मह अभिनित ‘महापुरुष’मा शिवम् सिमेन्टको सहकार्य

A+ A A-

शिवम् सिमेन्ट र षट्कोण आर्टस्‌बीच नेपाली कथानक चलचित्र ‘महापुरुष’ का लागि आर्थिक तथा प्रवर्द्धनात्मक क्षेत्रमा सहकार्य गर्ने सम्झौता भएको छ ।

उक्त चलचित्र आगामी कात्तिक ११ मा रिलिज हुन गइरहेको छ । यस चलचित्रमा मुख्य कलाकारको रुपमा मदनकृष्ण श्रेष्ठ, हरिवंश आचार्य, राजाराम पौडेल, गौरी मल्ललगायतका कलाकारहरू छन् । चलचित्रको लेखन तथा निर्देशन प्रदीप भट्टराईले गरेका छन् ।

नेपाली चलचित्र क्षेत्रलाई आर्थिक रुपमा सवल बनाई गुणस्तर विस्तार गर्न शिवम् सिमेन्टले मह सञ्चारका अघिल्ला चलचित्रहरू शत्रु गते, दालभात तरकारीलगायतमा सहकार्य गरेको थियो ।

जसबाट दुवै पक्षलाई एक–आपसको प्रवर्द्धनमा थप टेवा पुग्नुका साथै बजारबाट पनि सकारात्मक प्रतिक्रिया आएको थियो ।

त्यस्तै, षड्कोण आर्ट्‌सका निर्देशक प्रदीप भट्टराईले शिवम् सिमेन्टजस्तो अग्रणी ब्राण्डसँगको सहकार्यले चलचित्र निर्माण एवम् प्रवर्द्धनमा थप टेवा पुग्नुका साथै अन्य ब्राण्डलाई समेत सहकार्य गर्न हौसला मिलेको बताए ।

शिवम् सिमेन्टले आफूप्रतिको भरोसालाई मजबुत पार्दै विभिन्न क्षेत्रहरूमा जस्तै, शिक्षा, स्वास्थ्य, खेलकुद, यातायात, वातावरण व्यवस्थापन एवम् वृक्षरोपण, सरसफाइ, मनोरञ्जनजस्ता क्षेत्रमा विभिन्न कार्यक्रमहरू गर्दै आएको छ ।

कार्यक्रममा शिवम् सिमेन्टका सेल्स एण्ड मार्केटिङका भाइस प्रेसिडेन्ट केपी रिजाल, कन्ट्री हेड निखिल अग्रवाल र मार्केटिङका डीजीएम केशव अर्यालको उपस्थिति थियो । त्यस्तै, षट्कोण आर्टस्‌का निर्देशक भट्टराई, निर्माता रवीन्द्र सिंह बानियाँ, कलाकार राजाराम पौडेल, गौरी मल्ल, अरुण क्षेत्रीलगायत अन्य कलाकारहरूको पनि उपस्थिति थियो ।

प्रकाशित मिति: बुधबार, साउन २५, २०७९ १८:३५