एयर होस्टेज : प्लस टुपछि आकर्षक कमाइ गर्ने गन्तव्य (भिडियो)

A+ A A-

धरानकी अंकिता लुइँटेलको सपना सानैदेखि एयर होस्टेज बन्ने थियो । प्लस टु सकेर उनी अहिले फ्लाइटेकमा एयर होस्टेजको ट्रेनिङ लिइरहेकी छन् । उनकी आमालाई पनि छोरी एयर होस्टेज बनेको हेर्ने रहर छ । आफ्नो सपना र आमाको रहर पूरा गर्न अंकिता फ्लाइटेकसम्म पुगिन् ।

भक्तपुरकी पूजा केसीको सपना पनि एयर होस्टेज बन्ने हो । नेपालमा पछिल्लो समय विमान कम्पनी र विमानस्थलको विस्तारसँगै यस क्षेत्रमा आउन चाहनेहरूको संख्या पनि बढ्दै गएको छ । नेपालमा एयर होस्टेजको सम्भावना राम्रो भएका कारण आफू यस क्षेत्रमा आएको पूजा बताउँछिन् । अंकिता र पूजासँगै अन्य सय जनाले अहिले फ्लाइटेकमा एयर होस्टेजको ट्रेनिङ लिइरहेका छन् ।

विभिन्न स्थान र देशमा घुम्न पाइने, दैनिकजसो नयाँ र फरक मानिससँग घुलमिल हुन पाइने, अलगअलग देशको संस्कार र संस्कृति बुझ्न पाइने तथा कमाइ पनि राम्रो हुने भएकाले पछिल्लो समय विद्यार्थीहरूमा एभिएसन क्षेत्र (एयरलाइन्स) प्रतिको आकर्षण बढ्दो देखिन्छ ।

एभिएसन क्षेत्रअन्तर्गत पनि एयर होस्टेजमा धेरैको आकर्षण देखिन्छ । यो कुनै शैक्षिक कोर्स भने हैन । एयर होस्टेज बन्न शैक्षिक योग्यता प्लस टु पास भएको हुनुपर्ने, कम्तीमा पाँच फिट दुई इन्च उचाइ हुुनुपर्ने, शारीरिक रूपमा फिट र बोली प्रस्ट हुनुपर्ने, क्वालिटिज हेल्पफुल, फ्रेण्ड्ली, पोलाइट र केयरिङ एट्टिच्युटजस्ता गुण प्लस प्वाइन्टका रूपमा रहने फ्लाइटेकका चिफ इन्स्ट्रक्टर सुवास बस्नेत बताउँछन् ।

फ्लाइटेकले दैनिक दुई घण्टाका दरले एयर होस्टेज र हस्पिटालिटीसमेतमा आवश्यक गुण विकास गराउने व्यावहारिक र सैद्धान्तिक दुवै प्रकारले चारमहिने ट्रेनिङ दिएर कुनै पनि एयरलाइन्सको मागअनुरुप योग्य जनशक्ति अर्थात् होस्टेज उत्पादन गर्ने काम गर्दछ ।

हेर्नुस् फ्लाइटेकका म्यानेजिङ डाइरेक्टर साकिर हुसेन, चिफ इन्स्ट्रक्टर सुवास बस्नेत र विद्यार्थीहरूसँग गरिएको कुराकानीः

फ्लाइटेकले सो ट्रेनिङमा व्यक्तित्व विकास, सेफ्ट इमर्जेन्सी, सर्भिस, स्वीमिङ तथा फिट्नेसलगायतका विषय समेटेको छ । यो कोर्समा हस्पिटालिटीसमेत जोडिएका कारण यहाँबाट उत्पादित जनशक्ति एयर होस्टेजका रूपमा प्लेनभित्र मात्रै नभएर एयरपोर्ट ग्राउण्डलगायत हस्पिटालिटीसँग जोडिएका सबै ठाउँमा फिट हुन सक्ने बस्नेतको भनाइ छ ।

उनी भन्छन्, ‘दुबई एयरपोर्टको ग्राउण्डमा यही कोर्स गरेका सबैभन्दा धेरै नेपालीहरू छन् । जो एयर होस्टेजले भन्दा कैयौँ धेरै कमाइ गरिरहेका छन् ।’

नेपाली एयरहोस्टेजको माग डोमेस्टिक फ्लाइटमा मात्र नभएर जस्तै एयर एसिया, कतार एयरवेज, इमिरेट्‌स, इन्डियन, अलजजिरालगायत थुप्रै अन्तर्राष्ट्रिय एयरलाइन्समा समेत देख्न सकिन्छ । नेपालको परिवेशमा प्लस टुपछि नै यति छोटो कोर्सबाटै आकर्षक कमाइ गर्ने एयर होस्टेजबाहेक अन्य कुनै पेसा नरहेको सुवासको भनाइ छ ।

फ्लाइटेकका म्यानेजिङ डाइरेक्टर साकिर हुसेनका अनुसार सन् २००६ देखि २०१४ को कुरा गर्दा नेपालमा त्रिभुवन अन्तर्राष्ट्रिय एयरपोर्ट मात्र थियो । त्यसबेला एयर क्राफ्टको संख्या सात/आठ मात्र थियो । अहिले विमानस्थल र विमानको संख्यामा वृद्धि भएको छ । मान्छेहरू पनि मोडर्नाइज हुँदै गएका कारण एभिएसन क्षेत्रलाई आफ्नो करिअर ठानेर यस क्षेत्रमा प्रवेश गर्नेहरूको संख्या पनि बढ्दै गएको छ ।

हुसेनका अनुसार पहिला एभिएसन क्षेत्रबारे नबुझेकै कारण अभिभावकहरूले आफ्ना बच्चालाई यस क्षेत्रमा प्रवेश गर्न रोक लगाउने अवस्था थियो । तर, अहिले अभिभावक स्वयम्‌ले यस क्षेत्रमा लाग्न चाहने विद्यार्थीहरूलाई सहयोग गर्ने गरेको पाइन्छ ।

यस शृङ्खलाका अरु पनि ...