छोटो अध्ययनमा आकर्षक कमाइ गर्न सकिने विषयको खोजीमा हुनुहुन्छ ? अमिन विकल्प बन्न सक्छ (भिडियो)

छोटो अध्ययनमा आकर्षक कमाइ गर्न सकिने विषयको खोजीमा हुनुहुन्छ ? अमिन विकल्प बन्न सक्छ (भिडियो)

A+ A A-

एसईईपछि धेरै विद्यार्थी छोटो अवधिको अध्ययन गरेर आकर्षक कमाइ गर्ने सोचमा देखिन्छन् । तर, त्यस्ता विषय के हुन सक्छन् भन्ने विषयमा भने उनीहरूमा अन्योल रहेको पाइन्छ ।

एसईईपछि छोटो अवधिको अध्ययन गरेर आकर्षक कमाइ हुने विषयको खोजीमा रहेका विद्यार्थीका निम्ति अमिन विषय एउटा उत्तम विकल्प हुन सक्ने बताउँछन् माइलस्टोन कलेजका को–अर्डिनेटर विष्णु त्रिपाठी ।

सरल भाषामा भन्दा अमिन विषयअन्तर्गत कुनै पनि जग्गा नापजाँच गर्ने काम पर्दछ । हरेक स्थानको, हरेक प्रकारको जग्गा नापजाँच गर्न अनिवार्य रूपमा अमिन विषय पढेको हुनैपर्ने व्यवस्था छ ।

अमिन विषयको अध्ययन गरेर अमिनी तथा सिभिल सबओभरसियरको क्षेत्रमा काम गर्न सकिन्छ ।

माइलस्टोनका कोअर्डिनेटर त्रिपाठी भन्छन्, ‘सीटीईभीटीअन्तर्गतको यो विषय अध्ययन गर्न चाहने विद्यार्थीहरूका निम्ति सीटीईभीटीले आवेदन आह्वान गर्छ । एसईई उत्तीर्ण विद्यार्थीले सो आवेदन भर्न सक्छन् । त्यसपश्चात् सीटीईभीटीले नै आवेदन दिने विद्यार्थीका निम्ति इन्ट्रान्स परीक्षा लिन्छ । सो परीक्षामा पास भएपछि विद्यार्थीहरू सम्बन्धित विषय अध्ययन गराउने कलेजमा भर्ना हुन सक्छन् ।’

अन्य विषयको तुलनामा यो प्राक्टिकल बेसको इन्जिनियरिङ विषय भएकाले विद्यार्थीले मेहनतचाहिँ गर्नैपर्ने त्रिपाठी बताउँछन् ।

सीटीईभीटीअन्तर्गतको अमिन विषय कति समयको हुन्छ ?

शैक्षिक संस्थामा एक वर्षको कोर्स रहने गर्दछ । कोर्स पूरा भएपश्चात् परीक्षा हुन्छ । अमिनको हकमा, त्यसपछि तीनमहिने ओजेटी गर्नुपर्ने हुन्छ । सिभिल सबओभरसियरको हकमा ६ महिना ओजेटी गर्नुपर्ने हुन्छ । ओजेटी भन्नाले विद्यालयमा विद्यार्थीले पढेका विषय अन द जब ट्रेनिङका रूपमा फिल्डमा सम्बन्धित क्षेत्रअन्तर्गत रहेर व्यावहारिक अभ्यास गर्नु हो ।

यसरी अमिनको हकमा १८ महिने कोर्स गरेसँगै कसैको मातहतबिना आफैँ काम गर्छु भन्दा सर्भेयरका रूपमा सडक, पुललगायतको सर्भे गर्नेजस्ता काम आफ्नै कन्सल्टेन्सी खोलेर काम गर्न पनि सकिने माइलस्टोन कलेजका कोअर्डिनेटर त्रिपाठी बताउँछन् ।

त्यति मात्र होइन, कुनै क्षेत्रको म्याप बनाउनेलगायतका काम गर्न सक्ने र सिभिलतिरको कुरा गर्दा ड्राफ्टहरू तयार पार्ने, नक्साहरू बनाउने सम्बन्धित निर्माण कम्पनीमा काम गर्ने, कन्ट्र्याक्टर भएर आफ्नै काम गर्नेलगायतका अवसर यस क्षेत्रमा छन् ।

त्यसबाहेक नेपाल सरकारको मातहत रहेर काम गर्छु भन्दा नापीसम्बन्धी विभिन्न विभागहरू छन् । जसअन्तर्गत नेपाल सरकारको मातहतमा कर्मचारीका रूपमा काम गर्न पनि सकिन्छ ।

त्रिपाठी थप्छन्, ‘अमिन त्यस्तो विषय हो, जसले इन्जिनियरिङ क्षेत्रमा यसको धेरै स्कोप छ । सर्भेयर भएर यससम्बन्धी सम्पूर्ण ज्ञान लिन अमिन विषय पढन् जरुरी छ ।’

यो विषय एउटा निश्चित कोर्समा मात्र नगई, कुन एरिया कहाँ पर्छ ? कुन ठाउ कहाँ पर्छ ? त्यसको लोकेसन कहाँ हो ? जग्गाहरू कसरी नाप्ने ? जग्गाको एरियालगायत निकाल्ने प्रक्रिया के–के हो ? यस्ता कुरासँग सम्बन्धित अमिन विषय भएका कारणले एउटा विद्यार्थीले यस क्षेत्रका बारे ओभरअल ज्ञान हासिल गर्ने विषय भएका कारणले समग्र रूपमा राम्रो छ ।’

अरु पनि...