शुन्य समयको माग: स्वबियू चुनावदेखि अस्पतालको वेड

A+ A A-

संघीय संसदको प्रतिनिधिसभाको जारी बैठकमा सांसदहरुले स्ववियू निर्वाचन तत्काल गराउने देखि लिएर अस्पतालको वेड थप्नुपर्नेसम्मको माग राखेका छन् ।
बैठकको शुन्य समयमा वोल्दै सांसद पदम गिरीले स्वबियू मृत प्राय अवस्थामा पुगेको बताए ।

उनले प्रमुख प्रतिपक्षी दलले चुनाव हार्ने डरले चुनाव हसन नदिएको भन्दै तत्काल चुनाव गर्न माग गरे । तर प्रतिपक्षी दलकी सांसद पुष्पा भुषालले त्रिविमा कांग्रेसले निर्वाचन हुन नदिएको भन्ने भनाइको खण्डन गर्दै प्रधानमन्त्रीकै पहलमा निर्वाचनको बातावरण बनाउन माग गरिन् ।

शुन्य समयमा वोल्दै नेकपाबाट प्रतिनिधित्व गरेका सांसद देव गुरुङले दमौली सडक डिभिजन मातहतको ४० सडक नवनेको भन्दै सरकारको ध्यानाकर्षण गराए । उनले कात्तिकको पहिलो साता प्रदेशमा हस्तान्तरण हुने भन्दै रोकिएको सडक निर्माण अझे शुरु हुन नसकेको भन्दै चाँडो शुरु गर्न सरकारको ध्यानाकर्षण गराए ।

अर्का सांसद देव प्रसाद तिमल्सिनाले जनता आवास कार्यक्रम प्रभावहीन बनेको भन्दै सरकारको आलोचना गरे । उनले मन्त्रीहरु १८ करोडको गाडी चडेर हिडिरहदा जनता चुहिने छानोमा वस्न वाध्य भएको भन्दै जनताको छानो बनाइदिन माग गरे ।

सांसद धर्मशिला चापागाइले सांसदलाइ दिइने बिकाश र पुर्वाधार बजेटमा विभेद भएको भन्दै विभेद हटाउन नसक्ने भए तत्काल यपो कार्यक्रम नै बन्द गर्न माग गरिन् । अर्का सांसद ध्रुव कु्मार शाहीले सुर्खेतमा जग्गा हकभोग गरिरहेका धेरै जग्गाधनीले लालपुर्जा नपाएको र पाएका लालपुर्जाबाट समेत धितो नदिएको भन्दै गुनासो गरे ।

सांसद नरवहादुर धामीले पनि लालपुर्जा वितरणमा धेरै आयोग बने पनि कन्चनपुरका ७५ प्रतिशतले अझै लालपुर्जा पाउन नसकेको भन्दै जिल्लाको दहीजी, झलारी लगायतका बजार क्षेत्र अझै सरकारी रेकर्डमा जंगलनै रहेको जानकारी गराए ।

सांसद नवराज रावतले सुर्खेत बिद्युतीकरणले गति नलिएको भन्दै ३३ केभी बिजौरा प्रशारणको ठेक्का लिएका राकेश अग्रवाललाइ कारवाही गर्न माग गरे ।

अर्का सांसद नारायण प्रसाद खतिवडाले कृषिमा पाइने अनुदान लिन समस्या परेको भन्दै ततकाल प्रभावकारी मापदण्ड बनाउन माग गरे ।

अर्की सांसद पार्वती कुमारी बिसुंखे, दैलेखमा १५ सैयाका मात्र अस्पताल हुदा समस्या भएको भन्दै ५० शैया बनाउने सरकारको नीति अनुसार तत्काल यस्तो कार्य सम्पन्न गर्न माग गरिन् ।

सांसद प्रमिला राईले सात महिनासम्म पनि निर्मला पन्तको हत्यारा पत्ता लगाउन नसकेको भन्दै सरकारको आलोचना गरिन भने सांसद प्रेम सुवालले सरकार विकाश निर्माणको काममा सुस्ताएको भन्दै कामलाइ तिव्रता दिन आग्रह गरे ।

प्रकाशित मिति: शनिबार, फागुन ११, २०७५ ००:४०