मेस्सीको सम्मानमा जर्सी नम्बर १० लाई बिदाइ गर्ने अर्जेन्टिनाको निर्णय (भिडियो)

मेस्सीको सम्मानमा जर्सी नम्बर १० लाई बिदाइ गर्ने अर्जेन्टिनाको निर्णय (भिडियो)

A+ A A-

फुटबलको दुनियाँमा जर्सी नम्बरलाई महत्वपूर्ण प्रतीक मन्ने गरिन्छ । जर्सीको अंकबाटै हामी विश्व चर्चित फुटबलरहरूलाई चिन्ने गर्दछौं । तीमध्ये एक जर्सी नम्बर १० पनि हो ।

अर्जेन्टिनामा जर्सी नम्बर १० लाई झनै ठूलो संकेत र प्रतीक मान्ने गरिन्छ । यो जर्सी लगाउनेलाई अर्जेन्टिनामा कप्तान, मैदानका नेता र महान फुटबलर भन्ने गरिन्छ । जसकारण उत्कष्ट फुटबलरले मात्र अर्जेन्टिनामा यो जर्सी लगाउन पाउँछन् ।

वर्तमान समयमा अर्जेन्टिनामा लियोनल मेस्सी यो जर्सी लगाउँछन् । पहिले भने डिएगो म्याराडोना यो जर्सी लगाउँथे । यी दुवै खेलाडी विश्व चर्चित खेलाडी हुन् र उनीहरू दुवैले आ–आफ्नो समयमा अर्जेन्टिनालाई विश्वकप दिलाए ।

अर्जेन्टिनाले केही समयका लागि म्याराडोनाले लगाएको जर्सी नम्बर १० कसैले लगाउन नपाउने निर्णय नै गरेको थियो । केही समय राष्ट्रिय टोलीमा म्याराडोनाको सम्मानमा यो जर्सी कसैले लगाएनन् पनि । तर फुटबलको प्रशासकीय निकाय फिफाको नियमका कारण जर्सी नम्बर १० ले अर्जेन्टिनामा लामो समय विश्राम पाएन ।

त्यसपछि सन् २००२ को विश्वकपमा अर्जेन्टिनी खेलाडी एरियल ओर्टेगाले जर्सी नम्बर १० लगाएका थिए । त्यसबेला अर्जेन्टिनी फुटबल संघको निर्णय टिक्न सकने किनभने फिफाको नियमअनुसार राष्ट्रिय टिमका खेलाडीले १ देखि २३ सम्म जर्सी नम्बर लगाउनैपर्थ्यो ।

भिडियो

यतिबेला फेरि अर्जेन्टिनी फुटबल संघले अर्जेन्टिनामा जर्सी नम्बर १० लाई बिदाइ गर्ने निर्णय गरेको छ । मेस्सीको सम्मानमा यस्तो निर्णय गरिएको हो । अर्जेन्टिनी फुटबल संघका अनुसार जब मेस्सीले अन्तर्राष्ट्रिय फुटबलबाट सन्न्यास लिनेछन् तबदेखि उनको जर्सी नम्बरलाई सम्मानका साथ बिदा गरिनेछ । उक्त जर्सी नम्बर कसैले लगाउन पाउने छैनन् ।