दया फाउन्डेसनले गर्‍यो कल्चरल भिडियो कन्टेस्ट नेवारी संस्करणको उद्घाटन

A+ A A-

दया फाउन्डेसनले नेवारी परम्परा, संस्कृति, मूल्यमान्यतामा आधारित विषयवस्तुहरू झल्काउनेसम्बन्धी कल्चरल भिडियो कन्टेस्टको घोषणा गरेको छ ।

उक्त कार्यक्रमको उद्घाटन संस्कृति, पर्यटन तथा नागरिक उड्डयनमन्त्री जीवनराम श्रेष्ठले गरेका हुन् । इन्द्रजात्राको अवसरमा सुरु गरिएको यस प्रतियोगिताका प्रतियोगीहरूले ३ मिनेटसम्मको उल्लेखित विषयवस्तुमा आधारित भिडियो बनाई प्रस्तुत गर्नुपर्नेछ ।

उक्त प्रतियोगिताको पहिलो चरणमा ०७९ आश्विन १५ का दिन बेलुकी ६ बजे जुम मिटिङमार्फत प्रतियोगीहरूको छनोट गरिनेछ र पहिलो चरणमा छनोट भएका प्रतियोगीहरूहरूले पुस १६ भित्र आफुले तयार गरेको भिडियो दया फाउन्डेसनको इमेलमा पठाइसक्नुपर्नेछ ।

यस प्रतियोगिताको विजेताको घोषणा ०७९ माघ १ गतेका दिन गरिने फाउण्डेसनले जनाएको छ । संस्कृति, पर्यटन तथा नागरिक उड्डयनमन्त्री जीवनराम श्रेष्ठले यस प्रकारको कार्यक्रमले मौलिक परम्परा तथा संस्कृतिको संरक्षण तथा प्रवर्द्धनका निमित्त एकदमै ठूलो टेवा पुर्‍याउने बताए । साथै, उहाँले दया फाउन्डेसनलाई यस्तो उदाहरणीय प्रतियोगिताको आयोजना गरेकोमा विशेष धन्यवाद व्यक्त गरे ।

उक्त कार्यक्रममा प्रमुख अतिथिलगायत दया फाउन्डेसनका अध्यक्ष राजेशबहादुर प्रधान, काठमाडौँ महानगरपालिका–१८ का अध्यक्ष न्हुच्छेकाजी महर्जन, वडा–२२ का अध्यक्ष चिनीकाजी महर्जन तथा विभिन्न नेवारी समाजका अध्यक्षहरूलगायत सो क्षेत्रका स्थानीयको उपस्थिति थियो ।