आइडिया फुर्‍यो स्टार्टअप गर्ने, अनलाइन सपिङमार्ट सुरु गर्ने । नेपालमा खासै अनलाइन सपिङको वातावरण नभए पनि उनले लकडाउनमै सुरु गरे । नभन्दै उनको ग्यापु ग्राहकको हातहातमा पुग्यो, अनि उनको व्यवसाय फोर्ब्ससम्म ।

सम्बन्धित समाचार

ई–कमर्स क्षेत्रका ‘युथ आइकन’ ज्ञानेन्द्र खड्का

मनोज पन्थी, अर्डर्र नाउ

अर्डर नाउ डटकमका सञ्चालक मनोज पन्थी एरो स्पेस इन्जिनियर हुन् । नेपालमा एरो स्पेस पढ्नेहरूको संख्या थोरै छ । उनी तीमध्येका एक हुन् । एरोस्पेस इन्जिनियर भएर विभिन्न देशमा एयरबस, बोइङ तथा नासामा काम गरिसकेका उनी नेपाल फर्कनुपर्ने खासै ठूलो कारण थिएन । तर, उनको सानो कारण नै नेपाल फर्कने ठूलो कारण बन्यो ।

विदेशमा विदेशी कामबाट आत्मसन्तुष्टि पाउन नसकेका उनी नेपाल फर्कने हुटहुटीमा सधैँ हुने गर्थे ।

उनी हुटहुटीलाई यथार्थमा बदल्न नेपाल फर्किए । यहाँ आएर उनले सबैभन्दा सस्तो नाकम अनलाइन डेलिभरी कम्पनी खोले । पछि यसैलाई परिवर्तन गर्दै अर्डर नाउ स्थापना गरे । उनी अहिले स्टार्टअप बिजनेसमा व्यस्त छन ।

सम्बन्धित समाचार

ढक्-ढक् : अब तपाईंको ढोकामै आइपुग्छ किताब

अमृतमान तुलाधर, मुञ्चा डटकम

नेपालको पहिलो इकर्मस कम्पनी मुन्चा डटकमका सञ्चालक हुन अमृतमान तुलाधर । उनी पनि अमेरिकाबाट फर्किएका हुन् । २०५२ सालमा नै अमेरिकाबाट एमबीए सकेका उनी त्यसपश्चात्‌को समय भने नेपाललाई दिए ।

अमेरिकामा नै राम्रो जागिर पाएका तुलाधर नेपाल फर्केर लामो समय स्टार्टअपलाई व्यवसायको रूपमा ढाल्न संघर्ष गर्न थाले । उनका अनेकौँ मिहिनेतपछि बल्ल मुन्चा डटकम नेपालमा ब्राण्डको रूपमा स्थापित बन्यो ।

विदेशबाट आफन्तले नेपालमा रहेका परिवार साथीभाइलाई सर्प्राइज गिफ्ट दिने सेवा गर्दै आएको मुन्चाले अहिले ग्रोसरीका सामान पनि डेलिभरी गर्दै आएको छ । नेपालमा भन्दा पनि नेपालबाहिर बस्ने नेपालीहरूमाझ चर्चित मुन्चाका अहिले ६० देखि ७० हजारको संख्यामा ग्राहक छन् ।

सम्बन्धित समाचार