आईटी र व्यवस्थापनका लागि ‘बीसीआईएस’

A+ A A-

..........................................................

कक्षा १२ पछि के पढ्ने ? कुन विषय पढेकाले के पढ्न पाउँछन् ? पढेपछि के बन्ने ? के कस्ता अवसर छन् ? विषय कसरी छनोट गर्ने ? नेपालमा के कस्ता विषयको पढाइ हुन्छ ? विश्व बजारमा प्रतिस्पर्धा गर्न कुन विषय उपयुक्त हुन्छ ? यी र यस्तै प्रश्नलाई समेटेर कक्षा १२ उत्तीर्ण भएका विद्यार्थीलाई विषयको महत्त्व, सम्भावना, छनोट आदिका विषयमा सहयोग गर्न शिलापत्रले ‘प्लस टु पछिको गन्तव्य’ स्तम्भ सुरु गरेको हो । विद्यार्थी र अभिभावकलाई सहजीकरण गर्ने उद्देश्यले ल्याइएको यो स्तम्भ फलदायी हुने हामीले अपेक्षा गरेका छौं । जसअन्तर्गत आज हामीले ब्याचलर अफ कम्प्युटर इन्फर्मेसन सिस्टम (BCIS) को विषयम सामाग्री तयार पारेका छौं .........................................................

के हो बीसीआईएस ?

बीसीआईएस आईटी र म्यानेजमेन्टको मिक्स कोर्स हो । जसमा ६० प्रतिशत आईटी र ४० प्रतिशत म्यानेजमेन्टका विषय समावेश गरिएको छ । कुनै पनि कम्पनी चलाउन आईटी र म्यानेजमेन्टको ज्ञान आवश्यक पर्छ । त्यसैले आईटी र म्यानेजमेन्टको विषय मर्ज गरेर बनाइएको कोर्स हो ।

इन्फर्मेसन सिस्टम, डाटा प्रोसेसिङ, नेटवर्क, सफ्टवेयर निर्माण र व्यवस्थापनका लागि चाहिने जनशक्ति उत्पादन गर्ने शिक्षा हो । हार्डवेयर र सफट्वेयर बनाएर मात्र हुँदैन त्यसलाई चलाउन चाहिने जनशक्ति उत्पादन गर्ने शिक्षा बीसीआईएस हो ।

कस्तो कोर्स हो ?

बीसीआईएस स्नातक तहको चार वर्से कोर्स हो । जसमा आठ वटा सेमेस्टर छ । यो कोर्स म्यानेजमेन्ट संकायमा राखिएको छ । यो कोर्स पोखरा विश्वविद्ययलबाट मात्र सञ्चालन गरिएको छ ।

प्लस टु पछिकाे गन्तव्यः

टेलिकमदेखि विद्युतीय उपकरण निर्माणसम्मको अवसर

कृषि शिक्षा, आजको आवश्यकता

यस्तै कोर्स त्रिभुवन विश्वविद्ययलयले बीआईएम र काठमाडौं विश्वविद्यलयले बीबीआईएस संचालन गरेको छ । यी सबै कोर्स पढेर पास भएका विद्यार्थीले काम गर्ने क्षेत्र एउटै हो । यो कोर्सपछि मास्टर्समा एमबीए एमसिआइएस पढ्न सकिन्छ ।

कस्ता विद्यार्थीले पढ्न पाउँछन् ?

प्लस टु मा जुनसुकै विषय पढेकाले
प्रत्येक विषयमा सी ल्याएको हुनुपर्छ
सीटीईभिटीबाट डिप्लोमा गरेकाले
ए लेभेल पढेकाले

पढ्नुपर्ने मुख्य विषयहरु

प्रिन्सिपल्स अफ म्यानेजमेन्ट
प्रोग्रामिङ ल्याङ्गोइज
डिजिटल सिस्टम
कम्प्युटर आर्किटेक्चर एन्ड माइक्रोप्रोसेसर
डेटा म्यानेजमेन्ट
अपरेटिङ सिस्टम
कम्प्युटर ग्राफिक्स

कति खर्च लाग्छ ?

चार वर्से कोर्स पूरा गर्न ६ देखि ८ लाख खर्च लाग्छ । तर, क्याम्पसहरुले दिने सेवा सुविधाको आधारमा केही फरक हुन्छ ।

छात्रवृत्तिको व्यवस्था

गरिब तथा जेहेन्दार विद्यार्थीको लागि छात्रवृत्तिको व्यवस्था गरिएको छ । विश्वविद्यालयले १० प्रतिशत छात्रवृत्ति उपलब्ध गराएको छ । एउटा क्याम्पसको लागि ४८ जनाको कोटा छुट्याएको छ ।

प्लस टु पछिकाे गन्तव्यः

लिबरल आर्ट्सः विकास बुझेपछि जागिर पक्का

कम्प्युटर इन्जिनियरिङ पढे अवसरै अवसर

कोटाको १० प्रतिशतले पूर्ण रुपमा छात्रवृत्ति पाउँछन् । विश्वविद्यालयले लिने इन्ट्रान्स परीक्षामा धेरै अंक ल्याउने र समानुपातिक सिद्धान्तका आधारमा छात्रवृत्ति दिइन्छ ।

इन्टर्नसिप/प्राक्टिकल/प्रोजेक्टवर्क

बीसीआईएस प्राक्टिकल कोर्स भएकाले सैद्धान्तिकसँगै प्राक्टिकलमा फोकस गरिएको छ । विभिन्न आईटी कम्पनीमा गएर इन्टर्नसिप गर्नुपर्छ । राम्रो काम गर्नेलाई इन्टर्नकै समयमा रोजगारको अवसरसमेत मिल्छ । अन्त्यमा प्रोजेक्टवर्क अनिवार्य गर्नुपर्छ ।

कहाँ–कहाँ पढ्न पाइन्छ ?

पोखरा विश्वविद्यालयबाट सम्बन्धन लिएका

मेधावी कलेज, शंखमुल, काठमाडौं
एपेक्स कलेज, पुरानो वानेश्वर, काठमाडौं
नोबेल कलेज, सिनामंगल, काठमाडौं
बोस्टोन इन्टरनेसनल कलेज, चितवन
पोखरा कलेज अफ म्यानेजमेन्ट, कास्की
क्रिमसन कलेज अफ टेक्नोलोजी, रुपन्देही

कुन क्षेत्रमा काम पाउँछन् ? अवसर के छ ?

व्यवस्थापन र आईटी मिक्स भएकाले दुई मध्ये आफ्नो रुची अनुसारको क्षेत्रमा काम गर्न सकिन्छ । जस्तैः

सरकारी सूचना प्रविधि क्षेत्रमा
आईटी कम्पनी
प्रोगामिङ
वेब डिजाइनर
बैंक
नेटवर्किङ
अन्य निजी क्षेत्र

कस्ता रुची भएकाले पढ्ने ?

टेबलवर्क गर्ने क्षमता भएकाले
अन्र्तमुखी/बर्हिमुखीका लागि राम्रो हुन्छ
टेक्नोलोजीबारे जानकारी राख्नेले

विदेश यात्रा

यस्तै कोर्स अमेरिका, अष्ट्रेलिया र युरोपका देशहरुमा पनि संचालनमा छन् । त्यसैले मास्र्टस लेभलको कोर्सका लागि ती देशमा भिसा लाग्ने सम्भावना धेरै हुन्छ । कतिपय विश्वविद्यलयले छात्रवृत्तिमा समेत नेपाली विद्यार्थीलाई पढाउने गरेका छन् । यसको लागि आवश्यक प्रक्रिया क्याम्पसहरुले गर्छन् । तर खर्च विद्यार्थी आफैंले गर्नुपर्छ ।

कम्प्युटर इन्जिनियरिङको सपोर्टिङ कोर्स

जयराम खनाल, प्रिन्सिपल, मेधावी कलेज

उद्यमशीलतका लागि बीसीआईएस कोर्स महत्वपूर्ण मानिन्छ । आईटी र व्यवस्थापनको ज्ञान भयो भने आफैं व्यवसाय गर्न सकिन्छ ।

अर्कोतर्फ धेरैको कम्प्युटर इन्जिनियर बन्ने सपना हुन्छ । विविध कारणले कम्प्युटर इन्जिनियरिङ पढ्न नपाएकाले यसलाई विकल्पको रुपमा पढ्ने गरेका छन् । कम्प्युटर इन्जिनियरिङको सपोर्टिङ कोर्स हो ।

प्लस टु पछिकाे गन्तव्यः

एयर होस्टेज : थोरै खर्चमा छिटो जागिर

बीसीएः किन पढ्ने ? कहाँ पढ्ने

बीएचसीएम : सेवा पनि करियर पनि

कामकाजी शिक्षा भएकाले बेरोजगार बस्नु पर्दैन । समाजलाई प्रविधिमैत्री बनाउने कोर्स भएकोले नेपाल जस्तो देशमा बीसीआईएसको महत्व बढ्दो छ ।

कामकाज प्रविधिमा निर्भर

सुमन दाहाल, विभागीय प्रमुख, एपेक्स कलेज

विश्व प्रविधिमैत्री भएको छ । हरेक कार्यालय र कम्पनीको काम प्रविधिमा निर्भर भएका छन् । बीसीआईएस आईटी र व्यवस्थापनको मिक्स कोर्स भएकाले आफ्नो रुची अनुसारको क्षेत्रमा काम गर्न सकिन्छ ।

देशलाई आर्थिक रूपमा समृद्ध बनाउने भनेकै आईटी क्षेत्रबाट हो । विश्वमा जति पनि देश समृद्ध भएका छन्, ती देशमा आईटीको उच्चतम प्रयोग गरिएको छ ।

बीसीआईएसको आकर्षण

नेपालमा बीसीआईएस पढ्ने विद्यार्थीको संख्या बढेको छ । विश्व प्रविधिमैत्री भएपछि नेपालमा पनि बीसीआईएस पढ्ने विद्यार्थीको संख्या बढेको हो । बेरोजगार बस्नु नपर्ने र आईटी र व्यवस्थापन जुनसुकै क्षेत्रमा काम गर्न सकिने भएकाले बीसीआईएसको आकर्षण बढेको हो ।

प्लस टु पछिकाे गन्तव्यः

कम्प्युटर इन्जिनियरिङको विकल्प ‘सीएसआईटी’

प्लस टु पछि के पढ्ने ? परामर्श घरैमा

किरण तिम्सिनाको कम्प्युटर इन्जिनियर बन्ने सपना थियो । कम्प्युटर इन्जिनियरको विकल्प भएकोले उनले एपेक्स कलेजबाट बीसीआईएस कोर्स पढेका हुन् । उनी अहिले आईटी कम्पनी ‘अर्वन गर्ल’ मा कार्यरत छन् । ‘हरेक काम अटोमेसनमा गएको छ’ उनि भन्छन्, कम्प्युटरको ज्ञान भएपछि जुन क्षेत्रमा पनि काम गर्न सकिन्छ ।’

त्यस्तै, स्मिता दुवाडीले प्लस टुमा विज्ञान विषय पढेकी हुन् । पहिलेदेखि नै आईटीका विषयमा रुची भएकाले उनले स्नताक तहमा बीसीआईएस कोर्स रोजिन् । अहिले मेधावी कलेजमा उनी अध्ययनरत छिन् । ‘आईटीका अन्य विषय पनि थियो । तर बीसीआईएसमा विकल्प धेरै भएकाले यो कोर्स पढेको हुँ’ स्मिता भन्छिन् ।

अन्त्यमा

प्रविधिको कारण मानिसले गर्ने कामकाज छिटो छरितो हुन थालेको छ । सरकारी नीति, निर्देशन, निर्णयहरू प्रदेश र स्थानीय तहमा पठाउन प्रविधिको प्रयोग गर्न थालिएको छ । पहिले सरकारका निर्णयहरु धेरैपछि मात्र थाहा हुन्थ्यो ।

प्लस टु पछिकाे गन्तव्यः ब्याचलर इन फिल्म स्टडिज् :अभिनयदेखि निर्देशनसम्म अवसर

अहिले टेक्नोलोजीका कारण तुरुन्तै सबैतिर फैलिन्छ । सरकारले हरेक कार्यालयमा आइटी अफिरको व्यवस्था गरेको छ । संघीय संरचाना अनुसार स्थानीय, प्रदेश र केन्द्रमा आईटी अफिसर राख्न थालिएको छ । त्यसैले बीसीआईएस शिक्षालाई प्रभावकारी बनाउन आवश्यक छ ।

प्लस टु पछिको गन्तव्यका थप सामग्री

बीएमटीः मिडियामा अवसर